كسر عمود الكامة

**omar sheref** · 02-06-2014 01:33 PM

السلام عليكم ورحمة الله وبركاته
استشارة للسادة الأعضاء الكرام
م/ كسر كامة اللانوس
من شهر غيرت زيت وثاني يوم رحت للشغل ورجعت وعند البيت المكنة طلعت صوت عالي ..رحت للميكانيكي على الهادي .. فتح الهيد وجد الكامة مكسورة ..غيرها بوحدة استيراد ..وبعد شهر وبعد تغيير الزيت أيضاً حصل نفس الموضوع ..وغيرت كامة جديدة جي ام ..ومشعرفين السبب ..السؤال هل في سبب خفي لكسر الكامة بعد غيار الزيت ثاني يوم بعد الرجوع من مشوار طويل.. أفيدونا يرحمكم الله ..علماً بأن طرمبة البنزين سليمة والرشاشات سليمة (استهلاك بنزين عادي)والمبينة والأسلاك سلام ..فلتر بنزين ممشيش 2000 كم ..وبحط بنزين 92 ..سحب العربية ممتاز والماطور صوته طبيعي عالي شويه بسبب طرمبة الباور بس ماشي الحال ..أرجو الافادة ..وشكرا لسعة الصدر وعذرا للاطالة.

**moko_2004** · 02-06-2014 02:01 PM

اعتقد فية عيب في ضبط الكاتينة او تقديم او تأخير فيها هو المتسبب في كسر عمود الكامه

**a_arazik** · 02-06-2014 02:14 PM

طالما عامود الكامة اتكسر اكتر من مرة يبقي طرمبة الزيت ضعيفة .... راجع علي الطرمبة الاول

**م.محمد علاء** · 02-06-2014 02:20 PM

ممكن حضرتك توضح..هل الكسر في العمود أم في جزء من راس الكامه نفسها.
هل فيه صوره توضح الكسر شكله عامل إزاي.
عامة عمود الكامه يتكسر لو التاكيهات محمله وحتي دي الإحتمال هو كسر السيخ مش العمود نفسه!
و فيه حاجه كمان وهي ان كرسي الكامه نفسه مش مضبوط على نفس الخط.و ترس الكامه مش عدل!!

**omar sheref** · 02-06-2014 02:25 PM

المشاركة الأصلية كتبت بواسطة moko_2004

اعتقد فية عيب في ضبط الكاتينة او تقديم او تأخير فيها هو المتسبب في كسر عمود الكامه

أشكر اهتمامك ..بس ليه بيكون الكسر بعد مغير الزيت ..وسحب العربيه ممتاز

**omar sheref** · 02-06-2014 02:29 PM

المشاركة الأصلية كتبت بواسطة م.محمد علاء

ممكن حضرتك توضح..هل الكسر في العمود أم في جزء من راس الكامه نفسها.
هل فيه صوره توضح الكسر شكله عامل إزاي.
عامة عمود الكامه يتكسر لو التاكيهات محمله وحتي دي الإحتمال هو كسر السيخ مش العمود نفسه!

والله يا باش مهندس صعب اصورها دلوقت لأن الماطور اتقفل خلاص ..بس الكسر كان من نص العمود (زي مبتكسر الخياره كدة :))

**ahmedfouad** · 02-06-2014 02:30 PM

ممكن تكون مسارات الزيت اللى بتزيت كراسى الكامة مسدودة
وده بيخىلى الكامة تسخن وتتمدد اكثر من اللازم فتقفش ثم يحدث الكسر
اما بالنسبة لضبط الكاتينة اعتقد مالهاش علاقة بكسر الكامة خالص
خلى الميكانيكى يسلك مجارى الزيت وجرب
وابقى طمنا

**kar!m** · 02-06-2014 02:31 PM

غالبا طلمبة الزيت ضعيفة .. غيرها أفضل.
و شوف برضه لو في تسريب زيت من الطبة اللي تحت .. بعد ما العامود اتكسر لقيت الزيت قل ولا زي ما هو؟
انت بتحط زيت ايه و بتجيبه منين
و شوف الموضوع ده

http://www.nilemotors.net/Nile/66288-a.html

**omar sheref** · 02-06-2014 02:32 PM

المشاركة الأصلية كتبت بواسطة a_arazik

طالما عامود الكامة اتكسر اكتر من مرة يبقي طرمبة الزيت ضعيفة .... راجع علي الطرمبة الاول

والله يا استازنا الفاضل قوت كده للميكانيكي .. وقالي حفحصهالك ..ومعرفش فحصها ازاي ..فياريت حضرتك لو عندك طريقة لفحص طرمبة الزيت تعرفهالي حتى اكلمة على نور ..وشكرا لرد حضرتك

**omar sheref** · 02-06-2014 02:50 PM

المشاركة الأصلية كتبت بواسطة ahmedfouad

ممكن تكون مسارات الزيت اللى بتزيت كراسى الكامة مسدودة
وده بيخىلى الكامة تسخن وتتمدد اكثر من اللازم فتقفش ثم يحدث الكسر
اما بالنسبة لضبط الكاتينة اعتقد مالهاش علاقة بكسر الكامة خالص
خلى الميكانيكى يسلك مجارى الزيت وجرب
وابقى طمنا

شكرا للرد استاذ أحمد
بالنسبة لتسليك مجاري الزيت .. الميكانيكي ضغط الكستبانات وفضى الزيت القديم بالمنجنه ..هل حضرتك تقصد العملية دي ولا في طريقة تاني لتنضيف مجاري الزيت ؟

الموضوع: كسر عمود الكامة

LinkBack

أدوات الموضوع

عرض

-

-

-

-

المواضيع المتشابهه

صوت من الكامة

حساس الكامة قطع !!

اويل سيل عمود الكامة

عمود الكامة 2106

قريبا سنراه فى السيارات الجديدة- محرك بدون عمود الكامة

الكلمات الدلالية لهذا الموضوع

المفضلات

المفضلات

ضوابط المشاركة