عرض للطباعة
ازيكم يا رجاله
قدامي a113 موديل ٢٠١٣ كسر زيرو عامله ١٢ الف كم
ايه رايكم
طالب فيها 52 الف جنيه
سعرها معقول ولا ايه
والعربيه دي كويسه ولا لا وتسافر وتستحمل وتكييفها اخباره ايه
انا بالفلوس دي ممكن اجيب فيرنا او لانوس بس طالع عينها موديل خمس سنين فاتوا ومعديه ١٠٠ الف كم
ايه رايكم وياريت اللي راكب العربيه ينصحني
عربية محترمة مع واحد زميلي عامل بيها 40000 كم في سنة بس حاول تنزل من السعر
عربيه محترمه ولكن اللانوس محترمه عنها بمراحل كقطع غيار وراحه وماتور شديد يستحمل التكييف وسعه اكبر وبالسعر اللى بتقول عليه دا هتجيب حاجه محترمه
يا باشا مفيش لانوس محترمه ب52 الف
دي حتبقي موديل 2008 مثلا من خمس سنين وعامله كيلوهات كتير دي اسعار السوق
وادخل نفسي في عربيه مستعمله ومهلوكه
وانا قدامي كسر الزيرو
الزيرو زيرو يا باشا
ولا ايه رايك الاسبرانزا وحشه ولا ايه وايه مشاكلها غير العفشه الناشفه
بتسخن مثلا مع التكييف ولا ايه رايكوا
متابع
العربية كويسة ما شاء الله عليها وتكيفها كويس جدا ومعدل استهلاك البنزين معقول وعلى حسب مشيك لو في الهادي بمعدل سرعة 70 الى 90 كيلو استهلاكها داخل البلد في حدود من 8 الى 9 لتر ومشكله عفشتها ان المساعدين الامامي ناشفين وده في الطرق المكسرة اللى ماليا البلد غير كده العربية ناعمة وجراية .. وربنا يوفقك في الشراء ومتنساش صلاة استخارة
العربية دي معانا موديل 2008 ماشية 123 الف كم ........ ربنا يبارك فيها .....
تكييفها لو مضبوط بيكون كويس قوي كعربية 1300 ولو فيمت الزجاج شوية هيعملك احلى شغل
يارها اغلى شوية
عيبها ان عفشتها ناشفة علشان الكاوتش صغير فمش بتاكل مطبات بنعومة .... لان الكاوتش كله بيقع في المطب
وقطع غيارها مش منتشرة قوي في كل مكان غير عند محلات قطع الغيار بتاع اسبيرانزا دا غير ان قطع اغلى شوية من 516 لكن كجودة بتكون افضل.......... اغلى زي 20 ج زيادة لو القطعة سعرها 200 ج مثلا تلاقيها ب 220 ج .....
لو هتستخدم العربية جوا البلد هتكون تمام وحلوة بينما لو هتسافر كتير ومسافات طويلة ........... يبقى هات 516 هتجيبلك حالة كويسة بنفس السعر او ام 11
هي الموضوع ان الماتور صغير علشان كدا مش حلو قوي في الجري دا غير ان عند سرعة 120 بيكون الماتور على 3800- 4000 لفة تقريبا .......... وعلى 150 بيكون على 5000 لفة ........
ودا معناه استهلاك اضافي للبنزين وقصر عمر المحرك لانك بتستخدم المحرك في ظروف تشغيل اقرب الى الظروف القصوى .....
يعني العربيه في المجمل كويسه وتستحمل السفر ومتسخنش او تعطل؟؟؟
ولا مش قوي في السفر !!!!
ينفع اروح بيها الساحل ولا صعب وحتبقي ضعيفه
وبالنسبه للفتيس هو فيه فعلا عضه عند النقل ولا ايه لاني سمعت الموضوع ده كتبر
انا بتكلم عن السفر بشكل متواصل ............ يعني واحد بيمشي 200 كم في اليوم
وعايز سرعات عالية ......
انما تروح اي مكان عادي ........ لكن ما تجريش اكتر من 140 لان العربية صغيرة وكاوتشها رفيع
اخويا كان بيروح من الجيزة لنادي انبي في مدينة نصر اللي جنب المطار كل يوم ... بيمشي 120 كم يوميا
مشي بالعربية 50 الف كم في سنة ونص .... لاننا اشتريناها مستعملة
الفتيس بتاعها ناعم جدا ومفيش عضات ولا حاجة ........... ممكن بس المارشدير تقيل شوية ودا غالبا في الاسبيرانزات تلاقيه كتير مع اختلاف الموديلات
عربية ممتازة بالنسبة لسعرها و حجمها ....
مع اخت زوجتي و بتمشي معايا علي الساحل علي سرعة 170 ... و من غير رست و علي طريق العلمين
بقالها سنتين و زي الفل "من غير كلام علي التخبيط و الدغدغة " و مقلتش اي ...
شكرا يا هيما باشا
انا فعلا اتحمست اني اجيبها باذن الله وحتوكل علي الله
سعر معقول بس اهم حاجة اكشف عليها في التوكيل
بص لو هتعرف تجيب بالسعر دا لانوس حالة ممتازة يبقى احسن علشان قطع الغيار وسهولة الشغل في اللانوس واي ميكانيكي يشتغلها بينما الاسبيرانزا مش اي حس يشتغل في المكنة بتاعتها ابدا
+1111111اقتباس:
المشاركة الأصلية كتبت بواسطة abdulhafeez
انا معايا العربية من٢٠١٠ زيرو وكان شغلي في القرية الذكية وانا ساكن فالمقطم يعني ١٠٠ كيلو يوميا لمدة سنتين العربية مشتكتش وياما وقعت فحفر ومطبات بتاعة الدائري والحمد لله العربية مجرلهاش حاجة غير كام فردة كاوتش اتقطعت.
العربية سافرت بيها الساحل و اسكندرية و العين السخنة و الزعفرانة و الزقازيق وعادي جدا بس في المسافات الي اكتر من كدة بتبقه غير مريحة.
جبت بيها قبل كدة ١٨٥ كيلو علي طريق العين السخنة و كنت مشغل التكيف و معايا ٣ راكبين غيري.
ثبات العربية جيد جدا و الفرامل كويسة بس ال 516 الفرامل بتعتها افضل.
التكيف جيد جدا بالنسبة ل ١٣٠٠ cc.
العربية اوسع من الفيرنا و اللانوس من جوة عن تجربة شخصية اصلي ركبت وسقت الفيرنا و اللانوس بس طبعا على حساب الشنطة
في المجمل عربية يعتمد عليها وسحبها ممتاز و واسعة نسبيا ولكن يعيبها العفشة النشفة وضيق الشنطة.
وبالمناسبة انا ببيع العربية دلوقتي علشان اجيب الانفي علشان محتاج عربية اوسع.
بهدلت اللي جابوها ... خدتها لحم و هترميها عضم .:ask:... :) انا راشق علي 5 جنيه و نص ... بايع:36_2_55[1]:
لا والله العربية لسة بحالتها فبريكا جوة وبرة والفرش من جوه كائنه جديد هية عاملة ٧٩٠٠٠ كيلواقتباس:
المشاركة الأصلية كتبت بواسطة hemaa_82
طب و بالنسبة لل 5جنيه ...؟؟ موافق ولا :)
بس لو تهزهم شويةاقتباس:
المشاركة الأصلية كتبت بواسطة hemaa_82
اصل العربية حالة بردو وانا مقبلش فيها اقل من عشين جنيه :Copy of m-s5:
لا يا عم كتير عليا ... ربنا يحسنلك بيعها :)
55 الف
انت لسه ففئة الفيرنا ومش قديمة