-
انا قربت اتجنن خلاص
الموضوع بدأ معايا ان العربيه تبطل لوحدها وانا ماشي ومترضاش تدور تاني ابدا ولمبة التشك بتاعه الموتور بتنور مع ان نور الطابلوه شغال عادي جدا غيرت حساس شكمان وحساس كرنك وبوجيهات وطقم سلك وكويل وعليه الشكمان الخلفية وفلتر هواء وبنزين وفي الاخر غيرت كارته الكمبيوتر كمان وفي النهاية بعد كل ده العربية لازالت بتهرتل ولمبة الموتور احيانا بتنور مع ان العربية بتفضل ماشية عادي اول العربيه ما بتدور حاليا بتدور اكنها بتشرق الار بي ام مبيطلعش فوق الواحد وهي بتدور بيفضل يطلع سنة سنة لحد ما يوصل لتحت الواحد ويقف وفيه ريحه بنزين بتطلع اول ما ابدا ادوس بنزين وبتروح وبترجع اوقات وانا ماشي حد عنده حل ؟؟؟؟
-
دة عيب فى طرمبة البنزين اكشف عليها وعلى الريجلاتور اللى فوق المسطرة ربما يكون مسدود
-
ايه يا جماعه 8 مشاهدات ومفيش ولا رد !!
-
كل الناس الي شافت العربيه باصوا على طرمبة البنزين وكله قال انها كويسة مش فيها حاجه مع ان هي الحاجه الوحيده الي لسه فاضلة مش غيرتها تقريبا
-
حساس بوابه البنزين او بيسموه حساس الايدل ودى صورته انا جيبته جديد ب200 جنيه من دمشق من سنه و نص
http://im43.gulfup.com/FrGF5U.jpg
ده مكانه
http://im57.gulfup.com/CTcf4X.jpg
-
الي انا عرفته ان فيه اتنين حساس بنزين الي حضرتك باعته ده الصنايعية بيقولوا عليه حساس السلانسيه وفيه حساس تاني للبوابة انا غيرت التاني ده امبارح بس ومشيت النهارده بالعربية مسافة 60 كيلو ومحصلش مشكله الغريب باه والي مجنني ان دلؤتي انا معايا كرتتين كمبيوتر القديمه والجديدة (الاستعمال) الي انا اشترتها ظنا ان العيب فيها دلؤتي الكارتة الجديده بتخلي العربيه اسرع فعلا من القديمة بس مشكلتها انها مختلفه عند الدوارة بتدور بصعوبه وكمان مش بتعلى الار بي ام عند التدوير لا بيفضل يطلع سنة سنة على ما يلقط بصراحه محتار ومبقتش فاهم حاجه
-
مع احترامي الكامل ليك بس مش قادر امسك نفسي سامحني
(( ايه العك الي اتعمل في العربية ده ))
الله يسامح الي اشتغللوك في العربية
في حد يغير اي حساس بدون اسكان هل عملت اسكان وطلع ان اي حساس مندول تالف
ايه كود الارور الي كان ظاهر ولمبة التشك انجن منورة في الاول
اي حد طبيعي هيرد عليك دلوقتي هيقولك عيب ضفيرة
بس الاول رجع كل حاجة لطبيعتها واعمل اسكان وشوف كود الارور ايه
-
انا عارف ومتأكد ان كلامك صح بس المشكله ان اللمبة مش بتقيد الا في السفر الطويل بس مش بتقيد الا على السكة لكن لما تروح عند اي صنايعي بتبقى اللمبة مطفية والدنيا كلها طبيعيه لدرجة انهم كلهم بيقولوا ان الموضوع طبيعي خالص وان مفيش عيب اصلا
-
بس هو انتا تقصد ايه بعيب ضفيرة معلش انا خبرتي قليلة جدا للاسف
-
حتي لو اللمبة طفت بمجرد انها نورة معناها انها سجلت علي الكمبيوتر بتاع العربية خطاء ودا الاسكانر بيقراه طالما مفصلتش كابلات البطارية
عيب الضفيرة يعني عيب الاسلاك الموجودة بغرفة المحرك في حالتك انتا
-
لو قصدك على طقم السلك بتاع البوجيهات ده فا انا غيرته
-
ولا انتا قصدك على حاجه تانية انا مش فاهمها؟
-
يا جدعان جرى العرف ان الواحد يعرف سبب المشكلة و بعدين ينفذ الحل.... مش ينفذ الحل على امل ان العمشكلة تروح من تلقاء نفسها
أ ب شغل فى اى عربية انجكشن لما لمبة التشك تنور انك تحطها على سكانر ثم تحلل اسباب ظهور العطل اللى طلع على السكانر ثم تبداء فى حل المشكلة
انت روحت لناس بداءت فى تغيير اى حاجة تقابلهم على امل ان المشكلة تتحل و طالما الكلام دة بيتم على حسابك فا هما معندهمش مشاكل
MMamdouh
-
عندك حق للاسف انا هاروح لحد عنده سكانر النهارده وهحاول ارجع الحاجات الي اشتريتها دي
-
معلش يا جماعه السؤال ده ضروري جدا دلؤتي انا معايا كارتتين كمبيوتر القديمه الي كانت في العربيه اصلا وواحده تانية دلؤتي الجديده اسرع من القديمه في المشي بس هي مشكلتها ان هي بتغيب في الدوارة شوية ارجعها ولا اخليني عليها واكمل بعد كدا ياريت تشوروا عليا
-
ممكن اي رد يا جماعه لان موضوع الكارته ده فعلا محيرني جدا ومش عارف اعمل فيه ايه؟؟؟؟
-
رجع عربيتك كما كانت الاول وحدد العيب وبعدين اتخذ القرار بخصوص قطع الغيار الي انتا اشتريتها دي كلها
-
بس بالتجربه امبارح وانا مسافر الكارتة الجديده فعلا مخليه العربيه اسرع بمراحل عن القديمه ده الي محيرني بصراحه
-
انت عملت ايدل ليرن على الجديدة؟
-
بصراحه لا معملتوش هو لازم اعمله ولو لازم هل يا ترى لازم افصل الكارته او افصل البطارية اولا؟؟
Content Relevant URLs by
vBSEO 3.6.0 PL2