مشكلة في فتيس نيسان صني اتوماتيك 2006
من شهر العربية اتخبطت مني المهم وديتها للسمكري وبعد كده السمكري وداها للبوهيجي نظرا لضيق وقتي لما استلمت العربيه اول صدمه لقيتها عامله 160 كيلو في ال3 اسابيع بتوع السمكره والدهان وبعد كده لاحظت ان لمبة الاوفر درايف بتضيء وتطفي حوالي 20 مره عند تشغيل العربية بس مش بتعمل كده كل مره يعني ممكن مره آه ومرتين تلاته لأ المهم بعدها سافرت بيها مشوار حوالي 200 كيلو الصدمة بقه كنت ماشي عادي واخد سرعتي وبعدين هديت عشان كان في زحمة وبعد كده لما الزحمه خلصت جيت اسحب لقيتها مابتنقلش من الأول للتاني خالص وقفت وحركت عصاية الفتيس للامام والخلف ورجعتها تاني على ال d بس مفيش فايده فركنت وطفيت العربية وشغلتها فرجع ينقل كويس وبعد شويه عمل معايا نفس الحركه ياريت تفيدوني ومعذرة على الاطالة