الموضوع: ‫#‏إحنا_متراقبين‬ أجمـــد إفيهات الفيس بوك

إلغاء برامج وإيقاف مذيعيين...

إعدام 10 آلاف نسخة من الجرائد لتصريحات ممنوعة..

فرض غرامات إجبارية لمن لم يشترك ف الانتخابات..

إعتقالات عشوائية للشباب بتهمة التظاهر.

رقابة وإعتقالات على صفحات التواصل الاجتماعى..

بداية مشرقة

قررت أجبلكم كل ألش المصريين عن موضوع مراقبة الفيس وتويتر

بصراحه شعب دمه خفيف اوي ضحك السنين

وبعدها ان شاء الله سيطغي على كل متجبر في الارض

وانا براهن على شباب جيلي انهم لن يرضخوا ولن يستسلموا


أسيبكم بقي مع اجمل إفيهات الفيس التحفه




ــــــــــــــــ




أبحث عن مطلقة او ارمله لعلاقة جادة
‫#‏إحنا_متراقبين‬
‫#‏مليش_فالسياسه‬



السيسي بطل حرب أكتوبر المجيد وهو اللى طرد الهكسوس مع احمس
و وحد القطرين مع مينا و بنى مسجد محمد على صدقه جاريه على روحه
السيسى رجل التاريخ , رجل الماضى والحاضر والمستقبل
‫#‏إحنا_متراقبين‬




يا باشا صفحتى أهى لو لقيت فيها بوست مش شاتمكم فيه أزعل منى براحتك
‫#‏إحنا_متراقبين‬




الناشطة السياسية اسراء عبد الفتاح
معلقة على مايتردد عن فرض رقابة على مواقع التواصل الإجتماعي عبر حسابها على تويتر :

انا شخصيا معنديش اي مانع اللي بقولوا في العلن بقولوا في كل مكان بس السؤال هو ده في المادة كام في دستور الحريات ٢٠١٤ ؟! ؛) ‫#‏إحنا_متراقبين‬




صباح الفل يا بشواااات ....هوا كلكم داخلية .... ما فيش جيش ولا ايه
‫#‏إحنا_متراقبين



إنت فاكر لما تراقب الشباب علي فيس بوك و تويتر هيبطلو يشتمو النظام؟؟ بالعكس أبسلوتلي .. هما هيبطلو يظبطو حريم عشان الفضايح
‫#‏إحنا_متراقبين‬



‬ راغم توابير الانتخابات الي كانت المدارس فيهما مفوته علي بعضها ماءدرتش انتخب اول يوم ولحقت ثالث يوم بالعفيه...علشان انتخب نور عينينا السيسي رمز النجمه رقم ١ شي لاينسي
‫#‏إحنا_متراقبين




بعتذر عن الفتره الماضيه الأكونت كان مسروق.
‫#‏إحنا_متراقبين‬




الاستاذ اللي هناك ف اليمين متراقب
و انته يا بيه ياللي عمال يمسح بوستاته القدمة متراقب ياروح خالتك
الهانم اللي قاعده تحب من تحت تحت متراقبة يا دزمة
‫#‏إحنا_متراقبين‬



أكابتن.. أكابتن.. هى المراقبة دى.. ع الشباب بس.. ولا الشباب والإرهاب..
‫#‏إحنا_متراقبين‬....



يا جماعه أنا عاوزه أوضحلكوا حاجه بس
الأكونت ده كان مسروق كل الشهور اللي فاتت دي واللي سرقه كان قاصد يوقع بيني وبين سيادة الرئيس عبدالفتاح السيسي المهم دلوقتي ان الأكونت رجعلي الحمدلله، اما بقى عن اللي كان سارقه فـا أنا هفضل وراه لحد ما أجيبه وأسلمه بنفسي لأمن الدولة ينفخوه وهقعد انفخ معاهم كمان
وأهو كله يهون علشان ماسر ^^
‫#‏إحنا_متراقبين‬
‫#‏الداخليه_متربيه‬




عايز انزل أصلى الفجر خايف
أزعل الباشا اللى مراقب الصفحة
ينزل معايا وأنا عارف أنه مش بيركعها
‫#‏إحنا_متراقبين‬



حد يسألنى إزاى السيسى يراقب نور عنيه
أقوم أرد عليه أقله أكيد خايف لحد يشيل الوصلة
‫#‏إحنا_متراقبين‬



هو اكمنى يا باشا قلت رأييى فى الأنتخابات بصراحة يعنى
وانتخبت حمدين تقوموا تقبضوا عليا ومعتقل وكلاب ويلف
وكهرباء والحاجات دى
‫#‏إحنا_متراقبين‬



وبالنسبة للأخ الذي تجرأ وسرق
الإكونت بتاعى يوم 23|1 \2011وتم
استعادته يوم 29 مايو 2014 هجيبك
يا ابن ال....دا أنا بسببك كنت هروح ورا الشمس
(منور معالى الباشا الحمد لله صفحتى المسروقة رجعت)
‫#‏إحنا_متراقبين‬




كوكو واوا كوكو واوا..العجوة نشفت فى التلاجة
إكتب ياحظابط إكتب
‫#‏إحنا_متراقبين‬



الداخلية: مراقبة ''فيسبوك وتويتر'' لا تعني عودة لنظام مبارك …
طبعا يافندم ده رجوع لعهد صلاح نصر شخصيا
‫#‏إحنا_متراقبين‬




عزيزى المراقب بوستاتى ﻻتعبر عنى وﻻ عن افكارى انما لفضح الخونه البيعملوا لايكات وكومنتات
واحنا فى الخدمه يباشا
‫#‏إحنا_متراقبين‬




الداخلية بتقول إنها حتراقبكوا بس "لن تتدخل فى خصوصيتكم" !! ده على أساس إن عبد الرحيم على جاب المكالمات من عند نينته !؟ ‫
#‏إحنا_متراقبين‬



من النهاردة لازم نبطل ناخد التليفون أو الأيباد معانا الحمام و نفتح الفيس بووك .. عيب ..
‫#‏إحنا_متراقبين‬




الحمد لله الفيس بوك بتاعى سليم مية ف المية ، وانا ضد النوشتاء والخونة و٦ ابريل ، ونزلت ف التوابير انتخبت السيسي من اول يوم علشان هو اللى أنكز ماسر، ومخلص دراسة ومعليش اى مراقبة
‫#‏إحنا_متراقبين‬
‫#‏هنتمسك_كلنا‬



ﺧﺒﺊ ﺑﻮﺳﺘﺎﺗﻚ ﺍﻟﻘﺪﻳﻤﺔ ﻛﻠﻬﺎ ﻭ ﺍﻛﺘﺐ ﻟﻠﺴﻴﺴﻲ ﺷﻌﺮﺍ ﻣﺜﻠﻬﺎ
‫#‏تحيا_مصر‬
‫#‏هنتمسك_كلنا‬
‫#‏إحنا_متراقبين‬



هااااااام جدا ……
عزيزي ‫#‏ظابط_أمن_الدولة‬ المكلف بمراقبة حسابي على الفيس
تحية طيبة و بعد ،،،
أولا : أهنئ سيادتكم بنجاح ‫#‏عبفتاح_السيسي‬ في إنتخابات الرئاسة وهو نجاح لثورة ‫#‏30_يوليو‬ و عودة ‫#‏النظام‬ و رجوع ‫#‏أمن_الدولة‬ لسابق عهده ……
والله يا باشا تستحقها وعن جدارة كمان .
ثانيا : أوجه عناية سيادتكم إلى أن كل ما بدر مني من ‫#‏كتابات_مسيئة‬ أو ‫#‏تعليقات_ساخرة‬ عن ‫#‏النظام_السابق‬ كانت جزءا من خطة ‫#‏الخداع_الإستراتيجي‬ لأكشف لسيادتكم عن ‫#‏الخونة‬ من ‫#‏أصدقائي‬ الذين يكرهون النظام السابق وهذه الكتابات لا تعبر عن عن رأي إطلاقا عن ‫#‏رأيي_الشخصي‬ في نظام سعادتكم
السيسي بطل حرب أكتوبر المجيد وهو اللى طرد الهكسوس مع احمس
و وحد القطرين مع مينا و بنى مسجد محمد على صدقه جاريه على روحه
السيسى رجل التاريخ , رجل الماضى والحاضر والمستقبل
‫#‏إحنا_متراقبين‬
‫#‏احنا_متراقبين‬




‫#‏إحنا_متراقبين‬
وعلي أبو زعبـل رايحين

ودول شوية صـــــــــور

تحياتي