-
استفسار
انا واخد شقة قانون جديد وكنت عايز اغير محل الاقامة على الشقة دى.
ايه الخطوات بالترتيب اللى لازم اعملها. مع العلم ان العمارة لسه مفيش غاز او تليفونات لكن فيه عداد كهربا لسه راكب وجالى لأول مرة وصل الكهربا والعداد طبعا باسم صاحب الشقة وعايز اعرف مدة العقد لازم يبقى لها حد ادنى علشان يرضوه فى السجل المدنى يغيروا محل الاقامة ؟
وشكرا،،،
-
ايه يا اخواننا محدش عمل الموضوع ده قبل كدة؟
-
العقد لو سنه او اكتر ينفع
بتاخد وصل كهربا حديث و تاخد صاحب الشقه و تروحو توثقو العقد فى الشهر العقارى (توثيق كامل و ليس مجرد اثبات تاريخ ... يعنى لازم صاحب الشقه معاك) و بعدين يروح هو و انت تاخد العقد الموثق و صوره منه مع وصل الكهربا و تطلع على السجل التابع ليه عنوان الشقه و تقدم على تغيير العنوان
-
شكرا ياباشا على الافادة
انا سألت واحد يعرف ضابط فى السجل المدنى بتاع العباسية قاله يجيب عقد الايجار ومش اقل من سنة زى ما حضرتك تفضلت كدة وقال لى اخد عليه محضر تصديق من الشهر العقارى ومش لازم مالك الشقة يكون معايا وبعد كدة على السجل المدنى مع وصل النور
مش عارف بيقول كلام وخلاص ولا ايه. لما نشوف وربنا يسهل
شكرا مرة تانية :)
-
بص انا لسه عامل الكلام ده لقرايبى و سالت حد معرفه فى السجل المدنى بس واحد تانى و هو اللى قالى كده و اكد كزا مره انه محتاج توثيق كامل مش مجرد تصديق او اثبات تاريخ .... الحاجات دى ممكن بتفرق من سجل للتانى و لو الموظف عنده شك بيقولك ارجع للظابط
لو مش مستعجل اعمل التصديق و روح جرب لو ممشيتش هتعرف ايه المطلوب
Content Relevant URLs by
vBSEO 3.6.0 PL2