-
المشى بالدبرياج هام جدا
السلام عليكم ورحمة الله وبركاتة
لو سمحت ياشباب انا عندى عربية 131 نزلن انهاردة ولعبت شوية فى سلك الدبرياج يعنى لفيتة لفتين يمين وبعدين قلت بلاش وقمت مرجعة تانى لفتين شمال المهم قلت اما اجربة اشوفة لحسن يكون بقى عالى او واطى يعنى اشوفة اتغير ولا لأ , المهم ركبت العربية ودورت واديت الغيار الاول وابتديت اشيل رجلى من على الدبرياج سنة سنة عشان اشوف هيفصل فين لقيت العربية ابتدت تتحرك من غير مادوس بنزين نهائى وانا مكنتش العربية كدة معايا فى الأول فهل دة عادى ولا لأ انا سالت واحد زميلى فقلى عادى هى المفروض تمشى على السلانسية من غير بنزين بس انا خايف ليكون فى ضرر على الاسطوانة والديسك فارجو ان حد يرد عليا ويفهمنى الموضوع بالظبط والف شكر ليكم
-
عايزين نعرف الأول.. هو حضرتك كنت بتشيل رجلك من على الدبرياج بالراحة قوي ولا زي ما بتسوق عادي؟
لو بالراحة قوي.. يبقى عادي
إنما لو بسرعة والعربية مشيت... يبقى لازم تنزل السلانسيه شوية
الظبطة الصح للدبرياج إنك تقسم مشوار الدبرياج لـ3 أقسام
الأول.. وانت دايس دبرياج عالآخر لحد تلت المشوار.. وهنا المفروض العربية ما تتحركش نهائي
التاني.. التلت الوسطاني من المشوار.. وده العربية بتبدأ تتحرك شوية شوية.. وتغير وضع رجلك في المسافة دي المفروض يغير من استجابة العربية
الثالث.. التلت الآخراني من المشوار.. وهنا المفروض يكون وجود رجلك في المنطقة دي شبه ما لوش تأثير على حركة العربية.. أو بيبقى عامل زي ما تكون الدواسة حرة أو فيها "بوش"
ولو عندك rpm في العربية.. هيساعدك كتير في ظبط السلانسية.. والمفروض يكون في حدود الـ800 rpm.. أو تحت علامة الـ1 (أو الـ10) بشوية.
...
-
انا بشيلة فعلا براحة فالعربية بتبتدى تتحرك والدبرياج عندى فعلا متقسم التقسيمة دية بس هو مكانش كدة الول وبعدين عايز اعرف هل كدة فى غلط على الديسك والأسطوانة ولا دة عادى وشكرا لرد حضرتك
-
المشكلة لو انت ضاغط ديبرياج للاخر و العربية ابدت تتحرك يعني الديبرياج محمل و ﻻزم يترقلش لاما هيتاكل الاسطوانة و الدسك هيسخن و تبدا سوسته في الضعف و الالتواء
Content Relevant URLs by
vBSEO 3.6.0 PL2