يا أهل الخبرة .. إلحقونى من فضلكم

**negmeddin** · 30-05-2014 06:20 AM

دايو لانوس 1 موديل 2000 - مانيوال - من فترة و هى مش بتحرق بنزين كويس( ريحة العادم تخنق و تخلى العين تدمع - و لكن بلا لون ) و الموتور فيه هزة و صوت خشونة شوية ( أوقات بتبطل و أنا ماشى لما أشيل رجلى من على البنزين أحيانا ) عملت فيها كل حاجة و لفيت على صنايعية كتير .. غيرت سيرفيس كامل ( زيوت - فلاتر - سيور - ) غيرت حساس الجاكمان لأكتر من مرة - كشفت كومبيوتر 3 مرات و لم يظهر أى شىء - راجعت ضفيرة الكهرباء كلها غيرت طقم السلك و البوجيهات - فكيت وش السلندر و راجعت الصبابات و قواعدها و عملت فريزة و غيرت الجوان - راجعت طلمبة البنزين و ضغطها و لا فائدة .. تفتكروا لو غيرت العربيةممكن العيب ده يروح ؟

**Eng.Tarek Eladwy** · 30-05-2014 07:49 AM

المشاركة الأصلية كتبت بواسطة negmeddin

دايو لانوس 1 موديل 2000 - مانيوال - من فترة و هى مش بتحرق بنزين كويس( ريحة العادم تخنق و تخلى العين تدمع - و لكن بلا لون ) و الموتور فيه هزة و صوت خشونة شوية ( أوقات بتبطل و أنا ماشى لما أشيل رجلى من على البنزين أحيانا ) عملت فيها كل حاجة و لفيت على صنايعية كتير

.. غيرت سيرفيس كامل ( زيوت - فلاتر - سيور - ) غيرت حساس الجاكمان لأكتر من مرة - كشفت كومبيوتر 3 مرات و لم يظهر أى شىء - راجعت ضفيرة الكهرباء كلها غيرت طقم السلك و البوجيهات - فكيت وش السلندر و راجعت الصبابات و قواعدها و عملت فريزة و غيرت الجوان - راجعت طلمبة البنزين و ضغطها و لا فائدة .. تفتكروا لو غيرت العربيةممكن العيب ده يروح ؟

السلام عليكم
أرجو مراجعة حساس الكام شيفت و حساس الكرنك و علبة البيئة

تحياتي لك

**عمرولبيب** · 30-05-2014 12:51 PM

اكشف على الرشاشات وشوفها النوع التخين ولا الرفيع .. ونضف البوابه كويس وحساس الايدل واعمل ايدل رن وقولنا النتيجه

**ادوارد** · 30-05-2014 02:14 PM

المشاكل دى غالبا من الرشاشات اكشف عليها على جهاز التراسونيك
وفية ريجلاتور مدور فوق المسطرة فكة وشوفوا بيجيب بنزين ام لا دة راجع البنزين الى الطرمبة لو مسدود ممكن يعمل كدة

**waley** · 30-05-2014 08:18 PM

ممكن يكون الكمبيوتر مخرف اما حساس شغال وبيقرا على السكانر لكن شغال غلط

**tarek_2005** · 31-05-2014 09:57 AM

اخبار علبة البيئة ايه

**MMamdouh** · 01-06-2014 12:13 PM

مفيش حاجة اسمها حساس مجهول لا يعمل... اى حساس مش شغال هيخللى لمبة التشك تنور

روح لمحمد السيد و حطها على سكانر... الاهم من السكانر ان اللى ماسك السكانر يكون بيفهم

لو السكانر قال ان كل حاجة تمام ابداء دور حوالين الرشاشات و فرن الشكمان

MMamdouh