الموضوع: من قال ان زيوت وولڤر بتتأخر ؟

المشاركة الأصلية كتبت بواسطة a_mohamedsamir

انا كنت قرأت هنا فى القسم ناس بتشتكى من التأخير فى وصول زيت ولڤر
لكن انا حابب اقول االى حصل معايا شخصياً
امبارح عملت موضوع هنا فى القسم علشان كنت عاوز رقم وولڤر لان كان عندى رغبه اجربه
وبالفعل واحد من الاعضاء الافاضل كتب الرقم
إتصلت بهم تقريب قبل صلاة العصر بنصف ساعه
الرد كان مهذب من شخص محترم
ولما سالته ممكن الزيت يوصل امتى قال لى غالباً بعد بكره
لكنى فوجئت بارامكس بتكلمنى وبتقول ان الشحنه وصلت وبالفعل استلمت الزيت
زى ما الزملاء هنا بيقولوا العبوه شكلها يخطف
يا رب يكون الزيت بنفس الجوده المتوقعه
مع العلم انى من عشاق ڤالڤولين لدرجة انى النهارده بصيت على مقاس الزيت وصعبان عليه انزله،كنت غيرته من شهر اغسطس اللى فات وعامل به حوالى ١٣ الف ولسه فيه اللون الذهبى
لكن كفايه عليه كده ويشكر جداً عشر شهور و يومين بالضبط و١٣٠٠٠ كيلو
إنشاء الله وولڤر يكون احسن .

شكر ا-محمد على ثقتك الغاليه فى منتجات وولفر واللى ان شاء الله هيكون عند حسن ظنك كاداء مثالى لزيت موتور تخليقى مصنع ومعبا فى المانيا بالكامل
بخصوص موضوع الشحن ..فعلا حصل عدد قليل من العملاء بالشكوى من خدمه الشحن للتاخير يوم او اكثر وطبعا ده حق اى شخص انه يحدد الميعاد اللى هيقدر يستلم فيه ..بس تفهم الظروف هو اللى بيعمل المشكله ..لان وولفر ليس له اى ذنب فى التاخير.. ارامكس شركه دوليه ومشهوره ووفقا للعقد المتفق عليه ان الاستلام يوميا قبل الساعه الخامسه ويتم التوزيع فورا..ولكن هناك مناطق ليس لهم فيها نقاط توزيع هنا تحدث التاخير لان المندوب بيضطر للتسليم لاقرب نقطه ثم تسلم لمندوب اخر للتسليم..
شكرا مره اخرى ووعد بافضل اداء