زجاج بربريز الامامي للكارينز اتكسر و ارجو النصيحه ضروري

السلام عليكم
و العربيه مركونه في امان الله و قع عليها طوبه خرسانيه من الدور السادس و كسرت زجاج البربريز الامامي للكارينز 2013 الشكل القديم

الحمد لله قدر الله و ماشاء فعل احسن ماكانت تيجي علي راس حد

و سؤالي الاحسن اني اركبه في التوكيل و لا اجيبه من الثلاثي بتاع زجاج السيارات
مع العلم انه في التوكيل هيكلفني 3300 !!
و بره الوكيل من 650 ل 750 جنيه علي حد علمي الكوبي بتاعه

ارجو النصيحه في حال ركبته بره التوكيل ممكن يبقي فيه خطوره او حاجه تحصل في الزجاج فيما بعد؟!

ايه رايكوا وياريت اعرف العيوب لو ركبته من عند الثلاثي ؟!

و لو حد يعرف حد تاني ممكن يكون عنده زجاج البربريز الامامي للعربيه ياريت يقولي اسمه و رقمه..

مستني الردود لاهل الخبره

مش مشكلة حصل خير
طيب ماتروح ل جريش بتاع الازاز في شارع دمشق

اقتباس:

---

المشاركة الأصلية كتبت بواسطة mshmshm3

مش مشكلة حصل خير
طيب ماتروح ل جريش بتاع الازاز في شارع دمشق

---

الحمد لله
طب تنصحني اني اجيبه و اركبه عند جريش احسن من الثلاثي؟!

اشترية من برة افضل و مفيش خطورة ولا حاجة بيبقا كوبى من بتاع التوكيل و احينا بيبقى احسن كمان

هات جريش
يبقى ركبه فى المصنع فى العاشر من رمضان
او فرع ليهم
او هات امان جلاس وده مصنع تانى زى جريش

المهم تشوف الزجاج قبل التركيب
تبص فيه كانه راكب
تجرى عينك عليه بالطول والعرض
ميكنش فيه خطوط بالعرض تبوظ الرؤيا ولا خرابيش
ولا فقاعات هوا

هاته من جريش هيبقى نضيف اوى زيه زى التوكيل ما تقلقش

شوف جريش هايعجبك

اقتباس:

---

المشاركة الأصلية كتبت بواسطة a.saad

هات جريش
يبقى ركبه فى المصنع فى العاشر من رمضان
او فرع ليهم
او هات امان جلاس وده مصنع تانى زى جريش

المهم تشوف الزجاج قبل التركيب
تبص فيه كانه راكب
تجرى عينك عليه بالطول والعرض
ميكنش فيه خطوط بالعرض تبوظ الرؤيا ولا خرابيش
ولا فقاعات هوا

---

انا قررت اجيبه من فرع جريش في مصر الجديده و ياريت لو حد يعرف يقولي ازاي اتمم علي الازاز و هو بيركبه او قبل ميركب!!

يااااااااه 3300 ده ازاز الفانتازيا الاصلى بالتركيب من التوكيل عامل 1750 بالضريبة والمصنعية والسلكون الاصلى
عموما قبل ما تتسرع فى اتخاذ القرار لو ازا عربيتك زى بتاع الفانتازيا بيركب لطش ده باللغة بتاعت بتوع الازاز يعنى من غير جوان خارجى يبقى يفضل اصلى طبعا لانه ممكن يسربلك مياه انما لو مش بيركب لطش يبقى ممكن تركبه جريش او امان

جريش كويس مش سئ

بلاش من بره .. انا للاسف دخلت في قصه زباله لم ركبته من بره ومخدش بالي من التعاريج غير بعد يومين ورجعت لبتاع الازاز عشان اغيره وربنا يسهل بقي ويغيره من غير ميبوظ الجوان

بلاش جريش الى فمصر الجديدة و ركبه فى المصنع فى العاشر من رمضان عشان السليكون الى هناك انظف و اقوى

توكل على الله وركبه عند جريش مصر الجديدة فى ش دمشق انا ركبت عندهم من سنة فى عربيتى السيراتو ٢٠١٠ والصراحة زى الاصلى بالمللى وتركيبهم نظيف وعارفين شغلهم كويس ومعاه ضمان كمان

امان افضل من جريش حسب تجربه بعض الاعضاء

للاسف بعد مكلت الراجل وخليته يجيب جريش طلع برضه معرج .. لدرجه اني شكيت في عيني وطبعا النصاب لبسني الازاز منه لله (للعلم الراجل ده في المحله واسمه الصمدي) .. وطبعا دلوقتي مش عارف اعمل ايه