الموضوع: زي النهاردة من 16 سنة ...الزلزال .. فاكرين ايه اللي حصل

المشاركة الأصلية كتبت بواسطة aif

:k22::k30:
بس كدة ....
حاول تاني وربنا معاك

الحق استخبي منك انا بقي قبل ما الضرب يشتغل :D

ان شاء الله هاحاول للمره التانيه دعواتك معنا يا باشا والله نفسي ابطلها خالص وان شاء الله هاقدر عليها

انا واخواتي كنا كلنا جوة قوضة النوم بتاعت والدي ووالدتي بنلعب معاهم وفجأة كل حاجة ابتدت تتهز والدولاب كل الحاجات اللى عليها وقعت على الأرض (كان فيهم مروحة جديدة عيني كانت عليها عشان آخدها لية بس اتكسرت خالص)

وافتكرنا العمارة بتقع في الأول (خصوصا ان العمارة عمرها الإفتراضي خلص من زمان) وإخواتي الصغيرين بقى اتسرعوا لمدة شهرين مثلا ولا حاجة

جريت طلعت على السطح اطمنت ان مش العمارة لأني سمعت السويط بقى من كل حتة وكنا في المنيل جنب البرج الكبير اللى في عبدالعزيز آل سعود منظر البرج بقى كان تحفة حسيت ان انا شايفه بيتهز من فوق ... 42 دور بقى !! كان بيرقص أحلى رقص وأصلا ماكنتش أعرف يعني ايه زلزال ساعتها

ده كان يوووووووووووووووووووم ملهوش وصف

اول مره بحياتى اسمع انه فيه شى اسمه زلزال اصلا وممكن يحصل فى مصر كان تفكيرى ان مصر دى قلعه محصنه كنت هبله شويه

المهم سعادتى راجعه من المدرسه ويا دوب دخلت البيت لقيت ماما قاعده قدام التليفزيون وماسكه طبق لب سوبر وهاتك يا قزقزه
يا دوب قعدت جمبها وبمسك طبق اللب ولقيت تراب ورمل بتنزل فوق راسى وصويت من بره الشقه وهزه فظيعه

افتكرت العماره بتاعتنا بتوقع اول حاجه فكرت اعملها اخد شنطه المدرسه واسيب الشقه وفكيك على الشارع
فتحت الباب وهوب بدور على ماما ملقتهاش هى دخلت تصحى اخواتى الصغيرين كانوا نايمين طلعت تجرى معاهم وهى تمام
اول ما نزلت الشارع وبعدت عن العماره قعدت تصوت وتدور على اخواتى وهما فى ايدها اصلا

الفضيحه بئه لما كل الناس نزلت الشارع كله بان على حقيقته اللى شعره منكوش واللى قرعه اصلا وكانت بتلبس باروكه واللى واللى الحمد لله ربنا سترها علينا

الحمد لله الهزه مطولتش فى الوقت لكن كانت صدمه محدش متعود عليها قبل كده

اكثر شى الرعب اللى حصل بعد الزلزال لمده اسبوع محدش فى العماره نايم وقافل باب شقته كله قاعد استاند باى اى حركه صواريخ على تحت:k39:

اول يومين انا كنت بسهر لحد الصبح جمب السلم

انا بقى كنت قاعد فى الكافتيريا بتاعة كلية الزراع فى شبرا الخيمة بالعب شطرنج وحسينا بهزة جامدة جدا وظهرت الاشاعة فورا ان محطة الكهرباء اللى فى شبرا الخيمة بتفرغ الهربا فى الارض وهوة دة السبب فى الهزة دى وطبعا كملت لعب الشطرنج