تكييف الفيرنا

**Hamada hozein** · 31-05-2014 09:20 PM

بسم الله الرحمن الرحيم
السلام عليكم ورحمه الله وبركاته

يا شباب انا معايا عربيه فيرنا ٢٠١٤ عامله حوالي ٥٥٠٠ كيلو
المهم من ساعه ما دخلت علي المنتدي هنا وانا بسمع اشعار في تكييف الفيرنا
وانه من اهم مميزات العربيه
المهم ان انا عندي التكييف تبريده جيد بس المروحه ضعيفه جدااااااااا
بمعني ان الهويتين اللي علي جنب الابواب من اليمين والشمال هواهم طالع بالعافيه علي سرعه واحد وحتي لو جبت التكيف علي سرعه ٤ الهواء اللي طالع من الاجناب مبيوصلش لوشي يعني كانهم غير موجودين
كلمت التوكيل علي الموضوع ده وقالولي ده طبيعي واقنعت نفسي بكده لغايه ما ركبت مع واحد صاحبي عربيه لانوس موديل ٢٠١٢ عامله حوالي ٦٠ الف كيلو وكان مشغل التكييف علي ٢ وللاسف الهوايه اللي في الجنب عنده تكاد تكون بنفس قوه الهوايه اللي في النص عندي
يعني جبت الهوايه اللي في النص عليه هو واعتمدت انا علي الهوايه اللي علي اليمين بس وكانت قويه جدا والهواء قوي والله والكلام ده كان الساعه ١١ الظهر تقريبا والدنيا كانت حر
ياريت اللي عنده عربيه فيرنا وبالاخص حديثه يقولي الكلام ده طبيعي ولا ايه
طبعا كل ده كوم وحكايه اني لازم اميل شويه وانا سايق ناحيه اليمين علشان اجي في مسار الهواء لان الهوايه اقصى اليمين بتاعها مش واصلي ده كوم تاني

**ozy2026** · 31-05-2014 10:09 PM

طب حضرتك متأكد انك قافل البوابه اللى بتجيب هوا من بره العربيه ؟؟؟؟؟
وبص على فلتر التكييف
الفيرنا فيها فلتر تكييف على ما اتذكر :b4_592:

**Hamada hozein** · 31-05-2014 10:33 PM

المشاركة الأصلية كتبت بواسطة ozy2026

طب حضرتك متأكد انك قافل البوابه اللى بتجيب هوا من بره العربيه ؟؟؟؟؟
وبص على فلتر التكييف
الفيرنا فيها فلتر تكييف على ما اتذكر :b4_592:

شكرا علي الرد
ايوه طبعا عاملها تاخد هوا من جوه
والفيرنا بتنزل من غير فلتر تكييف وانا اشتريت واحد ب ٦٥ جنيه وحطيته بس حتي قبل ما احط الفلتر نفس المشكله يعني الفلتر ملوش دعوه

**Hamada hozein** · 31-05-2014 10:36 PM

بس معليش سؤالي لحضرتك
الكلام ده طبيعي ولا انا كده عندي مشكله

**alpoka779** · 31-05-2014 11:10 PM

انا عندي مبيجبش ساقع الا علي 4

**agaty1st** · 31-05-2014 11:30 PM

بص انا معايا فيرنا 2007 و لانوس 2003
الفيرنا في عز الحر التكييف تشغله على واحد او 2 بالكتير و هوايات الاجناب هواهم شديد
اللانوس تكييف ممتاز بالليل لكن في الحر الشديد معقول
لو هاتقارن أداء تكييف الفيرنا ضعف اللانوس

**tameem2010** · 01-06-2014 12:04 AM

طبيعي جدا في الفيرنا ابتداء من 2010
هوايات الجنب مالهاش اي لازمة
انما عموما تكييف الفيرنا رائع
بس ده ميقلقش وعموما لو عاوز تزود هوايه الجنب شوية اقفل هوايه جنب اللى هناك ناحيه الراكب اللى جنب السواق هتلاقي هوايه السواق زادت نسبيا
عموما ده مش عيب قاتل يعنى والتكييف في اجماليه جيد جداااا

**almohaor** · 01-06-2014 12:15 AM

السلام عليكم ورحمة الله وبركاته

التكييف عندى تلاجة والحمد لله والعربية موديل 2011

قعلا تكييف الفيرنا مميز باشغله على سرعة اتنين واحيانا على تلاتة يمكن لمدة ربع ساعه
وبعدين برجعه تانى على اتنين من شدة البرودة ونادر ماشغله على سرعة اربعه

بالنسبة لهوايات الاجناب بجوار الابواب
فيه مفتاح عجلة اسود عليه علامة بيضاء اسفل الهوايات
وهو خاص بقفل وفتح دخلول الهواء من هذه الهوايات
تاكد انك تحرك هذه العجلة الى الى جهة اقصى اليمين (فتح) جهة الشمال(قفل)
كمان فيه مفتاح لريش توجيه الهواء فى نفس وسط الهوايةوجهها ناحية السائق ولا على
هذا بالاضافة الى وجود مفتاح او اكرة على كونصول التكيف
خاصة باوضاع التحكم فى توجيه خروج هواء التكيف بداخل السيارة
اما من التابلوه او من التابلوه والدواسة معا الخ ...اضبط الاكرة على الوضع اللى يريحك
والاهم من كده تأكد ان حضرتك ضغط على مفتاح او زرار تشغيل المكيفacc بعد تشغيل المروحة
كمان تاكد ان مفاح الحرارة على اعلى درجة برودة
وخللى دورة الهواء داخلية فقط
اذا لم يتحسن الاداء راجع التوكيل لان الوضع كده موش طبيعى خاصة ان عربيتك لسه فى الضمان

**Hamada hozein** · 01-06-2014 04:23 PM

المشاركة الأصلية كتبت بواسطة alpoka779

انا عندي مبيجبش ساقع الا علي 4

لا يا معلم انت كده عندك مشكله طبعا

**Hamada hozein** · 01-06-2014 04:24 PM

المشاركة الأصلية كتبت بواسطة agaty1st

بص انا معايا فيرنا 2007 و لانوس 2003
الفيرنا في عز الحر التكييف تشغله على واحد او 2 بالكتير و هوايات الاجناب هواهم شديد
اللانوس تكييف ممتاز بالليل لكن في الحر الشديد معقول
لو هاتقارن أداء تكييف الفيرنا ضعف اللانوس

والله انت جبت من الاخر وكده اكدتلي اني عندي مشكله
الف شكر يا باشا

الموضوع: تكييف الفيرنا

LinkBack

أدوات الموضوع

عرض

-

-

-

المواضيع المتشابهه

تكييف الفيرنا

مشكلة تكييف الفيرنا

فلتر تكييف الفيرنا

مشكله فى تكييف الفيرنا

تكييف الفيرنا

الكلمات الدلالية لهذا الموضوع

المفضلات

المفضلات

ضوابط المشاركة