الموضوع: هى كل الجنوط بترف؟؟؟

السلام عليكم
كان عندى سؤال عن الجنوط لانى لسه جايب جنوط استعمال، بعد ما ركبت العجل و برصص لاحظت رفه بسيطه اوى فى كل الجنوط تقريبا بس الراجل قالى الرفه ديه عادى و موجوده فى كل الجنوط و ده كان واحد غير اللى انا اشتريت منه الجنوط خالص و ملوش مصلحه المهم انا طبعا مصدقتش، فكيت جنط من عربيه واحد صاحبى كان معايا لانسر 2006 و عربيته كان مشيها تمام و حطينا الجنط عالترصيص لقيت نفس الرفه البسيطه برضو المهم ركبت و مشيت بس ركنت جنط كان رفته جامده و روحت بدلته الراجل متكلمش و جابلى واحد تانى رحت بيه عند بتاع كاوتش يركبه خليته يفك الاربع فرد و يحطهم على الترصيص و وريته الرفه البسيطه قالى عادى كل الجنوط بتعمل كده بعد كام مطب و هما كده طبيعين و مفهمش حاجه مع ان الراجل ده لا يعرف بتاع الجنوط ولا اى حد وواحد لقيته بالصدفه و هو اصلا بيصلح جنوط ، طلعت جربت العربيه لحد 100 محستش بدردره او اى حاجه بس انا مش مقتنع و مش مصدق و معرفتش انام من كتر التفكير فى الموضوع ده، هى الناس ديه كلهم متفقين عليا؟؟ ولا كل الجنوط فى العالم فيهم رفه بسيطه،؟؟؟؟؟

كشفت على الجنوط عند واحد بتاع تصليح جنوط و شافهم قالى تمام و بعدين طلعت مشوار حوالى 120 كيلو على سرعه تتراوح بين 100-160 و الحمدلله مفيش اى اهتزاز ملفت فى الطاره او فى العربيه
متشكر جدا لكل اللى ساعدنى فى حل المشكله