السلام عليكم ورحمة الله و بركاتة * انا معايا جوليت 2003 عندى مشكلة فيها مش لاقيلها حل و بفكر ابيع العربية بسببها
فى حرارة عليه بحسها عند الدوسات كشفت على العربية عند ناس كتير و مش لاقي حل الاول روحت لسروجى قلت يمكن حاجة مفتوحة بتدخل صهــد الماتور الراجل نزل تحت العربية بلمبة و النور معداش و اكدلى ان طابة الفنيش و دواسة الفرامل موجدين فى مكانهم
طلعت على المكانيكى قالى المكنة مفهاش حاجة بس اكشف على دورة التبريد ممكن بتخلى المراوح بتشتغل اكتر من معدلها الطبيعى
مكدبتش خبر طلعت لبتاع رديتير كشف و قالى دورة التبريد ساليمة و المروح شغالة عادى بس المياة عايزة تتغير و تنضف دورة بالمرة قالى روح لبتاع شكمنات يبص الاول
طلعت على بتاع شكمنات الراجل نزل و طلع قالى الشكمان سليم و سخونيتة طبيعية روح لبتاع تكيفات انا كنت ناوى اليوم دة مروحش البيت الا اما احلاها
روحت لبتاع تكيفات حكيتلوا على القصة كلها لاقيتوا ضحك و قلى يا بية بوابة السخن مفتوحة !!!!!!! مفهمنش ازاى مع انى بشغل التكيف ساقع بس قلت ممكن لانى مرة عملت فيها فلحوس و قلت اغير نور بتاع لوحت التكيف و كانت النتيجة انى كسرت الويرات كلها بس ساعتها خليت الكهربائى يشغل البوابة الى فوق ساقع فقط
المهم اللراجل اتشقلب جوة العربية و قلى البوابات كانت مفتوحة و قفلتها و قالى لو عايز تشترى دماغك روح لمكانيكى يقفلك الخرطيم بتاعة السخن قلت بالمرة بقى و قد كان و روحت البيت ساعتها وانا مبسوط و كان مشاكلى كلها انتهت
تانى يوم الصبح فى رحلتى اليونية من الهرم للزمالك لمصر الجديدة و لاقيت الحرارة طلعت عليا برضوا كنت ساعتها عايز ارمى العربية من فوق الدائرى
نزلت اللمس الشاسية بتاع العربية من تحت كرسى السواق كدة ايدى اتحرقت كانى لامست تيل فرامل راكب قلت اكيد علبة البيئة بايظة و هى اللى بطلع الهبو دة على رجلى رحت لبتاع شكمان فى طريقى ( صقر قريش) قام رافع العربية و نزل قالى علبة البيئة سليمة انت بس بتحس ات العربية مكتومة قلت لاء
قالى العلبة الخلفية بايظة من جوة و القفيظ بنتاعها عايز يتلحم قلتلو هو دة سبب الحرارة مع العلم الى راكب جنبى مبيحسش بيها قالى جايز المهم لاحم القفيظ فى 10 ثوانى و قلبنى فى 30 جنية منة لله
انا فى الموضع دة بقالى 3 شهور و فقدت الامل نهائى و مع الاسف مقدرش امشى من غير عربية و مقديها كريمات عشان رجلى التهبت
اسف على الاطالة انا قلت اعرض عليكم الموضوع يمكن حد واجة مشكلة دى قبل كدة و ربتا يكرمنى بحلاها