المشاركة الأصلية كتبت بواسطة i_boy
عارف ان الموضوع قديم بس عايز اشارك ...
يوم الزلزال كنت قاعد انا وبابا بنتفرج علي فيلم اجنبي
قاعدين على الارض وساندين ضهرنا على الكنبه والتليفزيون في وشنا
اعتقد كان فيلم اكشن بتاع كاوبوي والغرب الامريكي وكده
وكله ضرب نار
مره واحده كان فيه صوت ضرب النار عالي قوي
بعدين بقيت بتدحرج على الارض ههههههه
والبيت بيرقص
ماما خدتني انا واختي ونزلت بينا على الشارع جري والحمد لله كانت بلبس الصلاه
واختي كانت بتلعب بايشارب او فوطه تقريبا واديناها لجارتنا علشان نزلت من غير حجابها
وبابا كان فوق بيدور على مفتاح البيت
بعدين نزل قالنا خلاص اطلعوا الزلزال خلص
اللي غايظني اني عايز اعرف الفيلم خلص على ايه
ههههههههه
ومش فاكر اسم الفيلم
ياريت اللي فاكر الاسم يقول لاني عايز اتفرج عليه
هو كان على القناه التانيه :))
والحصان بتاع البطل كان لونه بني ههههه
احلى حاجه في الزلزال
ان الناس فضلت بعديه مده كبيره قوي بتراعي ربنا والدين بقى حلو قوي عند ناس مكنتش بتصلي اساسا
دي الحاجه اللي بتخليني نفسي في زلزال كل 3 اسابيع
عل و عسى ...
:(