| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube

مشاهدة نتائج الإستطلاع: هل توافق على ان يتم دراسه اللغه القبطيه بجانب العربيه في المدارس

المصوتون
29. أنت لم تصوت في هذا الإستطلاع
  • نعم

    7 24.14%
  • لا

    22 75.86%
صفحة 2 من 5 الأولىالأولى 1 2 3 4 5 الأخيرةالأخيرة
النتائج 11 إلى 20 من 41

  1. #11

    الصورة الرمزية D . a .\ AYMAN

    رقم العضوية : 12806

    تاريخ التسجيل : 13Jun2008

    المشاركات : 2,817

    النوع : ذكر

    الاقامة : NEW CAIRO

    السيارة: PROTON - P E R S O N A

    السيارة[2]: SUZUKI - SWIFT 2015

    دراجة بخارية: I WISH

    الحالة : D . a .\ AYMAN غير متواجد حالياً

    افتراضي -

    hasad">



    انا غير متفق مع تدريس اللغة القبطية لسبب منطقي جدا

    إن اللغة دي من اللغات الميتة دلوقتي ومافيش منها أي منفعة لما الناس ترجع تتكلم بيها لأنه مش هايحصل أصلا لأن خلاص لغة مصر إتغيرت وبقت العربية زي كل الدول العربية مش مصر بس


    لأن العرب ماكانوش موجودين غير في جزيرة العرب فقط ... وكل الدول العربية زمان كان ليها لغاتها الخاصة بها ... مصر كانت قبطية و .. و .... ده مصر كان فيها تلات لغات لما العرب دخلوها وده اللى ساعد على سرعة انتشار العربية في مصر بالذات ... والعراق كانت فارسية وهكذا ...

    اللى عايز يدرس القبطية بيدرسها لأن هوة متخصص في اللغات القديمة أو في التاريخ المصري القديم أو ما الى ذلك بالضبط زي اللغة اللاتينية دلوقتي في أمريكا وانجلترا وأوروبا عموما ماهي دي أصل اللغة القديمة لأوروبا كلها

    لكن اللى بيدرسها هوة اللى عايز يتخصص فيها فقط وهي لا تدرس بصورة عميقة في المدارس بس بيدوا عنها فكرة .... وده اللى ممكن نعمله هنا اننا ندي فكرة عن اللغة القبطية ونعرف التلاميذ ان دي لغة مصر القديمة قبل دخول العرب مش أكتر من كده

    اقتباس المشاركة الأصلية كتبت بواسطة TaoTao مشاهدة المشاركة
    لما ندرس عربي الأول نبقى ندعبس في القبطية والهيراطيقية والديموطيقية، للأسف كبار الكتاب الصحفيين لا تخلو مقالاتهم من أخطاء فادحة (لو كنت وقعت في أحدها أمام والدي في ابتدائي لنعتني بما أكره -على أقل تقدير-).
    بالنسبة للأرقام النمطان عربيان والنمطان مقتبسان بشكل ما من الهند، كل ما هنالك أن نمط منهم (اللاتيني الحالي) انتقل لأوروبا واستخدمته، والنمط الآخر استخدمه واستحسنه العرب.
    اسمحلي اختلف مع حضرتك لأن النموذج اللى احنا بنستخدمه من الأرقام ده هوة النموذج الهندي وليس العربي ... النموذج العربي هوة اللى بيستخدموه دلوقتي في اللغة الإنجليزية وده النموذج اللى إخترعه الخوارزمي على أساس ان كل رقم بيعبر عنه عدد الزوايا الحادة اللى موجودة فيه يعني مثلا رقم 1 موجود فيه زاية حادة واحدة فقط ورقم اتنين فيه زاويتين حادتين فقط وهكذا (طبعا هوة اتحور دلوقتي شوية عن اللى الخوارزمي باشا كان عامله) لكن هو الأساس لذلك همة عندهم الأرقام دي إسمها arabic numbers .... أما أرقامهم همة فهى الأرقام اللاتينية اللى هية كده ( واحد = I ) , ( اثنين = II ) , (ثلاثة = III ) .... وهكذا
    وعلى فكرة مافيش أي دولة عربية بتستخدم الأرقام الهندية غير مصر والسعودية وكام دولة من الخليج غير كده كل الدول العربية بتستخدم الأرقام العربية في كل كتاباتها وهي اللى بيتعلموها في المدارس (اللى احنا دلوقتي بنقول عليها انجليزي بالخطأ)




    اقتباس المشاركة الأصلية كتبت بواسطة Stealth_Mode مشاهدة المشاركة
    طبعا لا اوافق
    لاننا من العرب الفاتحين لمصر و الكثير مننا ليسوا مصريين اصلا، إذن لغتنا الاصليه هى العربيه، ومصرالان عربيه.
    اللغه القبطيه هى لغه الاقباط الاصليه لان ليس لهم اصول عربيه. و لكن مصر الان عربيه، ولن اشارك فى هذا الوضوع مره اخرى منعا للمشاكل، شكرا.




    بالنسبة لأصولنا إحنا معظم المادة الوراثية بتاعتنا مصرية وليست عربية من جزيرة العرب وإن كان الدقيق أكتر أن احنا بقينا مختلطين أكتر دلوقتي سواء من الأتراك أو العرب أو الرومان أو حتى الإنجليز والفرنسيين ... وده لأن مصر هية الدولة الوحيدة اللى شعوب العالم كله اتنططت عليها وسرقتها (مش عارف ليه سبحان الله!!!)


    يعني أنا مصري .. جدتي لأمي أصولها من الصعيد جدتي لأبي أصولها من تركيا وأبوها كان باشا كبير إسمه الشمس باشا جدي لأمي وأبي مصريان .... طيب .. حماتي ترجع أصولها الي آل بيت النبي صلى الله عليه وسلم كما قيل لي من أحفاد الحسن او الحسين رضي الله عنهما .. لا أذكر تحديدا(يعني فرع عربي أصيل) .. كما انها لها أجدادا من صعيد مصر أيضا ... أما حماي فأصوله من مصر فقط ... إذن أولادي هم مصريون في أكثر مادتهم الوراثية ولكنها مختلطة ومرتبطة بعدة أجناس أخري كذلك عربي وتركي ... خصوصا دلوقتي الجواز من أجنبيات شغال على ودنه في كل الدول .. يعني كمان 100 سنة مش هاتلاقي جنسية صافية أبدا

    واللغة القبطية هي لغة مصر الرسمية وقت دخول العرب

    مصر اسمها بالإنجليزي EGYPT وده تحوير لكلمة ايجيبت دون تعطيش لحرف الـ ج ... وكلمة أقباط كانت تطلق على المصريين عموما وليس النصارى (الكلمة مالهاش أي دعوة بالنصارى على فكرة) والمسلمين العرب عند دخولهم مصر ذكروا اسمها مصر كما ذكر في القرآن ومن هنا أتى إسم مصر ولأن اللغة المصرية ابتدت تبقى العربية واحدة واحدة إبتدى إسمها يتغير برضة الى مصر واحدة واحدة الى أن رسخ في الأذهان وبقت مصر والناس نسيت معنى كلمة قبط

    والله أعلى وأعلم

    D . a . \ A Y M A N
    A . S . Y

    N.Y.S.M.A سابقاً

    مشاركة محذوفة


  2. #12

    الصورة الرمزية meza

    رقم العضوية : 2167

    تاريخ التسجيل : 14Sep2007

    المشاركات : 1,425

    النوع : ذكر

    الاقامة : Cairo

    السيارة: 00

    السيارة[2]: Hyundai new accent 2011

    دراجة بخارية: 00

    الحالة : meza غير متواجد حالياً

    افتراضي -

    مصر اسمها بالإنجليزي EGYPT وده تحوير لكلمة ايجيبت دون تعطيش لحرف الـ ج ... وكلمة أقباط كانت تطلق على المصريين عموما وليس النصارى (الكلمة مالهاش أي دعوة بالنصارى على فكرة) والمسلمين العرب عند دخولهم مصر ذكروا اسمها مصر كما ذكر في القرآن ومن هنا أتى إسم مصر ولأن اللغة المصرية ابتدت تبقى العربية واحدة واحدة إبتدى إسمها يتغير برضة الى مصر واحدة واحدة الى أن رسخ في الأذهان وبقت مصر والناس نسيت معنى كلمة قبط
    هقتبس جزء من رد فى موضوع سابق ... يكمل المعلومات دى :

    "و قد عرفت مصر قديماً بأرض حام كما هو مكتوب فى التوراة ..... وارتبط لفظ حام لغويا وتاريخيا باللفظ المصرى القديم "خيم" أو "كيم" khem أو kem الذى تم إطلاقه على الجزء الخصيب المنزرع بأرض مصر ويعنى باللغة المصرية القديمة : الأرض السوداء تمييزا له عن الجزء غير الخصيب من أرضها الذى كان يسمى بلغتها القديمة "تا-دشر" dshrt ويعنى البلاد الحمراء أى الصحراء ، وهى أصل كلمة deserere باللاتينية ومنها كلمة desertبالإنجليزية . وبمناسبة الكلام عن حام نذكر أن البلدة التى تسمى أخميم Akhmim حاليا بمحافظة سوهاج تشير فى لفظها واشتقاقه إلى لفظ "خيم" السابق إيضاحه.

    أما مصر بوجهيها القبلى والبحرى وبصحرائها شرقا وغربا كان يطلق عليها اللفظ "مصر" إسما لها ، وهو مشتق من إسم "مصرائيم" Misraim ابن حام ابن نوح ، حيث كان هو ونسله أول سلالة بشرية سكنت أرض مصر كلها . ومصرائيم ينطق بالعبرية Mitsri-im وهو ابن حام كما جاء فى سفر التكوين 6:10 بالعهد القديم ، وجاء فى دائرة المعارف الصادرة عن جامعة كولومبيا ، وفى قاموس إيستون الإنجيلى وقاموس سميث الإنجيلى : أن مصرائيم ابن حام ابن نوح هو الشخص الذى تم تسمية أرض مصر كلها بإسمه ، وكان ينطق إسمها باللغة المصرية القديمة "مشر" md-r ، أى "مصر".

    أما لفظة Egypt هنعرف دلوقتى جت إزاى مع شوية معلومات حلوة فى النص تخليك تفتخر إنك من مصر:
    الإسم الأول لمصر كان كيم أو خيم (الأرض الخصبة السوداء) و تحول الإسم إلى كيمى فى الحقبة القبطية من التاريخ المصرى ... و ذكر فى الكتب اليونانية القديمة الإسم كيميا ..... و عندما أطلق الإغريق إسماً على ذلك العلم الجديد الذى إخترعه جابر بن حيان المصرى أسموه كيمياء نسبة إلى كيميا ...
    عشان نكمل على كلمة إيجيبت و نعرف جت إزاى لازم نعرف الأول كلمة قبط جت منين ....

    عند دخول العرب مصر دخلوا من ناحية بلد إسمها قفط (بالمناسبة كلمة قفطان جاية من البلد دى لأن أهلها كانوا لبسهم الشعبى هو جلباب وعليه جلباب آخر الذى هو القفطان) ..... المهم العرب سموهم أهل قفط .... و هناك حرف فى اللغة القبطية إسمه بيتا ... هذا الحرف ليه نطقين الباء و الفاء حسب الحرف الذى يسبقه متحركاً أو ساكنا (زى الإنجليزى) .... فتغير الإسم بين الناس إلى "قبط" مع الزمن.

    نرجع لكلمة إيجيبت .... عند تخصيص كلمة قبطى باللغة القبطية تصبح قبطيوس أو جبتيوس و منها إشتق الإغريق كلمة أجيبتوس و الألف اللى فى الأول للتخصيص بمعنى الأرض بتاعة الجبتيوس و منها إلى الإنجليزية إيجيبت Egypt ."


    *****************

    بالنسبة للموضوع ... فأنا شايف إن اللغات اللى لازم تدرس و نهتم بيها هى اللى هنستعملها بعد كده فى شغلنا و حياتنا .... بالتالى نهتم باللغة العربية لأنها لغة البلد الرسمية ... و نهتم باللغة الإنجليزية اللى هى مدخل للإنفتاح على علوم و ثقافات العالم الأخرى.
    أما اللغة القبطية ... أنا شايف إنه يقتصر تدريسها فى الكليات المختصة ... غير إن المسيحيين بيهتموا بيها لأن معظم الصلوات بتكون باللغة القبطية.
    اللى عايز يدرس القبطية بيدرسها لأن هوة متخصص في اللغات القديمة أو في التاريخ المصري القديم أو ما الى ذلك بالضبط زي اللغة اللاتينية دلوقتي في أمريكا وانجلترا وأوروبا عموما ماهي دي أصل اللغة القديمة لأوروبا كلها
    +1

    مشاركة محذوفة


  3. #13

    الصورة الرمزية دموع الثلج

    رقم العضوية : 3478

    تاريخ التسجيل : 28Nov2007

    المشاركات : 1,656

    النوع : انثى

    الاقامة : الهــــــــــــرم

    السيارة: تويوتا ياريس

    السيارة[2]: هوندا سيفك

    دراجة بخارية: لا يوجد

    الحالة : دموع الثلج غير متواجد حالياً

    افتراضي -

    اللى اعرفه ان قبـــــــــطى يعنى مسيحى
    والاقباط هما اخوانا المسيحين

    تبقى اللغه القبطيه دى ايه ................ @!

    اياا ما كانت ايه هى لا اوافق

    انا شامه ريحه مؤامره لكن ما علينا

    ياريت يدرسونا لغه عربيه بدل التهيس اللى انتشر ومحدش عارف يكتب جمله على بعض من غير اخطاء املائيه

    <font size=3><b>لا  اله الا انت سبحانك انى كنت من الظالمين</b></font>

    مشاركة محذوفة


  4. #14

    الصورة الرمزية D . a .\ AYMAN

    رقم العضوية : 12806

    تاريخ التسجيل : 13Jun2008

    المشاركات : 2,817

    النوع : ذكر

    الاقامة : NEW CAIRO

    السيارة: PROTON - P E R S O N A

    السيارة[2]: SUZUKI - SWIFT 2015

    دراجة بخارية: I WISH

    الحالة : D . a .\ AYMAN غير متواجد حالياً

    افتراضي -

    اقتباس المشاركة الأصلية كتبت بواسطة meza مشاهدة المشاركة
    هقتبس جزء من رد فى موضوع سابق ... يكمل المعلومات دى :
    الف شكر ياباشا

    برضه المعلومات الموثقة أحلى من الحاجات اللى بتطلع من المخ كده حسب الذاكرة ماتسعفك ... فعلا قعدت أحاول أفتكر الكلام ده بس ماقدرتش فكتبت اللى إفتكرته بس

    وجزاكم الله خيرا

    D . a . \ A Y M A N
    A . S . Y

    N.Y.S.M.A سابقاً

    مشاركة محذوفة


  5. #15

    الصورة الرمزية D . a .\ AYMAN

    رقم العضوية : 12806

    تاريخ التسجيل : 13Jun2008

    المشاركات : 2,817

    النوع : ذكر

    الاقامة : NEW CAIRO

    السيارة: PROTON - P E R S O N A

    السيارة[2]: SUZUKI - SWIFT 2015

    دراجة بخارية: I WISH

    الحالة : D . a .\ AYMAN غير متواجد حالياً

    افتراضي -

    اقتباس المشاركة الأصلية كتبت بواسطة دموع الثلج مشاهدة المشاركة
    اللى اعرفه ان قبـــــــــطى يعنى مسيحى
    والاقباط هما اخوانا المسيحين

    تبقى اللغه القبطيه دى ايه ................ @!

    اياا ما كانت ايه هى لا اوافق

    انا شامه ريحه مؤامره لكن ما علينا

    ياريت يدرسونا لغه عربيه بدل التهيس اللى انتشر ومحدش عارف يكتب جمله على بعض من غير اخطاء املائيه

    كلمة قبط هوة أسم من أسماء مصر
    وكلمة قبطي معناها مصري
    وليس للكلمة أي علاقة بالدين المسيحي

    D . a . \ A Y M A N
    A . S . Y

    N.Y.S.M.A سابقاً

    مشاركة محذوفة


  6. #16

    الصورة الرمزية دموع الثلج

    رقم العضوية : 3478

    تاريخ التسجيل : 28Nov2007

    المشاركات : 1,656

    النوع : انثى

    الاقامة : الهــــــــــــرم

    السيارة: تويوتا ياريس

    السيارة[2]: هوندا سيفك

    دراجة بخارية: لا يوجد

    الحالة : دموع الثلج غير متواجد حالياً

    افتراضي -

    اقتباس المشاركة الأصلية كتبت بواسطة NYSMA مشاهدة المشاركة
    كلمة قبط هوة أسم من أسماء مصر

    وكلمة قبطي معناها مصري

    وليس للكلمة أي علاقة بالدين المسيحي

    طيب مين هما اقباط مصـــــــر

    ما كل يوم الجرائد بتكتب اقباط المهجر واقباط مصر وبتقصد بيهم الاخوان المسيحين

    <font size=3><b>لا  اله الا انت سبحانك انى كنت من الظالمين</b></font>

    مشاركة محذوفة


  7. #17

    الصورة الرمزية meza

    رقم العضوية : 2167

    تاريخ التسجيل : 14Sep2007

    المشاركات : 1,425

    النوع : ذكر

    الاقامة : Cairo

    السيارة: 00

    السيارة[2]: Hyundai new accent 2011

    دراجة بخارية: 00

    الحالة : meza غير متواجد حالياً

    افتراضي -

    اقتباس المشاركة الأصلية كتبت بواسطة دموع الثلج مشاهدة المشاركة
    اللى اعرفه ان قبـــــــــطى يعنى مسيحى
    والاقباط هما اخوانا المسيحين

    تبقى اللغه القبطيه دى ايه ................ @!
    قبطى أصلاً أطلقت على سكان مصر ساعة الفتح العربى .... و كان معظمهم ديانتهم المسيحية .... و إقرأى المعلومات اللى فى ردى السابق هتفهمى الموضوع شوية.

    بالنسبة للغة القبطية ... هى برضه كانت لغة أهل مصر ساعة الفتح العربى ... و هى مشتقة من اللغة اليونانية مع إضافة بعض الحروف من اللغة الديموطيقية و تطوير قواعد اللغة.
    كانت بتستخدم فى أنحاء مصر كلها و بلاد النوبة ... و كان فيه منها كذا لهجة منها اللهجة الصعيدية ... زى العامية دلوقتى بالظبط .. بيحصل تعطيش للجيم و تغيير نطق بعض الحروف.

    بعض كلمات اللغة العربية مشتقة منها زى تمساح و طوبة و واحة .... و برضه كلمات كتير من اللغة العامية المصرية مشتقة منها زى فتافيت و فوطة و زير و زلابية و تاتا و ننوسة و هيلا هوب و يوحا (منها وحوى يا وحوى) و حنطور و حنفية و بخ و كخ و مشط و فلافل و كانى ومانى و هلس و أوباش و مرمطة و تاتا و إدينى و إمبو (ماء) ...... و كلمات تانية ممكن تدوروا عليها عالنت.

    http://en.wikipedia.org/wiki/Coptic_language
    http://en.wikipedia.org/wiki/Demotic_(Egyptian)
    http://www.almolltaqa.com/vb/showthread.php?p=77725

    تبقى اللغه القبطيه دى ايه ................ @!
    سؤال حضرتك ده بيأكد إننا المفروض نهتم بالجزء اللى إتذكر فى رد NYSMA
    وهي لا تدرس بصورة عميقة في المدارس بس بيدوا عنها فكرة .... وده اللى ممكن نعمله هنا اننا ندي فكرة عن اللغة القبطية ونعرف التلاميذ ان دي لغة مصر القديمة قبل دخول العرب مش أكتر من كده
    لكن للأسف فى المدرسة مفيش إهتمام خالص.

    ****************


    الف شكر ياباشا

    برضه المعلومات الموثقة أحلى من الحاجات اللى بتطلع من المخ كده حسب الذاكرة ماتسعفك ... فعلا قعدت أحاول أفتكر الكلام ده بس ماقدرتش فكتبت اللى إفتكرته بس

    وجزاكم الله خيرا

    أنا بجمعهم من على النت ... لأنى مش بقدر أفتكر كل حاجة مرة واحدة ... فالنت بيساعد فى الموضوع ده

    طيب مين هما اقباط مصـــــــر

    ما كل يوم الجرائد بتكتب اقباط المهجر واقباط مصر وبتقصد بيهم الاخوان المسيحين
    عشان نوضح الموضوع .... تم إعتبار إن المسيحيين هما الأقباط على إعتبار إن أصلهم كان من قبل الفتح العربى ... لكن الكلام مش دقيق .. لأن محدش يضمن إن كل المسيحيين أصلهم قبطى و كل المسلمين أصلهم عربى ... و كإعتقاد شخصى معظم المصريين حالياً من أصل قبطى (اللى هما كانوا فراعنة قبل كده).

    مشاركة محذوفة


  8. #18

    الصورة الرمزية دموع الثلج

    رقم العضوية : 3478

    تاريخ التسجيل : 28Nov2007

    المشاركات : 1,656

    النوع : انثى

    الاقامة : الهــــــــــــرم

    السيارة: تويوتا ياريس

    السيارة[2]: هوندا سيفك

    دراجة بخارية: لا يوجد

    الحالة : دموع الثلج غير متواجد حالياً

    افتراضي -

    الف شششششكر لردك يا ميزا

    بس كده هنرجع للموضوع اللى كان فى ساحه الاخبار المنقوله

    هما المصريين ولاد مين ........

    انا شايفه انه مفيش فايده من تدريس اللغه دى اصلا

    ليه عاوزين ترجعونا مليون سنه للخلف ......

    يعنى هيطلع فينا ارشميدس جديد ويفك رموز اللغه ماتبصوا للناس اللى طلعت للقمر افضل

    <font size=3><b>لا  اله الا انت سبحانك انى كنت من الظالمين</b></font>

    مشاركة محذوفة


  9. #19

    الصورة الرمزية meza

    رقم العضوية : 2167

    تاريخ التسجيل : 14Sep2007

    المشاركات : 1,425

    النوع : ذكر

    الاقامة : Cairo

    السيارة: 00

    السيارة[2]: Hyundai new accent 2011

    دراجة بخارية: 00

    الحالة : meza غير متواجد حالياً

    افتراضي -

    اقتباس المشاركة الأصلية كتبت بواسطة دموع الثلج مشاهدة المشاركة
    الف شششششكر لردك يا ميزا

    بس كده هنرجع للموضوع اللى كان فى ساحه الاخبار المنقوله

    هما المصريين ولاد مين ........

    انا شايفه انه مفيش فايده من تدريس اللغه دى اصلا

    ليه عاوزين ترجعونا مليون سنه للخلف ......

    يعنى هيطلع فينا ارشميدس جديد ويفك رموز اللغه ماتبصوا للناس اللى طلعت للقمر افضل
    اللغة القبطية مهمة تاريخياً و فى دراسة أصل اللغات و هكذا ...

    لكن ككتب و علوم بالقبطى مفيش .... و لا حتى فيه كتب علمية عليها القيمة باللغة العربية.

    رأيى لو الواحد مهتم بالعلوم ... يبقى يدرس اللغة الإنجليزية كويس جداً.
    لو مهتم بالأدب .... يبقى العربية أكيد و معاها الإنجليزية لو ناوى يقرا روايات و كتب أجنبية و يا سلام لو أخد كمان الفرنسية و الألمانية.

    مشاركة محذوفة


  10. #20

    الصورة الرمزية جمال

    رقم العضوية : 3982

    تاريخ التسجيل : 06Jan2008

    المشاركات : 2,033

    النوع : ذكر

    الاقامة : الاسكندرية

    السيارة: Bata 44

    السيارة[2]: HAIMA - Family

    الحالة : جمال غير متواجد حالياً

    افتراضي -

    hasad">

    لو بنتكلم عن اللغة الام فهى ليست القبطية , يمكن تكون الهيروغليفية , او الديموطيقية
    اللغة القبطية لغة وسيطة

    احسن خلينا نتعلم عربى كويس الاول

    مشاركة محذوفة



 
صفحة 2 من 5 الأولىالأولى 1 2 3 4 5 الأخيرةالأخيرة

المواضيع المتشابهه

  1. قارئ كتب إلكتروني بيدعم اللغه العربيه في كافة أنواع الملفات
    بواسطة marsguy في المنتدى المنتــــــدى الاجتمــاعى
    مشاركات: 0
    آخر مشاركة: 27-11-2012, 02:20 PM
  2. عوده بعد غياب النت الرخم... وشويه مشاكل فى العربيه..
    بواسطة amraction في المنتدى أوبـــــل
    مشاركات: 39
    آخر مشاركة: 08-06-2010, 12:02 AM
  3. اللغه العربيه و اللغه الغريبه
    بواسطة د-احمد عبد اللطيف في المنتدى المنتــــــدى الاجتمــاعى
    مشاركات: 82
    آخر مشاركة: 28-04-2010, 10:58 AM
  4. محتاجين حد يعرف قواعد اللغه العربيه...
    بواسطة karimone في المنتدى المنتــــــدى الاجتمــاعى
    مشاركات: 4
    آخر مشاركة: 05-03-2009, 04:04 PM
  5. دراسه للانوس هيه الافضل
    بواسطة toty5681 في المنتدى قســـــــــم المقارنــــات
    مشاركات: 2
    آخر مشاركة: 11-12-2007, 12:04 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2