ميعاد نزول امجراند 7 موديل 2015 للسوق

السلام عليكم ورحمة الله وبركاته

ارجو لمن يعرف اي معلومة عن نزول موديل 2015 يقول لنا وهل هيبقى في تغييرات ام لا

انا كنت سمعت ان موديلات السنة الجديدة بتنزل في شهر 6 السنة اللي قبلها يعني المفروض الموديل 2015 ينزل شهر 6 الجاي ( 6 - 2014)
هل ده صحيح

انا لاحظت في احد مواقع بيع السيارات المستعملة كثرة اعلانات بيع للعربية دية فجأة اليومين اللي فاتوا هل ده طبيعي ؟!!!

وسؤال ثاني لو عاوز اشتري العربية ايه افضل مكان اشتريه منه بحيث يكون احدث انتاج قصدي تكون العربية انتاج نفس الشهر اللي باشتريها فيه مش مركون من اللوط اللي اتقال انه فيه صدأ

ماعتقدش انه هيتغير فالشكل و احسن مكان فى رايى سمير ريان

انا متابع الصفحه بتاعتهم على الفيس بوك وبيقولوا هينزلوا الموديل الاتوماتيك من الامجراند 7 قريبا وانهم فى مرحله الاختبار النهائى للسيارة

اولا شكرا للردود
وممكن لينك لصفحة الفيسبوك اللي حضرتك بتقول عليها

ولو حد عارف حد شغال في غبور ممكن يدينا معلومات اكيدة عن موديل 2015

وهل هيبقى فيه تغيير ام لا

وارجو افادتي ازاي اعرف ان العربية انتاج نفس الشهر اللي انا باشتريها فيه

اشكر ا ميدو ١١٩ المنسق ولو ممكن تفدني سعرها كام دلوقتي عند سمير ريان وهل سعره بيبقى اقل من الاماكن الاخرى وهل هناك شئ اخر ممكن يميزه غير السعر

اقتباس:

---

المشاركة الأصلية كتبت بواسطة mazen21

اشكر ا ميدو ١١٩ المنسق ولو ممكن تفدني سعرها كام دلوقتي عند سمير ريان وهل سعره بيبقى اقل من الاماكن الاخرى وهل هناك شئ اخر ممكن يميزه غير السعر

---

اعتقد 84500 و ممكن تنزل ف 500 كمان الى بيميزه تسليم فورى و شويه هدايا مع العربيه بسيطه غير انك بتبقى ضامن مش ملعوب فالعداد او شايلين الفيشه بتاعته

شكرا midooo 911

ممكن حد يقول لي اعرف ازاي ان العربية انتاج نفس الشهر

اقتباس:

---

المشاركة الأصلية كتبت بواسطة هانى ظرف منصور

انا متابع الصفحه بتاعتهم على الفيس بوك وبيقولوا هينزلوا الموديل الاتوماتيك من الامجراند 7 قريبا وانهم فى مرحله الاختبار النهائى للسيارة

---

طيب ما تعرفش سعرها تقريبا هيكون في حدود كام؟

2015 هو 2014 و كان التركيز على علاج العيوب اللى اشتكوا منها مالكى العربية و السعر تقريبا هو 84.500

ايه اخبار الاوتو لسه متحددش موعد نزولها
و اخبار موتورها و الفتيس ايه حد عنده معلومات مؤكده؟