السلام عليكم
شباب محتاج اشوركم في العربية ألي ناوي اجبها ان شاء الله.. انا معايا في حدود 50 الف وعاوز عربية شبابي وياسلام لو هاتشباك.. ابوس ايديكم محدش يقولي لانوس ونوبيرا
انا دورت ودي الأوبشنز ألي لاقيتها قدامي ومحتار حيرت السنين فعلاً
هيونداي i10
بيكانتو 2007 - 2008
جولف 3
بولو
صني 2001
الفا روميو 2001
ابيزا 98
بيجو 206
سوزوكي فيتارا 2000 ّ- 2001
لانسر 94 هاتشباك
لانسر 98
ياريت لو حد عنده حاجة تانيه افضل يقول برده مفيش مشكله .. انا مشاويري جوه القاهرة ومش بسافر
شكراً ليكم :hrm_prv:
جولف 3 .. بس سؤال الأول هل دي اول عربية ليك ؟ لو اول عربية يبقي متجبش الجولف
اه دي اول عربية ليا فعلا.. ليه بلاش جولف ؟اقتباس:
المشاركة الأصلية كتبت بواسطة eng.salama93
الجولف محتاجه خبرة عشان تصينها صح و ميضحكش عليك و محتاجه جرى و سفر عشان تقدر تخرج امكانياتها و تستفيد بيها على الطريق لكن جوة القاهرة مش هتسافر خليك فى اللنسر 98 عربيه حلوة و ناعمه ورايقه و مش هتتعبك و تتعلم عليها صح و اى حد هيصينها و حاجتها عند البقال زى ما بيقولو
لو عايز ركوبة صح بس عندك استعداد تلف شوية عشان قطع الغيار والوصول لاحسن ناس تشتغل في عربيتك يبقي تجيب
جولف 3
الفاروميو. 156 بدون ترتيب وان كنت افضل الالفا كزوق شخصي
لو عابر حاجة حنينة واي حد يمد ايده فيها بس مش هتبقي ركوبة تكيفك وعنب
يبقي خليك في الانسر او الهيونداي او الكيا مع اني شايفهم
حريمي شوية
هيونداي جيتز.
لانسر احسن قدام انتى مبتسفرش وهتكون مناسبة ليك
:plusone2:اقتباس:
المشاركة الأصلية كتبت بواسطة alzelafy
لانسر ناعمة
بيكانتو موديل عالى
أصلا ال i10 و البيكانتو مش شبابي نهائيا .... عربيات مش بتجري أصلا و لا تعرف شد و حرق .... خليك في الجولف 3 أو اللانسر أو البولو علي الترتيب مع العلم إن الجولف أحسنهم و سيبك من اللي يقولك سيبك منها لأنها وحش صغير و أكتر عربية ممكن تعدل و تلعب فيها براحتك مع الوضع في الاعتبار إن صيانتها متعبة شوية و عايزة لف كتير و لكنها تستاهل
I10
متابع
انا رسيت على ميجان 2005 هاتشباك ... لحد دلوقتي على الأقل يعني :d
بولو
عربية تحفة بس اهم حاجة متكونش متهانة عشان متقرفقشاقتباس:
المشاركة الأصلية كتبت بواسطة emohamedadel
استعمال راقي جدا بيكانتو
استخدام شبابي لازم تزود وتجيب جيتز علي الاقل
يا جدعان الميجان الناس عقدتني فيها وقعدت تقولي السينسوز وهتبيعك ألي وراك وقدامك وحاجات كده عجيبه
بلاها ميجان ها هنعمل ايه بقى دلوقتي :d
هيونداي النترا 2006
فيات جراند بونتو 2010 ايه رأيكم
ليه مش لانوس ولا نوبيرا بالعكس النوبيرا عربية ممتازة عن تجربة يعنى الجولييت ممكن يكون اختيار مناسب بس هى فى الاخر راحة نفسية
عربية شبابى ؟ وهاتشباك فى حدود 50 ؟
جولف
ابيزا 2001 تيجى ب 50 وتبقى حالة كويسة كمان
بولو
بيجو 206
عربيات كويسة بس لو ليك خبرة فى الصيانات وكده
انا كنت زيك من شهر بالظبط وشوفت كل حاجة
فى الاخر وقعت قدامى كورولا 99 حالتها كويسة وخلصتها على 41 الف والحمد لله زى الفل
انا من رأيى خدلك سنة فى حاجة كده سهلة زى الكورولا او اللانسر مش هتفرق كتير وان كنت اميل للكورولا اكتر
وبعدين هات ابيزا كده 2001 وياسلام لو 1400 ومتظبطة كده تبقى عملت الصح
وربنا يوفقك للخير واهم حاجة الاستخارة بعد الاستشارة