ما اخبار سبيرانزا A516 موديل 2009؟؟

**foxarc** · 13-10-2008 11:40 PM

المشاركة الأصلية كتبت بواسطة aalim

من الواضح ان انتاجها تحسن نسبيا فى الموديلات الاخيره و بخاصه 2008

و لكن السؤال لمالكى السبيرانزا 2008-2009 عن:
1- السحب وبخاصه فى الغيارات الاولى لانها هى الى تهم فى وسط المدينه.
2- التكييف هل مازال ضعيف ؟ مقارنه بموديلات 2005
3- سخونه الموتور مع التكييف و فى الجو الحر.
4- و اخيرا هل الفرش الجلد ما بقاش ينزل؟ لانى شفت موديل 2009 فيرانى و بنى بفرش قماش مكتوب على الكيس انتاج تاكى.

و شكرا على الافاده

حضرتك السحب ممتاز و خاصة بداية من الغيار الثالث و الغيار الثاني عند 3500 rpm
التكييف عمره ما كان ضعيف بالعكس ده من احسن تكييفات السيارات علي الاطلاق و كفاية ان في عربيات تمنها ضعف الاسبيرانزا تقريبا و تكييفها عادي مش دجيتال
لا يوجد سخونة غير طبيعية سواء مع التكييف او بدونه الحرارة عادية جدا كأي سيارة
الفرش مش جلد هو قماش من انتاج تاكي و ده الفرش الاصلي اللي نازل مع العربية

**aalim** · 14-10-2008 02:26 AM

اذن الموضوع مثلما حدث مع اللانوس
اول نسخه كانت فيها مشاكل يعنى زى جس نبض و بعدين النسخ الجديده نزلت كويسه
و الشىء الغريب ان رغم الحرب اللى قامت على السبيرانزا لكن البيع ماشى نار (زى ما حصل مع اللانوس) و انا شفتها فى معرض كان تانى يوم اتباع الثلاثه اللى شفتهم
و تقريبا مافيش شارع مافيهوش منها اثنين ثلاثه

يا ريت المشترين الجدد (موديل 2008-2009) يقولولنا رايهم المفصل عن العربيه و خصوصا بعد اول و ثانى صيانه و ايه العيوب مثلا فى العفشه او اى مشكله ظهرت و التوكيل عامل معاهم ايه لان بصراحه السياره مغريه بس الفلوس الواحد تعبان فيها.

و شكرا على الردود

**aalim** · 14-10-2008 09:52 AM

و برضه يا ريت التعليق على توافر قطع الغيار فى الفتره الاخيرة لان بعض الناس اشتكوا من ان بعضها ناقص

و هل فيه مكان خارج التوكيل للبيع و لا التوكيل محتكرها

و اخيرا المعامله فى التوكيل و هل فيه استهبال زى كلمه "ده بره الضمان"

**medomasry** · 21-01-2009 10:41 PM

ههههههههههههههههههههههههه ههههه

**egypt0777** · 22-01-2009 09:40 PM

المشاركة الأصلية كتبت بواسطة gam

أنصحك بالكوري هيونداي أكسنت 80000 جنيه مانيوال جميع الكماليات مموديل 2008
أوهيونداي فيرنا 66000 مانيوال جميع الكماليات موديل 2008
أوشيفورليه أمريكاني أفيو مجمعه في مصر من 70000 ألي 83000 وهي الأوتوماتيك
أو دايو نوبيرا 76000 مانيوال جميع الكماليات وكل السيارات التي تكلمت عنها علي الزيرو وموديل 2008
وقد جربت الأسبيرنزا وهي ملك أحد أصدقائي يعمل صيدلي والسيارات الصيني العفشه بتاعتها ناشفه وبها كثير من العيوب وأهمها حتي في موديلات 2009 أنها بتسخن بسرعه وبتتعب من أي مشوار أزيد من400 كيلو ولا يوجد سحب يناسب موديل السنه بل ويقل السحب بعد ال150 كيلو فأرجوا منك أن تقرأ علي هذا الموقع عن السيارات التي حدثتك عنها ثم تقرر ماذا ستشتري لآنك أن أردت سياره تعيش معاك والسياره ذات المستقبل أذا ما قررت بيعها هي الهيونداي أكسنت ثم ما كتبت من أسماء للسيارات ياريت تفكر وتستعين بما يقدمه لنا الموقع من خبرات أشخاص أقصد مالكي سيارات وخبراء قبل الشراء
وشكرا جاسر محمد

تصدق انك راجل ***********:k48:

لان العربيه ما فيهاش حاجة من اللى انت قلته خالص

خش على موقعبتاع الاسبرانزا كلوب و انت تعرف انك هجاس كبير اوى

-------------
لقد خالفت القاعدة رقم 13 من قواعد المنتدى وعقوبتها إنذار ووقف أسبوع
راجع قواعد المنتدى
إ م -6

**meeezo333eg** · 25-01-2009 07:31 AM

المشاركة الأصلية كتبت بواسطة lakany

طول عمر الاسبرانزا 516 بتنزل بفرش قماش من تاكى و لونه بيج عمرها ما نزلت بفرش جلد

بيتهيالى كده برضه

**wmokhtar** · 26-01-2009 11:17 PM

أنا معايا العربية دي و لسه مقفل ال 5000 من كام يوم .. بجد عربية كويسة .. صحيح فيها عيوب تقفيل زيها زي كل التقفيل المصري .. لكن الموتور و السحب و العفشة كويسين جدا .. لغاية دلوقتي مفيش مشكلة عندي