يعني اية؟؟؟
عرض للطباعة
خد بالك ياباشا إنها بتلعب في ملعب العربيات الموفرة للوقود ومصاريف التشغيل والملعب ده الأنواع الجيدة فيه قليلة فعلا ولكن مطلوبة حاليا
يعني مثلا أنا معايا الألتو 800 سي سي ومعايا البيرسونا ... وبصراحة البيرسونا برغم متعة قيادتها إلا إن اللى نازل وسط البلد أو مكان زحمة سواء أنا أو المدام بيسيب البيرسونا وياخد الألتو لأن البيرسونا غول بنزين جنب الألتو في الزحمة والعكس صحيح تماما
يعني لما أكون مسافر وأمشي بالألتو على سرعات عالية بتعمل استهلاك بنزين أكتر من البيرسونا اللى على طريق السفر بتكون موفرة جدا واستهلاكها بيقل جدا ويكون زي الألتو في الزحمة وأكتر كمان
عشان كدة في ناس كتير جدا ممكن تفضل عربية صغيرة الحجم سواء في الموتور أو حجم الصالون نفسه لأن كل مشاويرها في وسط البلد ومالهاش في السفر لأن فرق التوفير يستاهل فعلا
المشكلة بقى إن الملعب ده مافيهوش غير السوزوكي الألتو اللى من غير كماليات ووسائل أمان كفاية ... وبعديها الماروتي اللى من غير تكييف حتى والناس ابتدت تبعد عنها للسبب ده وبصراحة تقفيلها وشكلها خلاص بقى قديم جدا ومن جوة سيئة للغاية
وبعد كدة الآي تن اللى مش ماشية أساسا في السوق
الساجا اللى كل الناس أجمعت على إن استهلاكها عالي للبنزين لأن موتورها قوي بصراحة والناس بتحب تستمتع بيه وبتحرق عليه جامد وبكدة يفقد معنى إنه موتور موفر تماما
السيريون اللى اختفت من السوق بعد ما كانت ممكن تحقق معدلات كويسة بسبب توكيلها
السويفت والسيلاريو (اللى هي أصلا الألتو) اللى برضه مالهمش نصيب بسبب توكيلهم (مع إنهم عربيات رائعة جدا)
مافيش بعد كدة بيلعب في السوق غير البيكانتو تقفيل كويس شكل كويس من برة وكويس من جوة وسعرها بعيد عن أقرب منافسيها بـ 10000 جنيه يبقى طبيعي لما الميراج والأتراج ينزلوا على إنهم ياباني يبقى ده سعرهم
عشان كدة في ناس ممكن تفضلها على عربية زي الجين 2 ... برغم إن كفاءة الجين أفضل بكتير ... لكن عنصر التوفير مع الجودة مش هايكون متوفر غير في دي
وبعدين ... في ملاحظة كمان ... هي الفيات بونتو بكام وكام سي سي ... الفئة العالية فيها بتعمل 125 ألف و 1200 سي سي برضه (على السعر القديم .. الله أعلم هاتبقى بكام بعد التوكيل الجديد) ... وده راجع لجودة التقفيل العالية جدا ووسائل الأمان المتوفرة فيها كسيارة أوروبية بمواصفات أوروبية
من الآخر مافيش عربية تسعيرها في مصر مضبوط
يا جماعه
معلش ليا تعليق مش المشكلة انها 1200 سى سى - بالعكس دى ميزة
المشكلة انها 3 سلندر - صعب قوى
متفق مع حضرتك يا دكتور تماماً
بس انا اعتراضي على السعر
السعر عالي اوي اوي اوي بالنسبة لامكانيات العربية دي
مهما كان مينفعش تقارن عربية زي التويوتا بريوس اللي نزلت الاسواق كأحسن عربية موفرة للبنزين قصاد عربية مثلا زي المازدا 3 .. دي عربية موفرة وليها سعر .. ودي عربية فيها رفاهية وليها سعر تاني خالص
اللي عايز اقوله ان مينفعش عربية موفرة تبقى في سعر عربية احسن منها في كل حاجة ماعدا نقطة التوفير دي .. ونفس الكلام على البيكانتو ونفس الكلام على ال i 10 .. دي كلها عربيات بتخاطب جزء كبير من الناس المفروض محدودة الدخل
ناس عايزة تجيب عربية توفرلها بنزين وفي الاخر ادفع اكتر من 100 الف؟ .. طب مانا ممكن ادفعهم مقابل حاجات تانية كتير زي الامان والثبات والقوة والتكييف والكماليات والرفاهية والخ الخ
شوف العربية دي في اسواق بريطانيا هتنزل مثلا ب 7000 استرليني .. ليه بقى تتباع بالسعر الخرافي ده في مصر؟
نفس الكلام على الياريس لانها نفس الفئة واكيد نفس السعر في بريطانيا .. بس هنا نازلة اغلى من الاتراج ب 40 الف جنيه بحالهم
المشكلة مش في التوكيل بس المشكلة في الناس بردو انهم بيشجعوا
انا واخد بالى ان فى بعض المشاركات هنا بتتمسح
سيئة جداااااااااااااااااا
سيئة جدااااااااااااااااااااااا ااااااا
هيا ايه اللى سيئه يا برنس ..
انت حر فى رايك انا معايا اتراج الجديدة ومش شايفها سيئة جدا بالعكس عجبانى جدا جدا
بس احنا دايما نقول على الحاجة سيئة بمجرد النظر لكن نجرب ونتكلم ابدا
وكل الاراء اللى بتتكلم مجرد توقعات
ان كنت انا صاحبها ولسة محكمتش عليها
من الاخر احنا مكبرين موضوع العربيات قوى السوق هو اللى متحكم فينا ولو قارنا الفئات المتقاربة سعريا من بعض مش هنلاقى اختلافات كتير فتلاقى واحد يموت فى البيكانتو لانها محندقة والتانى يقول عليها دا توكتوك والاتراج 1200 ياعم دى سلحفة من غير مايجرب والتانى يقولك موفرة للبنزين ولا دا ركبها ولا دا ركبها
دى مسالة احتياج واختلاف ازواق وكانه قميص وكل واحد يختار اللى يعجبه بس ميعيبش على اختيار غيره لمجرد انه ميناسبوش
شراء السيارة قرار نابع من الاحتياج
هقولكم على مميزات حلوة فيها يمكن مش موجودة فى غيرها اولا التحكم فيها ممتاز جدا لدرجة انى اى حد بيركبها بياخد عليها لكنها مش كبيرة من برة والغريب انها مرتاحة قوى جوة
بالنسبة لحتة مليانة من جوة متخدهاش فى الاعتبار بمبلغ صغير تضبط اللى انت عايزة جوة عربيتك
وحتة الثبات انا معايا واحد من القاهرة جه عندى اسيوط بعربيته اتراج برضه وقالى انه وصل ل150 وثبات ممتاز لكن انا شخصيا لسة مسفرتش بيها ومش هصدق برضه غير بنفسى
وبعد غلو البنزين النهاردة حسيت ان 1200 نعمة بالنسبة للتكيف انا شغال بيه على سرعات منخفضة ممتاز واقصى سرعة كانت جوة المدينة معدتش 70
السى دى اللى فيها صوته نقى وجميل سمعت زنة من كام يوم بس راحت فكبرت دماغى والموضوع جميل بالنسبة لشكل العربية ناس كتيرة بتقف قدامها وتتفرج عليها وفى ناس شيفاها تحفة وفى ناس شيفاها عادية لكن الاحلى اكتر
بالنسبة لقطع الغيار وجودة التوكيل هى دى النقطة الاهم لان فى عربيات ممتازة فى مصر ماتت بسبب كدة زى الجين وغيرها وكل عربية لسة جديدة منقدرش نحكم توافر قطع غيارها
وياريت اللى عنده راى ايجابى او سلبى يكون عن تجربة حقيقة مع العربية مش راى عشوائى لمجرد اتشافت فى فديو او صورة او مجرد كلام قرناه
انا كنت في المصرية النهارده و قعدت فيها و اتفرجت عليها
ماحستهاش نهائي حاسس انها مالهاش دعوه بالمتسوبيشي من اساسه و ان سعرها كتير عليها
يعني مثلا اللوجان الجديده برقبتها اركب دي و اركب دي و انت هتحس بفرق شاااااااااااااااااااااااس ع
سيئة جداااااااااااااااا شبة [marq="3;right;3;scroll"]البطيخة[/marq]
احنا ناس بيتضحك عليها واحنا مبسوطين بكدا ... للعلم بس السيارات دى من اسوء السيارات اللى شوفتها وجربتها شخصيا سيارات فاضية مفيهاش اى اوبشنز محترمة تخليك تحس انك راكب عربية محترمة ممكن تقول عليها موديل السنة .. كفاية حتى شكلها يا اخى ... الاراء تختلف ولكن ..
العربيه رفعت ل115 فى اقل من شهر وده بسبب الطلب وللعلم بعد موضوع البنزين انفرجو على نسبة الطلب على العربيات ال 1200 وما تحتها احنا فى بلد السرعه القصوى فى شوارعها 20 وفى الغالب بنمشى بالفرامل وتوفير البنزين هو العنصر المهم فى عربيه فيها كماليات امان ورفاهيه مناسبه يعنى abs وair bag غير الايموبولايزر وميتسوبيشى اسم مش رخيص ولا سهل والمقارنه بالصينى عجيبه جدآ شوف استهلاك الصينى للبنزين وقطع الغيار وقيم الوضع الشريحه العريضه من الموظفين والطلبه دى انسب اختيار هيفورو بنزين برقم كبير شهري وعربيه لها اسم وببساطه اللى مش معجب بيها ميشتريهاش
ليه مينفعش؟ كل شئ وله استخدام يعنى الصنى بتستهلك بنزين بشكل خيالى وكانت معايا لدرجة انى جبت بعدها اكس تريل 2500 سي سي محستش بفرق كبير فى الاستهلاك مش عارف ليه مقارنات بعربيات بالفعل مش نفس الفئه وفى نظرى مش افضل باختصار كل عربيه ولها مستخدمها مفيش حاجه اسمها وحشه الموضوع نسبى لكل فرد وبعد كارثة البنزين الكل هيدور على عربيات تحت ال1200 سي سي كمان
بص يا سيدى فى حجات ميفهمهاش غير اللى ركب عربيات كتير العربية ملبن ناعمة جدا جدا ومفيش زحمة ماثرة ابدا حجمها جميل ومن جوة كبيرة وكمان البنزين فيها بيعيش وغير دا كله abs باشا فى الزحمة صح اليابان ملهاش فى البطيخ لو عايز بطيخ خليك فى الصينى بطيخة كلها اوبشن
نزلت اتفرجت عليها وقعدت فيها وشغلتها شوية هي والبيكانتو جنب بعض
يصراحة تقفيل البيكانتو من جوة أفضل بكتير وصوت موتور البيكانتوا أهدأ بكتير برضه نظرا لأن البيكانتو أربعة سلندر مش ثلاثة ... والإثنين دلوقتي بنفس السعر للفئة الهاي لاين
وبسبب إن العربية ثلاثة سلندر في رجة خفيفة كدة في الموتور وهو دائر على الحمل الخالي (وده في أي عربية ثلاثة سلندر على فكرة) بس كنت معتقد قبل ما أشوفها إن ميتسوبيشي أكيد تلافت النقطة بخبرتها ... لكن تظل القاعدة هي هي ... البيكانتو الموتور بتاعها ناعم بصراحة بكتير عنها
مش دي اللي مكانتش عاجباكوا
اهي بقت البريمو :)
هي فعلا بقت ب 115
ولا دة السعر برة الوكيل
ياجماعه انا لسه كنت فى التوكيل امبارح بتفرج عليها والهاى لاين بتاعها ب 113 الف والاستلام من اسبوع لأسبوعين والراجل قالى الحجز باى مبلغ حتى لو 1000 جنية .
عموما من مشاهدتى لها جيده مبدئيا وخصوصا حجم الصالون والشنطة كمان كويسة جداااا طبعا يعيبها جودة التقفيل لأن حتى مسامير ربط الأبواب باينة ومش عليها مثلا كاوتشة او بلستكة صغيرة مثل البوما على اقل تقدير الكراسى كويسة نوعا ما ...
مع العلم ان مع دردشتى مع الراجل اللى كان قاعد بالتوكيل "كبير فى السن" قالى سبب انك عاوز تشتريها ايه ؟ قولتله !! توفير فى البنزين !! قالى مش كفاية لأن مش فرق فى اللتر ما بين 21 كيلو ومابينها مثلا وبين البوما 16 كيلو فى اللتر ( طبعا فى الحالة الأستاندر )بيقل بعد كده مثلا البوما المستعمل الطبيعى يكون 12 كيلو طبعا الأتراج معرفش لأن لسه مجربتهاش أو حتى حد كملت معاه 5 الاف كيلو لأن بقالها بس 5 شهور
والراجل اكدلى ان كويسة فى السفر لكن طبعا مش زى 1600
وكمان دورت العربية لقيت صوت الماتور مش عاجبنى وكمان شغلت التكييف وجدت صوت من المكنه زي تفيص سألت الراجل عليه قالى ده الكمبروسور !!! فقولتله اشمعنى الشارك او البوما مش بيحصل كده قالى فيه فرق ومكملش!
وكمان لما زودت بنزين خفيف حسيت برجه فى المكنه زي ما تكون العربية متلته .
عموما اللى اتأكدت منه ان العربية تجميع تايلاندى 100% وده من التوكيل بعكس البوما او الشارك تجميع يابانى 100%
وقالى ان البوما خلاص انتاجها وقف شهر 5 اللى فات ومعدتش هتنزل تانى قولتله يعنى ده اخر كلام ولا زى بتاع سنة 2013 برضوا ... قالى لأ خلاص.
قولتله هل فيه نية ان ميتسوبيشي تفكر تغير الماتور للعربية دى او حاجة زي ما حصل فى الشارم بدل 1500 الى 1600 بعد ما ملقتش نجاح بسبب ماتورها قالى الله اعلم
يا جماعة أنا جبت الأتراج .. العربية ممتازة .. حجمها معقول جداً بالنسبة للموتور .. العربية ناعمة جداً .. الباور بتاع ال دركسيون هايل .. ثباتها على الطرق السريعة حلو جداً .. جبت بيها 120 على كوبري أكتوبر و ما حستش بأي هزة .. التسارع بتاعها ممتاز وسرعة إستجابة الفرامل هايل .. الكنبة واسعة ومريحة جداً .. والتكييف كنت مشغلاه على 2 وما كنتش حاسة بصوته خالص و كان ساقع و كويس جداً .. و ركنتها سهلة جداً .. بصراحة مريحاني جداً لغاية دلوقتي و لقيت فيها مميزات كنت بشتكي منها ف النيسان نيو صني لإن كان معايا نيسان صني قبلها .. بصراحة صفقة رابحة خصوصاً مع إرتفاع أسعار البنزين ... هو صحيح تقفيلها فقير شوية .. والاكسسوارات بتاعتها قليلة .. بس ده العادي بتاع متسوبيشي عامة .. و التابلو فقير بردو .. بس في مميزات تانية كتير تشفع لكدا
تحس إنها قريبة من البروتون ساجا
الفئة السعرية (100 ألف) فيها لوجان وسانديرو وساجا وصني الشكل القديم وبيكانتو
اللي بيقول إنها غالية أحب أعرفه إن الفيرنا الأوتو وصلت 95 ألف جنيه ولا تمت لكوريا بصلة فهي هندي على صيني على غبور
يبقى لو عربية ياباني بالسعر ده متعتبرش مبالغ فيها قوي
اللوجان الشكل الجديد هي الصفقة الرابحة في مستوى ال 100 ألف المانوال الحجم الكبير
والسنديرو في الحجم الأصغير هي أيضاً الرابحة برضه مانوال بس
والإتنين طلعوا أوت في موضوع الأوتو اللي الوكيل مجابوش وشكله مش ناويله أساساً
ـ
فيه حاجة مهمة جدا لم تلفت نظر حد فى تكنولوجيا العربية - بجانب ان موتورها mivic فتيسها cvt وده فتيس فى حد داته موفر للبنزين بس سحبه تمام واسألو مالكى الفليوانس والجوك والقاشقاى - يبقى العربية اجمعت بين موتور محترم و فتيس اكثر احتراما
بالنسبة لرعشة الموتور دى حاجة طبيعية فى ال 3 سليندر
1200 cc مناسبة جدا لسعر البنزين
بفكر اجيبها لابنى
بالمناسبة الفئة الثانيه ليس بها abs انما توجد في الفئة الثالثة
اما الفئة الثالثة ففيها ايرباج واحدة فقط وذلك طبقا للكتالوج من دايامند
الكتالوج موجود على الرابط التالي
http://www.mitsubishimotors-eg.com/B...es/Attrage.pdf
انا كلمت دايامند موتورز و بعتولي البروشور اللي موجود في اللينك لو قراته هتلاقي الفئه الثانيه مافيهاش abs و الثالثة فيها ايرباج واحدة . بس انت اشتريت العربيه (طبعا ربنا يباركلك فيها ويعطيك خيرها و يكفيك شرها) فانت تقدر تقولنا اكتر عن الاوبشنز و تنقلنا تجربتك وانطباعك عنها لتعم الاستفادة و شكرا
ركبت الأتراج في المعرض
وركبت نيسان صني الشكل الجديد
الصني أغلى في أعلى فئة 10 آلاف جنيه
لكن تظل الصني صفقة رابحة بكل المقاييس
ما عدا نقطة توفير البنزين التي لابد من التجربة للتأكد أن التوفير في الأتراج يستحق المغامرة بموتور 3 سلندر
ـ