موبيل s4

**rompo10** · 30-05-2014 08:41 PM

معايا موبيل s4 لما احطه علي الشاحن بيسخن جدا ولما اشتغل عليه كتير علي النت سعات بيهنج ممكن اعرف كله كدا ولا انا بس لاني سالت واحد صاحبي قالي اغلب ال s4 كدا

**Abdo Taha** · 30-05-2014 11:12 PM

المشاركة الأصلية كتبت بواسطة rompo10

معايا موبيل s4 لما احطه علي الشاحن بيسخن جدا ولما اشتغل عليه كتير علي النت سعات بيهنج ممكن اعرف كله كدا ولا انا بس لاني سالت واحد صاحبي قالي اغلب ال s4 كدا

للأسف ال octacore في السامسونج اختراع فاشل بيخلي الموبايل يسخن بطريقة رخمة توصله لحد انه يبوظ بسببها و ده بالنسبة للنسخة ال 3g ال i9500 اما النسخة ال 4g i9505 فدي مبتسخنش لأنها quad core و اي موبايل ميحتجش اكثر من كده المهم اكثر ال RAM

**eng.m7md.ali** · 31-05-2014 12:40 AM

كل ال s4 وسامسونج كدة .. واغلب الاندرويد بيهنج ويقطع ويبقى تقيل ان مكانش كله .. تعايش ياكبير ومتستعملش الموبيل طول ماهو متوصل بالشحن

**Abdo Taha** · 31-05-2014 06:39 AM

المشاركة الأصلية كتبت بواسطة rompo10

ارميه يعني ولا ايه

لأ بس حاول مثلا متستخدموش و هو في الشحن و متسبش applications مفتوحة مع بعض كده يعني

**amrelsaqqa** · 01-06-2014 11:06 AM

عندى بيعمل كدة بالظبط بس بصراحة مش بيهنج او بيقطع الا نادرا وتبقى مشكلة ابليكيشن مش الجهاز نفسه والموضوع بتاع السخونة ده بيبقى في خلال الشحن او اللعب او استخدام موبايل انترنت بس

اما الجهاز فبصراحة الجهاز امكانياته محترمة 2 جيجا رام و بروسسيسور محترم زي ده في جهاز صغير زي ده ، لازم طبعا يسخن شوف اجهزة الكمبيوتر العادية اللى بتبقى امكانياتها اقل من كدة بتطلع حرارة قد ايه

انا طول عمرى مكنتش مقتنع بالموبايل انه يحل محل الكمبيوتر والـ S1 بسبب بطئه الشديد كان مطهقنى في عيشتى لحد ما جبت الـ S4 فعلا في الاستخدام كـ facebook وتصفح ويب ويوتيوب وسكايب وكدة ممكن تستغنى تماما عن الكمبيوتر وتحس انه اسرع كمان

وعلى فكرة سامسونج مش وحشة ولا حاجة انا الـ S1 قعد معايا 3 سنين الجهاز عمره ما قال لا رغم انى مكنتش بهتم بيه اهتمام زيادة يعنى بعامله اقل من العادى وياما وقع وكدة ، والحمد لله لسة شغال حتى يومنا هذا ..
على سبيل المثال موبايل اخويا سونى اتحرق الاي سي بتاعه من شاحن العربية ولما انا حصللى نفس الموقف مع الـ S1 كل اللى حصل ان الموبايل سخن شوية وخدت بالى ان الشاحن باظ والحمد لله الموبايل ما حصللوش حاجة

الموبيلات بتبقى قِرف مع الناس ، انا واحد صاحبى مفيش موبايل بيعمر معاه ابدا حتى من ايام الـ 3310 لازم تحصل له مصيبة يضيع يتسرق يتكسر يجيب سوفت يجيب شاشة .. الخ !

**مواطن مصرى** · 01-06-2014 11:08 AM

للاسف الشديد S4 بيعانى من مشكله السخونه لان البروسيسور بتاعو عالى و البورده مصنعه من بلاستيك مش بيحتمل الحراره بتاعت البروسيسور كويس

الحل انك ماتحملش علي الموبايل لدرجه السخونه الشديده ..

1- اقفل اى برنامج مش بتستخدمه و شغال background
2- فضى الميمورى باستمرار باستخدام اى برنامج cleaner
3- استخدم اى برنامج battery optimizer
4- استخدم الشاحن الاصلى او الكابل الاصلى للشحن .. اى شاحن غير الاصلى او كابل غير الاصلى الفولت الخارج منه مش هايبقى مظبوط
5- لو بتستخدم الانترنت من wifi مش من الشريحه افصل data sync من خيارات الاتصال

**Mohammmed** · 01-06-2014 11:14 AM

جربت kitkat

**SAMEH_FOUAD** · 30-06-2014 11:56 AM

انا معايا S4 9500 ومافيش الكلام دة خالص , بس انا تليفونى اصدار شهر 11-2013 ونازل بالجيلى بين 4.3

والحمد لله التليفون ولا بيسخن مع النت ولا مع الالعاب الا فقط مع الالعاب ال fhd وسخونية اخرها 35 درجة , يعنى اللى هية فى الطبيعى لسة , لانك تبدأ تقلق من السخونية لما درجة الحرارة توصل ل 42 درجة اقل من كدة عادى جدااا

والتليفون دة الحمد لله بقالوا معايا 5 شهور , عمرة ماهنج تهنيجة واحدة , الحمد لله , وبطاريتة بتكسر يومين ونص ( مكالمات - نت - العاب - تصوير ) بس مش بأستمرار

يعنى ماشاء الله تليفون متكامل فى كل حاجة

هو بس كان فية نسخ نزلت فى اول اصدار للاس 4 كان فيها مشكلة السخونية وعيب فى البطارية ودية موجودة فى الاجهزة من شهر 4-2013 الى 7 -2013 بعد كدة تم استيداال البطارية بنوع اخر اقوى وافضل , والسخونية مابقتش موجودة بعد التحديث لنسخة 4.3 , فشوف انت ممكن يكون تليفونك فى الوقت دة عشان كدة بتاعنى من العيوب دية

-

الموضوع: موبيل s4

LinkBack

أدوات الموضوع

عرض

موبيل s4 - انشر الموضوع فى :

-

-

-

-

-

المواضيع المتشابهه

احترت : موبيل xhp ولا موبيل وان؟؟؟

ما الفرق بين زيت موبيل xhp و موبيل super 1000 ؟؟؟

زيت موتور موبيل 1 ولا موبيل xhp

ياجماعه احط زيت ايه لعربيتى موبيل 1 ولا موبيل xhp

الكلمات الدلالية لهذا الموضوع

المفضلات

المفضلات

ضوابط المشاركة