الموضوع: "المالية": خفض دعم الطاقة فى الموازنة الجديدة بقيمة 40 مليار جنيه

المشاركة الأصلية كتبت بواسطة Amr_MO

لا مانع ان الدولة تفرض ضرائب زيادة او انها تلغي الدعم

ولكن فين حقي انا كمواطن في البلد دي؟

فين حق السكن؟ فين حق العلاج؟ فين حق التعليم؟ فين حق اني الاقي شوارع مرصوفة مكان ما اروح؟ فين حق المواصلات الآدمية؟ فين حق اني الاقي اكل نضيف واسعاره مناسبة لكل فرد في البلد دي؟ فين حاجات كتيرة جدا

ليا قريبي عايش في امريكا من 10 سنين ومعاه الجنسية، بتكلم معاه عن الوضع والعشية بيقولي هناك بياخدو ضرايب محترمة من مرتبك وبتدفعها من غير سخط او غضب عارف ليه؟

لأنه هناك في المقابل بيلاقي تعليم راقي ومحترم لأولاده، بيلاقي سكن ومياه وكهرباء صح، بيلاقي مستشفيات يتعالج فيها، بيلاقي طرق يمشي عليها، بيلاقي ياكل ويشرب من كل ما تشتهي الأنفس، بيلاقي كل حاجة تجعله يعيش عيشة آدمية محترمة بغض النظر هو بيشتغل تمرجي ولا رئيس قسم في شركة، وفي المقابل كل ولاية بتيجي كل سنة مالية تقريبا بتشوف ايه الي تم وانجز من المشاريع والخدمات التي تم انشاؤها من ضرائب الموظفين واذا كان في لسة اموال ضارئب زيادة فبترجعلك تاني في مرتبك، شوف العدل والشفافية وصلت لفين

ثانيا: أظن والله أعلم ان اكتر من نص الشعب الي بيشتغل في البلد دي بيدفع ضرايبه سواء الي شغال في حكومة او قطاع خاص لأنها بتتاخد من مراتبه شهريا غصب عنه ويستثنى من ذلك اصحاب الاعمال الحرة ورجال الأعمال، وفي المقابل الضرايب الي انا بدفعها دي كل شهر والي بتزيد كل فترة، فين العائد بتاعها الي بيرجعلي؟ انا كمواطن مصري في البلد دي ليا حق ان الدولة توفرلي سكن ولو مش لاقي شغل اخد اعانة بطالة اكل وشرب وتوفرلي مكان اتعالج فيه ومستشفى محترمة بمعنى كلمة محترمة مجانية ومدرسة على اعلى مستوى اعلم فيها اولادي والاقي كهربا ومياه صالحة لشرب الحيوانات مش البني آدمين، حقي اني الاقي حاجات كتيرة اوي لكن انا مبلاقيش اي حاجة او انتفاع من الضرايب الي بدفعها كل شهر من مرتبي وبعد كدة يطلع واحد يقولي ادو البلد حقوقها، لا يا سيدي الفاضل البلد متبقاش فاشلة في الادارة وتفلس وتيجي تعوض خسارتها من فلوس الناس وتقولو علشان خاطر البلد وهي فيها سرقة ونهب وارتفاع اسعار وفيها كل ما لذ وطاب من انواع الفساد

سعادتك دارس اقتصاد وجهبز من جهابزة كلية التجارة علشان تقول كده
بتقول فى امريكا بياكلوا ما تشتهيه الانفس وهنا مش بناكل !!!
اتفضل ياسيدى شوف الحكومة بتعملك ايه وانت بتفترى عليها

وزارة التموين: حصة مدعمة للمطاعم وعربات الشوارع لخفض أسعار سندوتشات الفول والطعمية

[img3]https://fbcdn-sphotos-f-a.akamaihd.net/hphotos-ak-xpa1/t1.0-9/p526x296/10374921_10152580938404316_1520119084391344728_n.j pg[/img3]

�التموين� تخطط لتخفيض أسعار سندوتشات الفول والطعمية | المصري اليوم

بطلوا فتى بقى
واحمدوا ربنا وبوسوا ايديكم وش وظهر وادفعوا ضرائب من سكات
هياخد منك دعم البنزين يديك دعم الفول
دعم ده ولا مش دعم يامتعلمين يابتوع المدارس

اهم حاجه ان الفول يوصل لمستحقيه

المشاركة الأصلية كتبت بواسطة mfe

استاذ علوانى تصدق بالله ٩٩٪ من الشعب المصرى لو بس قعدوا اسبوع واحد فى دولة اوروبية هيرجعوا يقولوا احنا عشنا طول عمرنا مضحوك علينا بس نعمل ايه قدرنا اننا اتولدنا فى البلد دى و بنحب البلد دى حتى اللى بيسافر نفسه انى البلد دى تبقى احسن بلد بس للاسف بعض ابناء البلد مصممين ان احنا دايما نرجع الى الخلف و الله انا زرت بلاد كتير و بلدنا جميلة جدا بس بشوية عدل و ناس تهمها البلد هنبقى احسن بلد بجد مش بالشعارات و الكلام
انت عارف انا اشتغلت شوية من سنة ٢٠٠٨ فى دراسة جدوى مشروع تنمية قناة السويس و الشاطئ من راس سدر الى الطور عارف المشروع ده ممكن يدخل لمصر كام. رقم خيالى فوق ما حد يتخيل و لكن المشروع لن ينفذ و اعلم ذلك جيدا و دراساته القيت فى القمامه لانه لو نفذ سوف يؤثر على مصالح دول شقيقة و صديقة يهمها الا يرى المشروع النور ابدا حتى مرسى كان مغيب و كان بيتكلم فى الوهم فى شئ تانى خالص غير الدراسة الاصلية. و اخر الكوارث لما جاب وزير استثمار بتاع علاقات عامة مع احترامى له و لكنه لا يفقه شئ فى الاستثمار و كاننا مكتوب علينا ابد الدهر انه كل حد يجيى يجرب فينا و يفقرنا زيادة

صدقت يا أخى
بالقضاء على الفساد تنهض الأمم والعدل أساس الملك ... واحنا بعيدين كل البعد عن هذه القيم على مر العصور ... بالعكس كل مدى الفساد بينتشر وبيكبر والعدل بيغيب والظالم بيتبجح بظلمه وبجبروته