محتاج مساعدة بجد حيران جدااا ..
سيفيك من 2007 الى 2010
جيتا 2009
بم دبليوا 316 مانويل من 2006 2008 .
مش عارف هو فيه وجه مقارنة بين 3 ولا ﻷ بس عايز اختار بينهم وحيران جدا :dumb:
عرض للطباعة
محتاج مساعدة بجد حيران جدااا ..
سيفيك من 2007 الى 2010
جيتا 2009
بم دبليوا 316 مانويل من 2006 2008 .
مش عارف هو فيه وجه مقارنة بين 3 ولا ﻷ بس عايز اختار بينهم وحيران جدا :dumb:
انا عن نفسي راكب سيفيك 2008 و عربيه جميله و ممتعه
الجيتا مش حاببها و ضيقه جدا من عند الكنب
البي ام تحفه بس عشان تفضل حاسس بطعم البي ام لازم تعمل صيانتها و يبقي ايدك في العربيه باستمرار
الف شكر يا fox
طالما البي ام اتوجدت في المقارنة يبقي بالتالي مفيش مقارنة اصلا لا وكمان بتقول مانيوال يعني الكيفف كله والمتعة كلها
بي ام دابليو وتوكل هلي الله ومش هتندم ان شاء الله
بسرلو العملية زنقت معاك يبقي الجيتا هي البديل بشرط ان الفتيس ميكونش dsg عليه اللعنة
انا ميال طبعا لل بم والجيتا 2009 مفهاش الفتيس ده عشان كدا انا واقف عند 2009 هو بدأ من 2010 بس هى البم خطوة حريئه بالنسبه لقطع الغيار واسعارها هو ده الى مخوفنى بس
المتعة اللي هتاخدها من سواقة البي ام تفوق 100 مرة التفكير في أسعار قطع الغيار و الصيانة ... أنا لو مكانك أنزل أشتريها حالا و ما أضيعش دقيقة واحدة بعيد عنها
الجيتا والسيفيك مش هيفرقوا كتير في قطع الغيار
ايجى على كتفك ادينى بدور هو انت عندك حق انا معايا سيراتوا 2011 هاى لين ركبت البم انا راكب كنبه
بص يا باااشا ،، البي ام طبعا ملهاش حل ومفيش مقارنه ،، بس كلمه واحده البلد ده مينفعهاش غير الهوندا ،، استهلاك بنزين اقل تكييف تلاجه واقل اعطال طبعا لو حاله نضيفه ،، وعلي فكره انا مش هنداوي انا معايا اوبل استرا الجديده
للعلم جيتا قطع غيارها ارخص من السيفيك
ازاى ؟؟
لو هتقدر علي مصاريف ال بي ام يبقي ما فيش كلام. لو عاوز حاجة بتجري و فيها كل المميزات يعني حاجة متوسطة و ماسكة العصاية من النص يبقي ال هوندا.
ما هو مصاريفها دى الى عايز اعرفها عشان اقدر احدد :)
؟؟؟؟؟ فين المسعدة يا رجاله! !!
انزل خدلك لفة علي مجلات قطع غيار البي ام واسال عن القطع الاستهلاكية زي المساعدين والسيور والفلاتر وكذلك القطع الخارجية زي الفوانيس والاكصدمات وخلافه
وبعدين احسبها نع تفسك وقرر
اعمل حسابك في 10000 كل سنة.
كراي شخصي سيفيك 2010 كموديل تحديدا
مع تقدير العربيات الاخير
السلام عليكم
مميزات وعيوب كل سيارة منهم
أولا الهوندا السيفيك
عيوب
لو من 2007 و2008 تبقى واطية على الأرض وبتحك فى المطبات العالية نسبيا
الشنطة ضغيرة فى كل الموديلات حتى ال 2012و 2013
وضعية القيادة فى داخل الكابينة مش عالية يعنى بتحس انك مش راكب الطريق ودى تفرق مع اللى مش حريف سواقة قوى لأن وضعية القيادة بتبقى واطية الى حد ما والتابلوة عالى فأبعاد السيارة عاوزة وقت علشان تحس بيها
الشكل من بره مش فخم قوى زى البى ام والجيتا ولو ان دى مسألة أذواق
الدهان الخارجى مش قوى زى البى أم والجيتا ونفس الكلام الصاج ضعيف وخفيف
ميزات السيفيك
يابانى الصنع
اعتمادية عالية جدا يعنى نسبة أعطال قليلة جدا
ناعمة وسحب ممتاز
توفير فى استهلاك البنزين
تابلوه شيك جدا ووضعية قيادة فخمة لكن تحتاج لخبرة
واسعة من ناحية الصالون خاصة فى الخلف (الكنبة)
توكيل ممتاز وخاصة التجمع الخامس
صيانات رخيصة وعمر أفتراضى لقطع الغيار عالى
موديل 2009 و 2010 عالى عن الأرض ومبيحكش فى المطبات وكذلك 2012و2103
تكييف ثلاجة ممتاز ولا يؤثر بشكل كبير على الأداء
كرسى السيفيك مريح جدا
الجيتا الى 2009 فقط اللى بالفتيس القديم ال 6 سرعات
العيوب
واطية على الأرض وبتحك فى المطبات
الكنبة الخلفية ضيقة لوجود مقب الشاسية فى النص يعنى لو فرد تالت هيقعد مش مرتاح
قطع غيار غالية
توكيل سىء وبيستهبل
صناعة مكسيكية مش ألمانى
الموتور سحبة قليل حتى الخامس لكن عزمة جامد
غالية كسعر اولى
ناشفة شوية من ناحية العفشة
التكييف مش بكفاءة اليابانى
اعتمادية اقل من اليابانى واستهلاك قطع غيار اكتر من اليابانى
الكرسى ناشف شوية لكنه مريح (بعض الناس مبتحبش الكرسى الناشف)
استهلاك بنزين أعلى من اليابانى ولو انه مش مؤلم قوى يعنى
المميزات (جيتا)
صاج قوى ودهان قوى
شنطة واسعة جدا (500 لتر)
موتور عزمة عالى
أمان اكتر وثبات ممتاز
فخمة من الخارج وخاصة الهاى لاين بالنواكل
تابلوه شيك لمن يحب الكلاسيكية ويرتاح لها
البى أم 316 - 318مانوال او اتوماتيك 2006 - 2007
العيوب
انها مانوال وده عيب فى الزحام داخل المدن لكن ممكن يبقى ميزة لو بتحب الحرق والجرى والسحب
مصاريف غالية وقطع غيار غالية
الحالة الممتازة منها قليل
سعر أعادة بيع متدنى كل سنة بتنزل بالعشر الاف جنية
الكنبة الخلفية ضيقة لوجود نفس المقب بتاع الشاسية
اوبشنز قليلة
حجم الشنطة متوسط
واطية على الأرض الى حد ما بس مش زى الجيتا
توكيل من غير تعليق!!!
استهلاك بنزين عالى
أقل أعتمادية من اليابانى وده راجع لوزنها وقوة موتورها
المميزات
رفاهية وركوبة شيك
متعة قيادة بس فى الموتور ال 1800 سى سى لكن الموتور ال 1600 مش قد كده لأن السيارة تقيلة
أمان وثبات وتكنولوجى
راحة فى الركوب فى المسافات الطويلة
دهان وصاج متين
فى النهاية انت اللى بتحدد ايه اللى يناسبك
سلام
شكر جدا انت ضيفتلى كتير سيفيك:)
أحب أضيف بس أن ال 318 و ال 320 موتور 200 سي سي لكن واحده 136 حصان و التانية 156.