لمبة الدركسيون وجمبها علامة تعجب نورت أمبارح و أنا بركن
بسم الله الرحمن الرحيم
أولا أحب أشكر أعضاء المنتدى الكرام على كل شئ و بجد أني أحبكم في الله و بعتبركم أهلي أنا صحيح مشاركاتي مش كتير بس بتابع المنتدى علطول و أنا كنت مستني لغاية صيانة ال2500 علشان أحكلكم تجربتي من اﻷول ﻷخر بس حصلي مشكلتين في العربية أمبارح و أنا لسه مش عامل غير 700 كيلو فقلت أخد من خبرتكم ....... أول مشكلة هي و أنا بركن أمبارح نورت اللمبة اللي في التابلوه جمب لمبة ال check و الليهيا عباره عن علامة الدركسيون و جمبها علامة تعجب وبعدها الدركسيون بقى تقل جبل فابطلت العربية و شغلتها تاني لقيت الدركسيون خف شوية لاكن اللمبة لسه منوره ... فاياريت حد يقول لي ايه المشكلة و أحلها أزاي ﻷني محتاج العربية جدا و قلقان أمشي بيها ........ دي كانت المشكله اﻷولى المشكله التانية كانت الفرامل لما بجي أدوس فرامل بقيت بسمع صوت هواا و بقيت محتاج أدوس أجمد علشان العربية تقف .... خليت واحد صاحبي يسوقها فاراح مشي بيها على 80 و وفرمل بسرعة و العربية وقفت عادي فقالي أنتا واهم نفسك فا عايز أعرف منكوا ايه صوت الهوا دا ..... و شكرا جزيلا مقدما ﻷني عارف أنكوا مشهتبخلوا عليا بخبرتكم
