الى اهل الخبره في المرسيدس والبيجو

عيز اعرف الفرق بين المرسيدس والبيجو في كل حاجه الامان في البنزين قطع الغيار و الاحسن في الاخر اشتري انهي الفرق بين ال 504 والمرسيدس 200 موديل الثمانينيات

انت بتتكلم في الجيل الجميل

المرسيدس طبعا ومازال الفرق محترم في السعر
اصلا هتركب المرسيدس هتلاقى كل الاوبشن والامان اللى في الجديد مش هتحس انك راكب عربية قديمة بس بشرط الحالة

انما طبعا البيجو ﻻ باور وﻻتكييف وﻻ اي حاجة

استهلاك البنزين زي بعض مش فارقة كدة كدة الاتنين بياكلوا بس بنزين 80 و ﻻيهمك
قطع الغيار مش عارف ايه نظام المرسيدس بس البيجو مش رخيصة على موديل وسعر العرببة واحتمال تلاقى قطع للمرسيدس اسهل منها

مرسيدس طبعا البيجو ٥٠٤ قطع غيارها بدات تقل عن زمان وصراحة هي لاشكل ولا مضمون ( مقارنة بالمرسيدس ) انما المرسيدس برستيج عالي وخد بال سيادتك ان اللي معاًه حته اوتوماتيك بيتي انجكشن استحاله يبيع اقل من ٥٠ الف انما سيادتك ممكن توقع واحده موديل ٧٩ ب ٣٧ او ٣٨ الف نضيفه وربنا يوفقك للي فيه الخير هو بس عيبها ان المانيول الدبرياج فيها عالي وناشف انما الدركسيون ناعم جدا وباور وحل الدبرياج انك تروح لميكانيكي يوطي الدبرياج لغاية ماتحس ان الوضع مقبول وابتدي بقي خد علي الطلعه بالدبرياج ده بس الصراحه ممتعه جدا ف السواقه بس لما تاخد عليها دي عشره عمر عن تجربه هتنبسط منها اوي

ياه
ولا زمان
لو رجعت 10 او 15 سنه للخلف
كانوا ملوك السوق في البيع والشراء
المرسيدس افضل طبعا بس في فرق سعر بينها وبين الاسد العجوز
واحد صاحبي لسه مخلص مرسيدس 200 78 ب41 الف
ال 504 لو رايقه تعمل لها 25

ال 504 دركسيونها هاف باور خفيف _ ومنها المكيف زى ما نازل من المصنع وحتى الموديلات الاقدم مجهزة للتكييف_ استهلاك بنزين أقل بكثير من المرسيدس نظرا لثقل وزن المرسيدس _ سحب البيجو اسرع_ ركن البيجو افضل فى الاماكن الضيقة _ عفشة ناعمة و قوية فى نفس الوقت (ركز كدة مع بيجو او 132 داخلين على مطب و سرعاتهم) ، مساعدين تملا بالزيت مش بتتغير ، و اعتمادية جدا زميلى مقاول كانت عنده قال لى 15 سنة ما فتحش كبوتها_عمرة موتور البيجو ترجعه زيرو (بساتم و شميزجديد)و لذلك تمنه ضعف تمن موتور اللانوس !!! ، قطع الغيار موجودة و من السيارات المحفوظة لمعظم الميكانيكية-تصميم و انسيابية البيجو (Aerodynamics) مع الهواء افضل من المرسيدس

المرسيدس محترمة طبعا

جسم المرسيدس شاسيه و صاج قوى ايام البركة ، ومن وجهة نظرى الزيادة فى سعرها لانها كاشفة العربيات الورق الجديدة ، و ساندة سعر المرسيدس المستعمل الجديد يعنى عاملة واجب مع الجديد

انا جارى عنده المرسيدس ال200 القديمة و النترا جديدة
الطلعات العائلية الجامدة و اللى فيها تحميل للمرسيدس

بصراحة انا لو مكانك اللى يفرق معايا فى الموضوع دا كله الركنة و المناروات فى الزحام و اختار البيجو !!!