ممكن حل لمشكلتى مع اللانوس

**mado_xxx** · 31-05-2014 08:09 PM

ده الوضع المظبوط
متقلقش نفسك واستمتع بعربيتك

**commndan** · 31-05-2014 08:45 PM

متشكر جدا
طيب ممكن حد يقوللى المروحتين اللى قدام الراديتير دول بتوع ايه وكمان ايه السبب فى اختلاف السرعات بينهم. وليه دايما بحس بسخونة شديدة ناحيةالكبوت وعلى اجناب السيارة من ناحية الرفرفين الاماميين

**Omar2017** · 31-05-2014 08:57 PM

شيئ طبيعي جدا

**commndan** · 31-05-2014 09:07 PM

طيب عايز اعرف وظيفة المروحتين دول

**ادوارد** · 31-05-2014 10:12 PM

المشاركة الأصلية كتبت بواسطة commndan

شكرا ادوارد
لكن انا قصدى ان المروحة الكبيرة ناحية كرسى السائق هيا اللى بتلف ببطء والمروحة الصغيرة ناحية الراكب هيا الى بتلف بسرعة. وبعدين حضرتك قصدك ابص على المياه فى داخل الراديتير ولا فى القربة ولما اجى ازود مياه ازودها منين افتح غطا الراديتير وازود ولا من القربة

دة طبيعى فية حساس لما العربية بتسخن اكتر المروحة تزيد سرعتها اكتر لاتقلق
فى القربة ولما بنزود المياة من القربة

ولازم الصبح قبل ما تدور تبص على الزيت باستمرار

**ادوارد** · 31-05-2014 10:15 PM

المشاركة الأصلية كتبت بواسطة ozy2026

بيقولك شاريها زيرو على فكره مش مستعمله

عادى اخى لازم تراجع برضو فية اخطاء احيانا فى التوكيل ومنصور ماشاء الله علية

**ادوارد** · 31-05-2014 10:20 PM

شوف اللى بيحصل المياة الخضراء بتروح للموتور تبرد ولما ترجع للقربة بتبقى سخنة المراوح بتبرد المياة والموتور ولما تشغل التكييف العرية تسخن اكتر فتشتغل المروحة التانية مع التكييف للمساعة فى التبريد
صدقنى لاتقلق دة طبيعى وان الكبوت سخن دة طبيعة الدايو
لو فية حاجة مش طبيعية هتلاقى المؤشر للحرارة ارتفع لاكثر من النصف والعربية تتبرجل والسحب يبقى ضعيف

**commndan** · 01-06-2014 08:44 AM

ياجدعان عايز اعرف كل مروحة مسؤلة عن ايه وايه سبب ان واحدة اسرع من التانية

**tarek_2005** · 01-06-2014 09:16 AM

يا ادوار مفيش في الدايوا حاجة اسمها مروحة تكيف ومروحة موتور
الدايوا فيها مروحتين لتبريد الردياتير والاتنين بيشتغلوا مع بعض في كل الظروف واما بالسرعة البطيئة او بالسرعة العالية مع بعض
والفرق بين السرعتين ان نظام الكهرباء بتاعهم بيوصلهم اما توالي او توازي والي بيتحكم في كدا اشارة من حساس الحرارة اسفل البوبينة للكنترول يوصل او يفصل كتاوت السرعات الاكتاوت الكبير الي في علبة الفيوزات الي في الحوض والوحيد الي خمس اطراف للي ميعرفهوش

اما صاحب الموضوع الوضع عندك طبيعي وفرق السرعة الي انتا ملاحظه دا ناتج من ان ريش المروحة الصغيرة اقصر من ريش المروحة الكبيرة وعلشان تتاكد شغل العربية وشغل التكيف المروحتين هيشتغلوا بالسرعة البطيئة انزل فك فيشة الحساس بتاع الحرارة الي اسفل البوبينة هتشتغل المروحتين بالسرعة العالية وهتلاحظ الفرق بين السرعتين