يا جماعة ساعدوني فالتفكير في شراء موبيل جديد ؟؟؟

**محمد أنور** · 12-10-2008 07:09 PM

اولا انا شاب فاخر سنة جامعة .. و احتياجاتي في الموبيل مجرد اني عاوز يكون شكله شيك و يفضل يكون لونه اسود
و بلوتوث طبعا و لو فيه شبكة وايرلس مفتوحة (وده طبعا نادر) يدخل عليها .. و يبقى سريع ..
انا فكرت فالنوكيا بس فوجئت انها كلها دلوقتي بقت صيني
قلت سوني اريكسون لقيتها بيعها هيبقى صعب اوي بعد كدة
بصيت عال HTC لقيتها كلها تايواني و احجامها ضخمة
دورت على Apple IPhone ملقتش غير 3g جديد .. و تمنه 5000 جنيه .. ده غير انه لسة منزلش رسمي في مصر
يا رييت يا احلى منتدى تنصحوني اجيب ايه عشان قربت اتجنننننننن
و لو تنصحوني بال iphone أجيبه 3g جديد ولا 2g مستعمل ؟

**sherif Anton** · 12-10-2008 09:52 PM

اعتقد ان نوكيا E51 هيكون مناسب ليك

**Dream286** · 12-10-2008 10:28 PM

بعد التوسع في خدمات المحمول وانتشار خدمات الجيل الثالث انصحك بالبحث عن جهاز يدعم السرعات العالية وسهولة تصفح الانترنت وهذا في رأيي اهم بكثير من المزايا الاخرى المتعلقة بالكاميرا وغيرها
هناك عديد من المواقع التي قد تساعدك على اختيار الجهاز المناسب لك وان كنت لا تحتاج للانترنت هذه الايام فقد تحتاجه فيما بعد خاصة ان الاجهزة الحديثة من الممكن ان تعمل كجهاز مودم لأجهزة الكمبيوتر المنزلية واللابتوب

**إسلام شاهين** · 12-10-2008 10:52 PM

عن نفسي شايف إن احتياجاتك بتتلخص في نوكيا E66

**محمد أنور** · 12-10-2008 11:43 PM

بجد الله يفتح عليكو .. انا مفكرتش خالص في فئة ال E series فالنوكيا ..
انا بس اهم حاجة عندي انها متكنش نوكيا صناعة صيني ..
و يكون صوته كويس و مسموع .. و مش مهم عندي الكاميرا اوي عشان ماليش فالتصوير اوي

فعلا هبدأ افكر في ال E66 أو ال E51 .. بس محدش نصحني بالiphone ليه ؟

**salem** · 12-10-2008 11:44 PM

shof ay haga ericson
a7san mel nokia sad2ny

**محمد أنور** · 12-10-2008 11:47 PM

هي فئة ال E دي ليها برامج عالنت زي فئة ال N كدة ولا ايه ظروفها ؟

**محمد أنور** · 12-10-2008 11:50 PM

el sonyerricson kont hageeb el w890 w kan 3agbny awy bas mala2etsh feeh wifi w fe nafs el wa2t makansh re7'ees .. w sa2alt wa7ed 2abl ma ageebo 3al sonyerricson 2aly eny law gebto mosh ha3raf abee3o tany w ha7'sar feeh gamed .. fa batalt afakar feeh ..

**michohat** · 13-10-2008 12:08 AM

نصيحه من اخ لاخوة الموبايلات كلها بتعمل نفس الوظيفه و ضرورى انك تعرف انك عاوز ايه من الموبيل (نوع استخدامك والامكانيات اللى هتستخدمها فعلا ) وبرضة مش تشترى عده لو ضاعت منك تندم و تزعل عليها وفى الاخر دى كلها بلاستيك

**محمد أنور** · 13-10-2008 12:19 AM

ربنا يخليك يا باشا عالنصيحة ..
بصراحة انا بحب لما تبقى معايا حاجة تبقى معايا لوحدي .. حاجة مميزة يعني ..و في نفس الوقت يبقى في الامكانيات اللي محتاجها .. انا عاجبني ال N95 8 giga بس من كتر ما شفته مع الناس و شفت الصيني اللي نازل شبهه اتخنقت منه .. و فكرت فال iphone عشان لسة جديد و متعرفش كتير .. بس اكتر حاجة قلقتني منه ان كل اللي بيبيعه بيبقى كسر زيرو .. كأنه اشتراه و معجبوش فبيبيعه .. ده غير طبعا حوار البلوتوث للسماعة فقط يعني لو عجباني حاجة عند حد مش هعرف اخدها منه ..
ال E Series دي باين عليها عملية اوي .. و ان شاء الله بكره هنزل اسأل عليها و كدة ..
واللي عنده اقتراح يا رييييييت ميبخلش بيه عليا ;)