تصليح وحده abs للى عاوز يشتغل بإيده
الزملاء الأعزاء
الموضوع بخصوص وحده (ABS) وتصليحها
كنت شارى العربيه والوحده ساعات بتشتغل وساعات أكتر بتكون فاصله ... وبدأت رحله البحث عن الإصلاح أو التغيير
وربنا هدانى بعد سؤال الأخ العزيز فادى محمد إلى تصليحها عن حسام أوبل فى طنطا ب ٤٠٠ جنيه
وفعلا روحتله وصلحها بنفس المبلغ ... جربنا كله تمام زى الفل ... بس لفت نظرى ان الموضوع ما اخدش خمس دقايق تصليح
وفعلا قعدت حوالى سنه ونص شغال ... وبعدين عطل تانى كشفت طلعت الوحده وغيرتها الحمد لله ... وقولت اتفقد الوحده بتاعتى البايظه ولاحظت الآتى
http://i1008.photobucket.com/albums/...ps8cabbf2a.jpg
بعد ما شيلت الحته دى لقيت تحتها سيلكون حرارى شيلته وده المنظر
http://i1008.photobucket.com/albums/...ps543f4528.jpg
طبعا هى دى الحته اللى فتحها حسام لتصليح الوحده وكل اللى عمله طبعا هو تسخين نقطتين من لحامات القصدير اللى على الوحده ... بالمنظر ده
http://i1008.photobucket.com/albums/...ps3316037d.jpg
طبعا انا دفعت ٤٠٠ جنيه زى الباشا فى الحكايه دى ... وده بصراحه حقه لان ماحدش بيعمل الحوار ده فى مصر غيره
حبيت انقل التجربه ممكن يكون فيها إفاده لو حد الوحده عنده بايظه وممكن يحاول يعمل الحركه دى طالما كده كده بايظه