سعر اكصدام سبورتاج 2015

**Omar Amir** · 02-06-2014 10:34 PM

السلام عليكم, انا لسه شارى كيا سبورتاج القئة الثانية مكملتش 200 كم و خبطتتنى سيارة نقل كبيرة (تريلة) من خلف العربية شال الاكصدام و كنت عايز اسئل ممكن يعمل كام واحد جديد و اجيبه منين بس ياريت يكون مكان اسعاره كويسة, و شكرا.

**م/محمد صلاح** · 02-06-2014 11:11 PM

اولا الف حمدلله على سلامة حضرتك والحمد لله انك بخير وربنا يعوض عليك

ثانيا انا ماعرفش والله تمن الاكصدام .. انا فى قسم الكيا هنا عشان لسه هاشتري سبورتاج ٢٠١٥ ان شاء الله فكنت باخد فكره من اصحابها

ثالثا وده شئ احزنى جدا ... ان ١٧ واحد قبلى دخل شاف الموضوع وماكلفش خاطره حتى يقول لصاحب الموضوع الف سلامه وربنا يعوض عليك ... الكل داخل فاكر ان صاحب الموضوع جاب سعر الاكصدام او عنده واحد عايز يبيعه ولما لقى الموضوع كده كبر دماغه ... والله انا فعلا حزين على المنتدي

**kokowasfy** · 02-06-2014 11:17 PM

الف حمد لله على السلامة و ربنا يعوضك خير إن شاء الله و إن شاء الله الاخوة الاعضاء يفيدوك فى سعر الاكصدام

**karim gamal** · 02-06-2014 11:45 PM

الف حمد. الله علي سلامتك ،، المهم انك بخير وكويس العين جت في حاجه زي كده لان العين حق اي الحسد ،، كتتصلح وكله هيبقي تمام ان شاء الله ،، بس عليك وعلي التوكيل يعملوها علشان ترجع زي الاول ومتحسش بفرق

**Omar Amir** · 03-06-2014 12:45 AM

المشاركة الأصلية كتبت بواسطة م/محمد صلاح

اولا الف حمدلله على سلامة حضرتك والحمد لله انك بخير وربنا يعوض عليك

ثانيا انا ماعرفش والله تمن الاكصدام .. انا فى قسم الكيا هنا عشان لسه هاشتري سبورتاج ٢٠١٥ ان شاء الله فكنت باخد فكره من اصحابها

ثالثا وده شئ احزنى جدا ... ان ١٧ واحد قبلى دخل شاف الموضوع وماكلفش خاطره حتى يقول لصاحب الموضوع الف سلامه وربنا يعوض عليك ... الكل داخل فاكر ان صاحب الموضوع جاب سعر الاكصدام او عنده واحد عايز يبيعه ولما لقى الموضوع كده كبر دماغه ... والله انا فعلا حزين على المنتدي

الله يخليك, انا متشكر جدا على الكلام ده. السبورتاج ال2015 طبعا حلوة مفيش كلام و ربنا يسهلك فيها إن شاء الله.

المشاركة الأصلية كتبت بواسطة kokowasfy

الف حمد لله على السلامة و ربنا يعوضك خير إن شاء الله و إن شاء الله الاخوة الاعضاء يفيدوك فى سعر الاكصدام

مشكور.

المشاركة الأصلية كتبت بواسطة karim gamal

الف حمد. الله علي سلامتك ،، المهم انك بخير وكويس العين جت في حاجه زي كده لان العين حق اي الحسد ،، كتتصلح وكله هيبقي تمام ان شاء الله ،، بس عليك وعلي التوكيل يعملوها علشان ترجع زي الاول ومتحسش بفرق

شكرا :)

**mastr_n** · 03-06-2014 12:59 AM

فداك العربية كلها والحمدللة انها ماجتش فيك ودية ضريبة العربية الجديدة
انزل الحرفيين خدلك لفة وشوف هل موديل 2014 او 2013 يركب ولو ركب شوف حاجة بلون العربية من غير ماترش يعنى يركب علطول بس دور كويس وماتستعجلش