الفرق بين غسيل موتور السياره كيماوي او فوم

**atpo56a** · 30-05-2014 11:01 AM

السلام عليكم احبائي اعضاء وزوار المنتدي
اكيد الكل مننا عاوز عربيته تبقي لامعه وجديده
ونظيفه من الداخل والخارج المهم اللي يجرب يغسل في بنزينه( بمياه وجاز)وكمان اللي يغسل( بفوم)
وكمان (كيماوي) بالله عليكم اكيد الكل جرب كل الانواع الثلاثه ياريت اللي جرب غسيل السياره بالفوم أوالكيماوي يقولنا ايه الفرق بينهم من حيث النظافه مين الاحسن والاطول في المده
يا ريت الكل يكتب تجربته لتعم الفائده للجميع
وجزاكم الله كل خير للرد والمشاركه

**JAM** · 30-05-2014 11:44 AM

الؤال ممكن يجى بصيغة تانية او بصيغ كتيرة ومنها
اى منهم الأمن
اى منهم الأكثر نظافة
اى منهم الارخص

تجربتى الشخصية بتتمثل فى الآتى
اول مرة عملت كيماوى وحسيت انه اتنصب عليا لانه مكنش الحاجة الواو يعنى اللى كل الناس بتقول فيها شعر
بعد كدة بقيت اجيب جيركن جاز والولدد بتاع المغسلة يضربه على الماكنة علشان القذورات بتاعة أجوائنا الجميلة تنزل من على المكنة والاماكن المدارية.. ثم يتم تشطيف الماكنة بالميياه فقط... ثم غسيل الماكنة بالفوم العادى لإزالة آثار الجاز وعدم تركها على الاجزاء الكاوتش بالموتور ثم تشطيف الماكنة بالمياه جيداً... ثم بالمسدس الهواء نقوم بتنشيف الماكنة جيداً ... وبس
وكلها ١٠ ايام وهتلاقى الماكنة بقة زى الزفت تانى
دى تجربتى وهية اللى فعلاً بتخلى الماكنة وحوض العربية زى الفل

**svneleven** · 30-05-2014 02:35 PM

لو اشتغلت بالفوم كل شهر مثلا هتلاقي الموتور نضيف علي طول خصوصا لو مش عندك رشح زيت و لا حاجة. علي فكرة أنا بغسل الموتور كل ما روج التوكيل بالفوم بردو و بنضفو بالهوا بس بعد كده و بيفضل بردو نضيف.

**mhemoo_sale** · 30-05-2014 02:39 PM

هو اية الفوم دا ؟؟؟؟؟؟؟؟؟؟؟؟؟؟

**Mahmoud.Fathy** · 31-05-2014 12:09 AM

الفوم انظف حاجة

**ادوارد** · 31-05-2014 12:29 AM

المشاركة الأصلية كتبت بواسطة mhemoo_sale

هو اية الفوم دا ؟؟؟؟؟؟؟؟؟؟؟؟؟؟

دة اسبراى عامل زى رغوة الصابون دى صورة لة

**tarek_2005** · 31-05-2014 09:48 AM

الفوم ما هو الا اكزوبة كبيرة هو مجرد صابون سائل مضغوط
تجربتي في غسيل الحوض
1 - كيس منظف سائل بريل او فيري
يزاب في جردل مياه
سفنجة وادعك المكوتور والحوض بيه كويس وياريت لو فرشة دهان نظيفة تنضف بيها الاماكن الديقة والمزنوقة
خرطوم مياه حنفية عادية واغسل المكنة بيه والحوض جيدا ً
انتظر 5 دقائق ودور المكنة واقفل الكبوت بعد خمس دقائق اخري
كرر العملية كل اسبوعين

**Mohamed Desoky** · 22-08-2016 08:18 PM

انا اول مره اغسل الموتور من 5 سنين فى محطة توتال الشيخ زايد طول الوقت كنت بنظف بلهوى وبس ؟وبعد الغسيل الكهرباء فصلت والموتور اتلغبط المهم فين بعد يومين لما الموتور اظبط بس النور الواطى فصل وانشاء الله اروح لكهربائى وتوبه ان اغسل الموتور تانى بس اصلح نور العربيه وتبقى دى اخر نوبه وبعدها توبه توبه ؟؟؟؟؟؟؟ بلاش غسيل الموتور علشان الحساسات والكومبيوتر وباقى الملفات الكهربائيه امسح او انفخ الموتور بلهوى ده افضل لان العربيات الحديثه لازم مكان متخصص لغسل الموتور كفايه غسيل خارجى وهوفر داخلى والحمد لله احسن من العطله والمصاريف لان العربيات فى بلدنا لما تطنظف بتخرب ؟