تغيير بلي العجل ب ١٥٠٠ جنيه ؟! الافيو الفاشله

ده جزاء اللي ماياخدش بالنصيحة .. قلتله بلاش الافيو ماسمعش الكلام

صاحبي .. معاه افيو ٢٠١٠ عامله ٦٠ الف كم وكانت حالة العفشة اصبحت سيئة جدا

قالوله تغيير مقصين واربع مساعدين ب ٥٠٠٠ جنيه

واتصلو بيه تاني يوم قالوله بلي العجل هيتغير وتكلفته ١٥٠٠ جنيه !!

هل الرقم ده منطقي ؟؟ انا مستغليه جدا

هذا الكلام في صيانة ياسين .. النزهه

الحقيقة بعد ماركبت الافيو معاه لما اشتراها زيرو حسيتها عربيه ناعمه ومريحه وسحبها معقول وشكلها شيك .. يعني سيارة مدينة جيده جدا .. وقلت ده الناس في نايل موتورز ظالمينها ..
لكن دلوقتي اضم صوتي لصوتكم وانصح الناس بعدم شرائها

دا اسعار التوكيل ؟

اقتباس:

---

المشاركة الأصلية كتبت بواسطة أبو ياسين

دا اسعار التوكيل ؟

---

تمام .. دي أسعار ياسين .. أعتقد انه مركز خدمة معتمد

ينهار اسود دي حاجتها اغلى من البروتون الضعف عالاقل

هو معاه انفينتي ولا ايه


لا لا اكيد في حاجه غلط

طالما ركبتها فى الاول وحسيتها ناعمة وجميلة وبعد 4 سنين جابت كل دة يبقي عيب سواق

انا بشمئز من العربية دي

والاسعار بره التوكيل عامله ايه ..

اقتباس:

---

المشاركة الأصلية كتبت بواسطة ashouhdy

طالما ركبتها فى الاول وحسيتها ناعمة وجميلة وبعد 4 سنين جابت كل دة يبقي عيب سواق

---

والله يا بيه انت راجل بتفهم

هو فعلا سواقته وحشه وماعندوش خبره في السيارات

ولكن .. بيعمل صياناته في معادها في التوكيل .. ومعظم تحركاته في مصر الجديدة ومدينة نصر

يبقى الخطأ مشترك بينه وبين العربية وبين التوكيل

هو بسواقته السيئة وقلة خبرته

العربية .. ضعيفه وغير معمره

التوكيل .. لان مش معقول الحاجات دي كلها باظت وظهرت فجأه بعد انتهاء الضمان ! بالاضافه للاسعار العالية جدا بالنسبه لعربيه في فئة الافيو ( وده استفساري الاساسي من الموضوع )

طيب في 2010 مكانتش جايبة 80 الف جنيه تقريبا دلوقتي بقت اعلي فئة فيها ب104 الف جنيه و مع ذلك لسة في ناس بتشتري

ده ال 4 عجلات ولا 2 بس

البروتون يكسب :)

اقتباس:

---

المشاركة الأصلية كتبت بواسطة A.Saad

ده ال 4 عجلات ولا 2 بس

---

غالبا اتنين بس

السعر زيادة شوية
البديل
هيجيب البلى من محل مضمون للبلى نفسه skf
غالبا العنتبلى فى رمسيس
البليتين بحوالى 300 - 400
هيروح لميكانيكى هياخد 150 بالكتير
خراط للكبس وخلع القديم من 30 الى 100 جنيه حسب الشغل
هيرصص ويظبط زوايا 100
كدة 700

اقتباس:

---

المشاركة الأصلية كتبت بواسطة a.saad

السعر زيادة شوية
البديل
هيجيب البلى من محل مضمون للبلى نفسه skf
غالبا العنتبلى فى رمسيس
البليتين بحوالى 300 - 400
هيروح لميكانيكى هياخد 150 بالكتير
خراط للكبس وخلع القديم من 30 الى 100 جنيه حسب الشغل
هيرصص ويظبط زوايا 100
كدة 700

---

كلام مظبوط ... ويعني علشان روحت لناس نصابين يبقي العربية فاشلة ما هو كل توكيلات البلد بلا إستثناء قولا واحداً نصابين وما بيفهموش حاجة!!!

الافيو غالية كده !!

ياجماعه انا معايا افيو 2009 كورى عاملة 100 الف كيلو واول شغل اعمله فى العفشة من يوم ماجبتها كان من 3 اسابيع غيرت جوز مساعدين امامى جى ام 900 جنيه 2 مسمار مقص 155 2 تيش دريكسيون 125 ومسحت الطنابير وغيرت تيل جولد ب 80 جنيه وبس مش اكتر من كده وعفشة العربية بقت تحفه زى يوم ما استلمتها وطبعا كان فى قطع غيار ارخص كتير من اللى اشتريتها بس انا استنضفت والعربية معايا ممتازة جدا جدا ومريحانى وعمرى ما فكرت انى اغيرها وعلى فكره انا كان معايا كرولا 93 الملكة قبلها