حل كل مشاكل الاوبل كورسا بالفديو والصور حصريا
حل كل مشاكل الاوبل كورسا بالفديو والصور حصريا جزء 1
اولا الاوبل عموما والكورسا خصوصا انا بعشقها من زمان وتعتبر من العربيات المعمرة والقوية اللى تستحمل مصر وطرقها المكسرة وعشان دة انا جاتلي فكرة موضوع مجمع لكل الصيانة من ا حجاج فى المنتدي
نبدا اولا بمشكلة الحرارة اللى اغلبية الناس بتشتكي منها فى الاوبل
الحرارة يا جماعة فى الاوبل مش عالية ولا حاجة المواتير دى لازم تسخن عشان تديك سحب وسرعة وكفاءة بس بحدود يعني مش تعدي 92 بحد اقصي فى الحر والزحمة
طب اللى عندة المشكلة يعمل اية
ها يعمل حاجتين
اولا لازم ينظف الريداتير والطريقة بالفديو اهي
[OVERLINE]طريقة تنظيف الردياتير [/OVERLINE]
هاتجيب الفلاش منظف الريداتير ب 25 ج
ها تفضي المية اللى فى الريداتير والقربة عن طريق الخرطوم اللى داخل للقربة ها تفكة بالبنسة وتنزل المية
ها تحط المنظف فى القربة وترجع الخرطوم تاني
وتسيب العربية داير 30 دقيقة وبعد كدة تنزل المنظف بنفس الطريقة
الاولي انك تخلع الخرطوم اللى داخل للقربة وتدوس بنزين فالمنظف ها ينزل
بعد كدة تحط مية من الحنفية فى القربة وتفضل ماسك الخرطوم عشان المية تنزل من الجهة التانية يعني تحط من القربة وتنزل من الخرطوم كدة انت بتعمل دورة تنظيف
وبعد شوية كدة 15 دقيقة
تجيب مياة حمرا لازم حمرا وياريت ابرو وخلي باللك الالماني كلة لازم مياة تبريد حمراااا_دة راي شخصي
وتفضل ماسك الخرطوم اللى كنا بنزل المية بية
اول متلاقي الخرطوم نزل مياة حمرا ترجعة بسرعة للقربة زي ما كان فى الاول عادي خالص
تملي القربة بالمياة الحمرا وتقفل القربة
وانسي ام الحرارة دى خاااااااااالص لانك هتلاقي المية اللى بتنزل حاجات قرررررررررررررف وسواد
القيصر سمير
[OVERLINE]ملحوظة هامة جدا [/OVERLINE] _ فى الفديو هو بينزل المية من القربة او الريداتير من تحت العربية عندنا هانزل من الخرطوم اللى جاي من العربية
coolant flush/fill - YouTube
ثانيا[OVERLINE]
ها تنظف الريداتير خارجيا
[/OVERLINE]
ازاي اقوللك ها تروح لاى واحد عندة كمبروسور هوا وهتخلية ينظف الريداتير بالهوا اندفاع الهوا يعني هتلاقي الريداتير بيطلع زبالة وتراااااااااب كتير اوى
وتجيب انت بقة كيس بريل او فيري ب 50 قرش وتحطة فى الكمبروسر وتخلية يرش الريداتير
بية وتسيبة ينشف وكدة انت فى الامان من الحرارة وهتلاقي العربية فايقة معك وبتشد حلو اوي
http://www11.0zz0.com/2014/05/30/13/921832061.jpeg
مصنعية للراجل 10 بالكتير اوى
:36_1_31:
:018A1D~146:
طيب اى المشاكل اللى ممكن تقابلك
اولا تسريب فى الريداتير
الحل سهل اوى اوى
هاتجيب منتج اسمة stop leAK وتحطة فى القربة بتاعت المية مع المية الحمرا او الخضرا
وتدور العربية نص ساعة سلانسية
المادة دي بتسد اى تسريب من المواسير فى الريداتير
http://www11.0zz0.com/2014/05/30/13/921832061.jpeg
او دة
http://www11.0zz0.com/2014/05/30/13/984681601.jpeg
نصائح هامة
1- اوعي تحط مية والعربية سخنة فى القربة لازم تدور العربية وتزود مية
2- يفضل المياة اللى فى القربة تكون حمرا او خضرا بلاش مية الحنفية كلها صدا واملاح
والافصل من دة كلة مية التكييف روووووووووعة
3- تاكد من غطا القرية لازم يكون مش مهوي او فى اى تسريب
4- لازم تتاكد من مروحة التبريد انها شغالة تمام وبشتغل وتفصل عن طريق الساعة اللى موجودة
5- لو فى تسريب فى اى خرطوم لازم يتغير ولو انت علي سفر ممكن تلزقة بشريط لحام موقتا
6- قربة المية مش تملي المياة للاخر كد غلط تقريبا النص بالكتير وهتلاقي علامة موجودة ماكس
7- مهم اوى تعرف ان زيت الماتور لازم يتغير فى وقتة عشان لية عاملة بر دة فى الحرارة
وافضل زيت للاوبل كورسا هو موبيل XHP او شيل هيلكس
ارجو من الاستاذ احمد فهمي تثبيت الموضوع ومتجدد دائما
اي سوال انا معاكو وعنيا ليكو
القيصر سمير
كدة موضوع الحرارة انتهي
اى سوال 01224095397
