لو تقدر تزود 5000 و تجيب الفلوانس ام 155 هتنبسط ان شاء الله بس الفلوانس مش عربية شد و حرق
عرض للطباعة
لو تقدر تزود 5000 و تجيب الفلوانس ام 155 هتنبسط ان شاء الله بس الفلوانس مش عربية شد و حرق
انا مع راي الاخوة فالريو
خلي الكلام عالفلوينس ام 155 مش ام 150
الفرق بينهم كبير
بالنسبة للمقارنة
لو لازمك الesp توكل على الله في الكروز ، الباقي الفلوينس يا زي الكروز يا افضل
Sent from my GT-N7000 using Forum Runner
لا لا كده الفلوينس شيلها من الحسبة خالص انا فاكرك هتجيب اللي ب ١٥٥ فا دي كانت هتبقي ناقصة عن الريو غتحة سقف و سمارت كي و جنوط و ليد يعني ممكن تستحمل شوية في سبيل الثبات انما اللي ب ١٥٠ الف دي متنفضة يا راجل دي ازاز بكر ورا زي بتاع ال ١٢٨ و كاسيت منظره رخيص جدا و مفيش مالتي فانكشن ولا مثبت سرعة ولا اي حاجة في اي احاجة لا حرام لو مش هتعرف تزود لل ١٥٥ و اخرك ١٥٠ يبقي بتظلم نفسك لو جيبت الفلوينس بالسعر ده و فاضية كده اوعي تجيبها كده يبقي قدامك الكروز و الريو بص انا مش هاكدب عليك انا شاب زيك و الريو مزغللة عنيا جدا بالكماليات دي و الدلع ده فانا لو في مكانك هجيبها عشان شكلها الشبابي التحفة مع الجنط ال ١٧ و الكماليات اللي بالهبل اللي متخليكش تزهق من العربية و استهلاك البنزين هيبقي اقل من الكروز و قطع الغيار و الصيانات هتبقي ارخص من الكروز و النقطتين دول هيفرقوا معاك انا زيك كل يوم بعمل ١٢٠ كيلو عالدائري من مصر الجديدة لحلوان بس في نفس الوقت ابقي بكدب عليك لو قلتلك اني مش هفتقد ثبات الكروز و ال esp .. ربنا يوفقك للي فيه الخير
نقطتين بس بالنسبة للريو طبعاً بغض النظر عن كم الكماليات المهول فيها
- الريو فئة أقل من الكروز و الفلوانس و ده بالنسبة للثبات و تصميم العفشة نفسه ناهيك عن ال esp الموجود فى الكروز
- بالرغم من ان موتور الريو 1400 سى سى فقط و لكن استهلاكها للبنزين سىء و بشهادة ملاكها...تتفوق الفلوانس فى هذه النقطة بجدارة كأستهلاك ممتاز و تانك بنزين سعة 60 لتر الاكبر فى فئتها
لو مشاويرك غالبيتها دائرى و طرق مفتوحة و جرى يبقى هفكر فى الثبات اولاً و استهلاك البنزين ثانياً لان مشاويرك كبيرة يومياً و سعر البنزين هيرفع قريب جداً و طبعاً ده يحصر اختيارك بين كروز و فلوانس
اما لو مشاويرك غالبيتها داخل البلد يبقى الريو هيكون اختيار ممتاز
تحياتى
طالما الفلوينس اللي ب 155 يبقي كده نرجعها تاني و نمسك الورقة و القلم و نقارن :B4_048:
بص يا سيدي الفلوينس ال E2A اللي هي ب 155 الف تتفوق عن الريو الخليجي اعلي فئة اللي ب 148 الف او 147 حسب المعرض
1- Brake Assist في حالات الفرملة المفاجئة بي Boost دوسة الفرامل بتاعة رجلك عشان العربية تقف اسرع
2-Rear brake Discs مقابل Drums في الفرامل الخلفية في الريو و طبعا ال Discs كفائتها في الفرملة افضل بكتير
3- Driver & Passenger seatbelts with pretensioner and force limit يعني حزام الأمان بيستشعر ان فيه خطر او سرعة زائدة مع فرملة زائدة و بتلاقيه راح شد عليك كده و ثبتك في الكرسي عشان متتنطرش لقدام في حالة الفرملة المفاجئة
4- front reclinable head rest مساند الرائس زي بتاعة الميجان بتتفرد كده وتنزل تحت رقبتك مريحة جدا جدا للرقبة و العمود الفقري
5-طبعا صاج ال فلوينس انشف و اقوي بكتير من الريو
6- استهلاك البنزين الاتنين قريبين من بعض عشان ال CVT في ال فلوينس مقلل استهلاك البنزين
7-ال Ride Quality و الراحة طبعا في صالح الفلوينس
8- الثبات في صالح الفلوينس
9- المساحة الداخلية في صالح الفلوينس
10- الشنطة في صالح الفلوينس
11-التوكيل في صالح الفلوينس عشان اريو هتبقي خليجي من غير ضمان و برضه وكيل رينو افضل بكتير من منصور عن تجربة مع الاتنين
الريو الخليجي اعلي فئة تتفوق علي الفلوينس و الكروز
1- فتحة سقف
2-كاسيت اتوماتيك بشاشة مش بكر
3- smart key
4-parking sensors
5-جنوط 17 مقابل جنوط 16 في الكروز و مقابل طاسات 15 بوصة في الفلوينس
6-Electric folding mirrors
7-في بتكون عند معارض بفرش جلد الريو
8-تبريد في الدرج الامامي للمشروبات
9-ال LED طبعا و شكل العربية الشبابي
10- Auto light sensor
11-زجاج فيميه برضوا حسب المعرض
12- Bluetooth
الكروز تتفوق عن الفلوينس و الريو في
1- ال ESP و ال Traction control
2-تتفوق علي الفلوينس ب الجنوط ال 16 مقابل طاسات في الفلوينس
3-ثبات زي الفلوينس و اعلي من الريو
4-ال ride Quality هتبقي افضل مالريو و زي الفلوينس
و اخيرا ال Multifunction يعني دريكسيون متعدد الوظائف يعني تتحكم في الكاسيت من الدريكسيون او مثبت السرعة في حالة الفلوينس و الريو الكروز مفيهاش مثبت سرعة و الثلاثة فيهم Multifunction
في كماليات تنفع تركب و في مينفعش يعني مثلا لو جيبت كروز ممكن تغيرلها الكاسيت بواحد تاتش و USB و bluetooth و لو جيبت فلوينس ممكن تشتريلها طقم جنوط اصليين بتوعها و تشتريلها الفوجات اللي ب LED
كده فصصنا ال 3 عربيات و انت بس اللي تقدر تحدد اختيارك بناءا علي احتيجاتك اصل انت اصلا مختار 3 عربيات محترمين جدا فالفيصل احتيجاتك عايز كماليات و شكل شيك و شبابي و قطع غيار متوفرة و توكيل محترم لو هتتعامل معاه في الصيانات و سعر اعادة بيع كويس و استهلاك بنزين كويس يبقي ريو لو عايز فخامة و Ride Quality و ثبات و امان يبقي كروز عايز حاجة ماسكة العصاية من النص يعني واخدة من كل حاجة شوية ثبات و توكيل محترم و سعر اعادة بيع ابتدي يبقي كويس و Ride quality و امان و راحة و استهلاك بنزين بين الكروز و الريو و كماليات اعلي سنة من الكروز باستثناء الجنط بس اقل من الريو يبقي فلوينس
ربنا يوفقك للخير ان شاء الله