السلام عليكم يا اهل الأودى
انا شوفت النهارده فى معرض الطارق الأودى q3
وبصراحه عجبتنى جدا
بس معرفش عنها اى حاجه
هل فى حد هنا حجزها او اشتراها
او يعرف عنها اى معلومات
وسعرها كام
ومتورها كام سى سى
عرض للطباعة
السلام عليكم يا اهل الأودى
انا شوفت النهارده فى معرض الطارق الأودى q3
وبصراحه عجبتنى جدا
بس معرفش عنها اى حاجه
هل فى حد هنا حجزها او اشتراها
او يعرف عنها اى معلومات
وسعرها كام
ومتورها كام سى سى
بتنزل فئتين
الاولى 340000
الثانية 360000
ماتور 1400 تربو
شكرا لدك اخى الكريم
طيب العفشه مالتى لنك وله ايه
وكام حصان وهل هيه awd فعلا
وارتفاعها عن الأرض اد ايه
مفيش اى معلومات كده ؟؟
[QUOTE=ahmedshawki;3875605748]شكرا لدك اخى الكريم
طيب العفشه مالتى لنك وله ايه
وكام حصان وهل هيه awd فعلا
وارتفاعها عن الأرض اد ايه[/QUOT
العربيه 150 هورس باور
250 نيوتان متر
التسارع 8.9 ثانيه
العربيه FWD
العفشه مالتي لينك
ارتفاع العربيه عن الارض في اقل نقطه 17 سم و في اعلي نقطه 21 سم
دي مواصفات العربيه الي بتجي مصر
Audi Q3 1.4 TFSI S-tronic 2014 Overview & Price / DubaiCars.com
بالمواصفات دى شيفها افضل من x1 وله انتو شايفين ايه
انا كنت لسه امبارح في توكيل اودي اللي في القاطمية
هما منزلين فئتين:
1. 320 الف و ديه من غير سقف بانوراما و سنسورس قدام و مفيش كاميرا خلفي و كراسي مش كهربا و مش جلد
2. 360 ديه الهايلاين
بس الست قلتلي كلو بيمشي ب 92 عادي علي المتور التربو مفيش مشاكل بس مش هيديك العزم زي ال 95 بس كده انما بتقول كل اللي اخدوها متوقعوش القوة ديه من المتور ده.
لو في اي أسئلة انا تحت امرك.
و بتستلم بعد شهرين تقريبا علشان في حوجزات كثير و الفاس ليفت اللي جي السنة الجاية
هوه في فيس ليفت السنه الي جيه
اه ده اللي انا سمعتو من عل النت و اتاكدت منو من التوكيل نفسو ان الفيس ليفت هينزل في امانيا في اخر السنة ده و في مصر شهر ٥ او ٦ السنة اللي جية و انا عن نفسي هستني الفيس ليفت علشان q3 الوحيدة اللي لسه متغيرتش في الانتريور ( الداخل) و كل ال a3 a4 كلو اتغير من جوه و طبعا. في اختلاف كبير
المشكله ان السعر هيزيد جدا
مش عارف هيزيد كا عربية ولا فرق عملة لان كده كده كلو بيزيد
حضرتك شايف انها افضل من ال x1
١- ال x1 شكلها وحش جدا و بحسها اللي هو راكب bm و خلاص
٢- متورها ٢٠٠٠ سي سي و ده ترخيصه اغلي من ١٤٠٠ و فوق ده متضمنش بلدك الجميلة تقولك فجئة ان الفوق ١٦٠٠ برة الدعم و تكوع بنزين
٣- هي منتشرة اكتر بس بلq3 هتحس انك مميز ( ده راي الشخصي)
٤- انا لي واحد صحبي معاه ال 320i بيعزبوه في التوكيل
٥- الاودي برستيج اكثر و البي م متعة في السواقة اكثر
بس كل ده حجات شخصية يعني انا بشوف كل مودلات البي م شبه بعض مفيش اختلاف غير في ال x3 ,x6 ,700 ، بس انت اركب في الاثنين علشان تحس اكثر يعني انا كنت محتار ما بين الq3 و ال فولكس tiguan مع ان المتور تقريبا واحد بس القعدة جوا بتفرق و المظهر كمان.
لو في اي استفسارات انا تحت امرك
يا جماعة
هل فى اى مشكلة ظهرت من الموتور 1400
المشكلة انها جر امامي .. طبعاً هيا تحفة بس البي ام دابليو هتفضل احسن .. وفكر في السيتروين ds5 عربية حكاية
ال q3 وزنها 1480 كج ال x1 وزنها 1505
ال q3 بتطلع 150 حصان و 250 نيوتن عزم من موتور 1.4 تيربو متوسط استهلاك البنزين فيه لكل 100 كم اقل من 7 لتر ( مدينه و طريق سريع ) , ال x1 الموجوده فى مصر بتطلع 150 حصان و 200 نيوتن متر عزم من موتور 2 لتر بدون تيربو و استهلاك البنزين فيه لكل 100 كم حوالى 10-11 لتر ( مدينه و طريق سريع)
- اسأل فى التوكيل لو فيه منها اس درايف 20 دى بتنزل بنفس الموتور اللى بينزل فى ال 320 بتطلع 184 حصان و 270 نيوتن عزم و استهلاك 7 لتر لكل 100 كم لان فيه دوال فانوس
فى رأيى المتواضع لو ال x1 مش اس درايف 20 على الاقل , ال q3 افضل ( عزم اعلى و بيطلع بدرى 1750rpm, و استهلاك بنزين اقل )
* ملاحظه : انا معرفش اوبشنات دى ولا دى انا ما يهمنيش غير البيرفورمانس و مش كل الدماغات زى بعضها.
اشتريتها من يومين
بص يا سيدى العربية رائعه اولا انا مستورد قطع غيار وبركب عربيات من زمان بصراحه العربية رائعه تستاهل كل الفلوس اللى هدفعها فيها
السلام عليكم ورحمة الله وبركاته،
سؤال مهم جداً، أخبار الفتيس إيه؟
هل الفتيس dsg؟
جزاكم الله خيراً.
اولا الفتيس مفيش فيه مشكله خالص ثانيا انا اسف انا شوفت 2015 منها مفيش تغير ولا فايس ليفت
على اى حال العربية مريحة جدا العيوب اللى فيها تتلخص ان الوكيل مش بينزل كماليات كتير فيها علشان السعر
طبعا لو عايز كماليات اركب كيا وانا كان معايا سول 2013 طبعا كل الكماليات بس معظم الكورى فيه عيوب رهيبة البنزين و abs فاشل انا كان معايا زيرو وفيها عيب فى الفرامل والعفشة طبعا وكام حاجه كدا وانا مع اخويا الكبير رينو فلوانس كنت متخيل انها مريحة لما رحت بيها اسكندارية بس لما سوقت q3 لقيت ياه اظن انى اول مرة اسوق عربيه ومحدش يفهم كلامى غلط انا ركبت x3 و جين تو وتويوتا هنا وفى السعودية ولانسر وشيفرولية لاسيتى او كروز فى مصر ودا راى ممكن يكون خطأ
اولا انا شوفت معظم الكلام اللى هنا ومعظم المنتديات معظمه خاطئ انا اسف بالنسبة للعربية للمواصفات طبعا :
Output 150 HP/5000-6000 rpm
Torque 250Nm/1750-3000 rpm
Capacity 1395 cc
Gearbox 6-speed S tronic
Leather multi function steering wheel 4-spoke design
Space-saving spare wheel
Front center armrest
Ext. mirror electrically folding, adjustable and heated
Light & rain sensor
Cruise control
Driver information system
Interior mirror with automatic anti-glare action
xenon plus
ISOFIX child seat mounting
Tyre pressure monitoring display
Connectivity package
concert radio
Radio remote controlled central locking
Airbag for driver and front seat passenger
Side airbag front with curtain airbag
Deluxe automatic air conditioning, with sun sensor
Rear Parking sensor
Cast aluminium wheels, 10-spoke design with 235/55 R17
[youtube]https://www.youtube.com/watch?v=YkLTEMc0vBc[/youtube]https://www.youtube.com/watch?v=YkLTEMc0vBc
[/URL]انا اسف دا فيديو 2015 test drive
ايه الاخبار؟
العربية لسه عاجباك؟ :)
متابع
السلامو عليكم
3500 كيلو
العربيه على 190 تمام مش ماشية اصلا ورائعه انا رحت بيها اليكس مره و مرتين القاهرة (من المنصورة اخوك اصلا )
الثبات = رائع
التقفيل جميل جدا طبعا
الاستجابه اكثر من رائعه (s )
عملت 800 كيلو فى تفويلة التنك هو مكتوب 850 بس هى عملت 800 لانى مش بقفل كليمت كنترول اصلا
العيوب
الكماليات
سينسور الخلفى مش بيقولك منين يمين ولا شمال
الجى بى اس لازم فلوس
صوت التربو فى السرعات الخفيفه الاول والتانى لما تدوس بنزين جامد عالى حبتين (طبعا فى ناس بتموت فى الصوت دا عننننننننننن )
وعلشان خطرى محدش يسالنى السؤال دا لانى اتسألته من واحد دافع مقدم فيها ( فيها مسحات للفوانيس )
باشا اخبار البنزين إيه ، 92 ولا 95
واخبار السحب إيه والصوت لو بنزين 92
ربنا يباركلك فيها ويجعلها خير ليك
البنزين تمام 92 شغال بس انا جربت دا ولما سمعت عن مشكلة الناس اللى رافعه قواضى على مرسيدس بتاعت الفئه b بقيت شغال على منظف بنزين كمان بالنسبة للسحب العربيه اكثر من رائعه انت لما تركب هتسمع صوت التربو لما دوس جامد دا طبيعى ولو سمحت انا عايز اقول معلومه انا عملت صيانه 5000 = غيار زيت 10000+ فلتر + صيانه على العفشة = 780 جنيها فقط لاغير ( التوكيل فى العبور )
الصيانه تمام بس لالاسف الوكيل نص نص لان فى حاجات كتير مش منزلها اختيارى
مبروك عليك يا باشا ربنا يحفظهالك انت جبت العادية و لا الهاي لاين
الف مبروك على العربيه ياباشا .. وربنا يديم عليك فرحتك بيها .. و شكرا على معلوماتك القيمه اللى اديتهالنا عن العربيه .... وارجو من حضرتك انك تعملنا موذوع بالصور ان امكن عن مواصفات واوبشنز العربيه ... او تصورلنا البروشور بتاعها ... وشكرا لحضرتك مقدما
ربنا يباركلك عقبال ماتجيب q7 يارب انا جبت العادية لانى مقدرش انتظر اربع شهور حضرتك ثانيا بالنسبه للتقرير انشاء الله هعمله بس لله العربيه فوق الميه ميه بس للاسف اودى مش واخد حقه فى مصر
متشكر على الرد .. واحييك على تفكيرك خارج الصندوق ... و متنسناش فى تقرير عنها بعد اذنك