الموضوع: اسرار سوق القطط فى مصر

المشاركة الأصلية كتبت بواسطة Ahmed Samy

الحقيقة انا بكره القطط جدا و بحس انها بتبصلي و تقوللي يا عبيط

انا باحب الكلاب جدا الكلب فعلا فعلا تحس انه عنده مشاعر و بيزعل و بيفرح و بيستناك و بيبان على وشه الفرحة لما يشوفك ولا يسمع صوتك

كان عندي كلب كان يطلع بالليل ياخد فردة من جزمى يحطها عنده و مرة طلعت رحلة اسبوع و سيبته في البيت خلال الأسبوع لم كل جزمي في بيته في المدخل و ماحدش عرف ياخدهم منه الا لما جيت ..

و ساعات والله كنت أرجع من الكلية متأخر و هو جعان ولما أطلعله أكل ..ياكل شوية و يلعب معايا شوية و الله كان بيصعب عليا انه جعان و عايز يرحب بيا في نفس الوقت
و حتى لو غلط و ضربته أو عاقبته تلاقيه زعلان كده و حاسس انه عامل عمله و راسه في الأرض


انما القطة ....جوعها شوية بس ولا دوس على ديلها كده !!!!!

انا اؤيد كلامك ده جدا
كان في كلب بتاع واحد قريبي و كنت متولي تربيته و العنايه بيه زي قريبي تمام
و في مره كنت شايل بيبي و اقف بهشكه لاقيتهم بيصرخو فيا حاسب حاسب ببص لقيتني واقف علي ديله لأ و ايه بلف و بهشك البيبي كمان
و الكلب ولا الدموع ولا حتي زمجر
مع العلم انه كان ولف بلاك جاك الماني يعني مش حتت لولو و قادر انه ياكلني كمان
و الله ساعتها حضنته و هاتك يا طبطبه ولعب
الكلب فعلا وفي لأقصي الحدود و بيحس زينا و بيبان عليه احساسه سواءزعل فرح و حتي كسوفه لما تنهره قدام الناس!!!!
انا اكتر حاجه مزعلاني ان تربيته حرام في البيوت
انما القطط؟!!!!
اعوذ بالله
يمكن شكلها ظريف و دلع كده
انما يا ويلك و سواد ليلك لو دوستلها علي طرف
حاجه كده بتفكرني بالبنات:k9:
الواحد يكون معاملته زي الفل و بيحبها و يحترمها
انما يوم ما يزعلها نهاره اسود من قلب كفار قريش