عرض للطباعة
السلام عليكم
اشتريت سيارة من حوالي عام ونصف والمالك كتب لي عقد وكتب لي حاجة في الشهر العقاري اني ابيع لنفسي وللغير, والعربية دلوقتي تبع مرور محرم بك, وانا ساكنة في مكان اخر فالمفروض هبقي تبع مرور ابيس, فانا مش عارفة ابدا منين عايزة اعمل نقل ملكية وفحص هل ابدا من المرور اللي عليه الرخصة ولا المرور بتاعي انا ولا ايه؟؟
شكرا جزيلا
الاول روحى الشهر العقارى بتاع حضرتك .. مش عارف عندكوا فى الاسكندريه بيكون فى المرور ولا فى مكان لوحده ..
المهم هتروحى تبيعى لنقسك وتسجلى العربيه بأسمك .. وبعدين على المرور التابع لحضرتك .. ترخصى
طيب شكرا بس باخد عقد معايا ولا هما عندهم ؟ وهل باخد معايا اي حاجة غير الورقة اللي المالك الاصلي عملها؟
مش هو عملك توكيل للبيع للنفس وللغير ؟
هو ده اللى هتاخديه معاكى الشهر العقارى .. وهتبيعى بيه لنفسك
ايوة عمل لنفسي وللغير بس الورقة او العقد اللي هبيع بيه لنفسي بيبعوه هناك ولا اشتريه من مكتبة؟
لالالا حضرتك هتروحى الشهر العقارى .. وليكن فى المرور .. هيكون معاكى التوكيل عشان تبيعى لنفسك .. وتسجلى العربيه بأسمك .. هما هياخدوا منك التوكيل وهيدوكى العقد المسجل .. ومش محتاجين اوراق .. او لو محتاجين هيقولولك .. وهتاخدى العقد وتنزلى على المرور .. ويكون معاكى شهادة المخالفات .. وترخصى العربيه بأسمك .. بس كده
جزيل الشكر :)
زى ما العضو الفاضل قالك بس لو رخصة العربيه انتهت هتحتاج شهادة بيانات