الغاء الدعم للبنزين

**tarek eno** · 10-06-2014 01:22 PM

انا كنت قريت فى جرنال الاهرام ملحق السيارات ان الجمارك هتتشال بحلول 2019 و مع خطة رفع الدعم الجزئية من الحكومة فاللى هتوفره فى تمن العربية هتدفعه بنزين

**ashouhdy** · 10-06-2014 01:23 PM

انا مختلف معاكم في نقطة واحدة

ما اللي راكب مرسيدس ولا اوبل ولا فولكس 1400 وتمنها 400الف مثل

ما هو already دفع للبلد فرق سعر خرافي برضوا ومن حقة ياخد دعم .

التسعير ميبقاش من خلال سعر العربية

والا حتلاقي اللادا بقت ب 200الف !!..او تلاقي الشارع كلة عربيات قديمة

الحمد لله اني عملت كارت البنزين. والصح انة يديك كمية معينة مدعومة ولو خلصتها تشنري بالسعر الحر

**ashouhdy** · 10-06-2014 01:38 PM

المشاركة الأصلية كتبت بواسطة حسام الغرباوي

ماهو احنا بنقول الحل ....انك لما تشتري عربية جديدة تدفع تمنها بالسعر العالمي مش بالسعر المصري

عربية زي لانسر بتتباع في مصر 150 الف وتمنها برة ما يعادل 70 او 80 الف

شيل الجمارك من السيارات وخد رسوم بسيطة ...وشيل الدعم من علي البنزين وخليه دعم معقول

كدا يبقي في عدالة

طب كدة احنا نبقي قضينا عالصناعة في مصر

كل مصانع تجميع السيارات

**حسام الغرباوي** · 10-06-2014 02:19 PM

المشاركة الأصلية كتبت بواسطة ashouhdy

طب كدة احنا نبقي قضينا عالصناعة في مصر

كل مصانع تجميع السيارات

مصانع تجميع السيارات اصلا مبتبعش بالسعر اللي هي بتصنع بيه ...دي بتخضع للسعر بتاع الشركة الام ...مجرد مصنع تجميع فقط لا غير ملوش دخل في الاسعار نهائي

**حسام الغرباوي** · 10-06-2014 02:22 PM

المشاركة الأصلية كتبت بواسطة mohamed hatem

عارفين يا شباب ايه اللي عاجبني في كل اللي قريته لغاية دلوقت :
- انكم كلكم متفقين على نفس النقاط ونفس مبدأ الموازنه ما بين الضريبه و الدعم ، ومبدأ اوجدلي بفلوسي اللي هدفعها مواصلات وطرق صالحة وادميه
-و اللذيذ ان ده كلام ناس عاديه مش دارسه اقتصاد ومش محتاجين دكتوراه عشان يفهموا ويطلعوا حلول عمليه واللي هيا متجربه في بلدان افقر مننا بكتير ، يعني حاجه في قمة التخلف من الحكومه اللي كلها مستشارين وعلماء اقتصاد

اما بخصوص الموضوع من وجهة نظري ... احنا بنعاني مشكلة سوء ادارة للازمات و لغير الازمات عامتا .. وعدم شفافية لكل اللي بيتصرف و للموازنه العامه للدولة
البلد مش حالتها صعبه ولا هيا فقيرة ماديا وفكريا والله .. كل اللي البلد محتجاه هي رؤيه وادارة جيده للتنفيذ

للأسف عندنا مشكلتين رئيسيتين

الفساد

والخوف

الفساد مسيطر تماما علي كل الدولة وكل اللي بيدخل جديد مع الفاسدين الحاليين مبيعرفش يطلع لازم يكون فاسد ...وكلوا بيدور علي النهش والسرقة

تاني حاجة عشان الفساد دا كلو ...محدش حتي قادر ياخد قرار عشان الناس متثرش عليه ويطلع برة منظومة الفساد

مصر لو مفيهاش فساد هتكون اغني من دول الخليج بمراااااااااااااااااااااا اااااااااااااااااحل

الخليج قايم فقط علي البترول ليس اكثر

انتا عندك اكتر من مصدر

سياحة
قناة السويس
موارد بشرية
غاز
زراعة
النيل
..........الخ