خبطت موتوسيكل - متضايق و مكتئب جدا

**Omar Mahmoud** · 02-06-2014 02:35 AM

ايه اللي حصل علشان ده كله؟؟؟ ماشي خبطت موتوسيكل طيب معلش مش انتوا الاتنين كويسين يبقي خلاص حصل خير لو انت لسة مش متمكن اوي و دي عادي مع الكل و مع الوقت هتتعود و الافضل يوم الجمعة الصبح تشوف حتة فاضية و تطلع بالعربية و تقف كذا مرة علشان تتعود مش عيب.المهم و انت سايق متبقاش قلقان خليك هادي خالص و متقلقش.

**kokowasfy** · 02-06-2014 08:51 AM

عادى ياما هتشوف و هتتعود لحد متتمكن

**Sad voice** · 03-06-2014 12:08 AM

الحمد لله النهارده سوقت كتير تقريبا طول اليوم بسوق و مفيش اخطاء الحمد لله

شكرا علي تشجيعكم و فعلا الموضوع محتاج صبر و اراده

**محمود سامح** · 03-06-2014 12:31 AM

ان شاء الله والحمد لله خير

**yyy** · 03-06-2014 12:44 AM

المشاركة الأصلية كتبت بواسطة sad voice

الحمد لله النهارده سوقت كتير تقريبا طول اليوم بسوق و مفيش اخطاء الحمد لله

شكرا علي تشجيعكم و فعلا الموضوع محتاج صبر و اراده

مش مهم المشى بالعربية دلوقت المهم هو انك تتدرب على ضبط البنزين والدبرياج تشوف منطقة فاضية وتتدرب على الطلوع بالعربية اول وتقف وتطلع تانى كام مرة لغاية ما تتعود نفس الكلام مارشدير وبعدين تجرب تطلع اول وبعدين تانى وتفرمل وترجع تطلع تانى خلصت الكلام دة تبدى تمشى بالعربية وتفرمل تهدى بس ما تقفش وتنزل بالنقلات على حسب سرعتك(يعنى تهدى و تدى النقلة الاصغر وتسحب تانى) والاحسن تشوف واحد صاحبك بيسوق يبقى معاك
كدة يبقى انت شلت الكلام دة من دماغك ويبقى تركيزك فى الطريق بس

**K_E** · 03-06-2014 03:58 AM

عملت حركة زيها لما كنت لسه جديد بس الحمد لله ماخبطتش حد

الموضوع بعد ماتتعلم بيبقى حاجه لا شعورية دماغك بتتبرمج من غير تدخل منك على مكان الدواسات والي بتبقى عاوزه تلاقي رجلك بتدوسه من غير ماتفكر

الموضوع كله محتاج وقت وتركيز علشان تتعود