-
يا رجالة الاوبل ؟؟؟
السلام عليكم يا رجالة المنتدى
انا هدخل على طول فى الموضوع
العربية كان بقالها اسبوع بترتل غيرت بوجيهات و سلوك بوجيهات و موبينه و وش اسبراتير و العيب مازال هو هو , شيلت العمة اللى فوق الرشاش لقيت الرشاش بيسيل و الدخنة السودا مع استهلاك بنزين غبى المهم الساعة 8:30 صباحا يوم الاربعاء الجو كويس مش حر بعد المشى بالعربية حوالى 20 دقيقة سمعت صوت ونة غريبة جدا جايه من ناحية الموتور تحت و راحت مع دوسة الدبرياج و انا بنقل من التانى للتالت المهم قبل ماركن راحت مبطلة جيت ادور تانى لفة الموتور تقيلة جدا قلت المارش لف مع الفولام
طلبت واحد صاحبى جه ادانى توصيلة و مدارتش فقطرنى لحد البيت المهم نزلت بليل اشوف فى ايه:3mla: قولت ادور يمكن!!! المهم افتح كونتكت كله ينور و تمام اول ماجيب سنة الدوارة الاقى النور بتاع العربية كله طفى "قفلة":E_braces[1]: طيب حليت المارش و رحت صلحتة و جيت ركبتة تمام , نفس المشكلة العربية فيها قافلة بصيت على الفيوزات لاقيت الفيوز بتاع المراوح ال10 امبير و الفيوز ال30 الكبير اللى جنب الكتاوت ضاربين غيرتهم و جيت ادور نفس المشكلة فكيت فيش المراوح و ادور برضة نفس القافلة فكيت الكتاوت بتاعتهم نفس المشكله المهم ان فاضل الماكينة اطلعها و ابقى فورت الحوض كله
معلش طولت عليكم و شكرا
-
و جربت بطارية صاحبى مكان بطاريتى برضة نفس المشكلة
-
ايه؟؟؟؟؟
انا عارف ان المشكله عويصة بس محتاج مساعدتكم
-
كيف حالك يابيشوي
ربنا يعينك
جرب اعمل التجربة دي
وبعدين شيل فيوز فيوز
وشوف انهي فيوز الي حيخلي اللمبة تطفي
http://nileup.com/up/watermark.php?s...065641.jpg&p=c
-
عمرو باشا ازي حضرتك يا بشمهندس
معلش انا مش فاهم ؟؟
-
دى علشان تعرف فى قفلة ﻻ ﻻ
-
تمام فهمتك هجرب و اقولك يا بشمهندس
-
تمام يا ايمن باشا هجرب و اقولوكوا
-
بص يا بيشوي الموضوع سهل اطمن مش مشكلة ولا حاجة
ها تجيب مفك اختبار ب 2 ج وتشيل كل الفيوزات بتاعت العربية وتحط المفك مكان كل فيوز هاينور هتلاقي واحد عمال يرعش يرعش يرعش وهايحرق المفك يبقي هو دة سبب القفلة ولازم تروك لكهرباهي يبفك اللوحة ويفصل مكان الفيوز البايظ دة
-
Content Relevant URLs by
vBSEO 3.6.0 PL2