الحرارة بتقل في الزحمه

**ahmad_salama** · 03-06-2014 03:32 AM

نوبيرا 1 مانوال

حاجه غريبه حصلت انهارده لقيت الحراره قلت بقت ع الربع تقريبا ولاحظت ده في الزحمه مش في الطوالي ومرجعتش عليت تاني.

ابص علي اييه ؟؟؟

**baherhassan30** · 03-06-2014 09:20 AM

بما اني كنت من ملاك النوبيرا ..
حرارة النوبيرا ثااااااااابتة لا بتقل ولا بتزيد
ولو حصل اي تغيير لازم تشيك على دورة التبريد كلها من اول الثرموستات لمرحة التبريد
وغالبا هيكون هتكون ثرموستات

**ادوارد** · 03-06-2014 09:31 AM

او حساس الحرارة

**kokowasfy** · 03-06-2014 09:40 AM

كوعة الترموستات معلقة

**lutenit030** · 03-06-2014 05:35 PM

عربيتك تجهل ابسط قواعد فيزياء عالم السيارات و هى ان الحراره تتناسب عكسيا مع الزحمه :-):-)

**ahmad_salama** · 03-06-2014 10:42 PM

الحمد لله المشكله اتحلت لوحدها من غير ما اعمل ايه حاجه خالص. الظاهر كان في حاجه مهيسه

**lutenit030** · 03-06-2014 10:55 PM

خلى بالك ممكن تكون الكوعه بتعلق على الفتحو ممكن تعلق تانى رغم انى برضو مش مستوعب ان العربيه تبقى واقفه و المراوح واقفه و درجه الحرحه بتقل ديه مبتحصلش فى عز الشتاء، يكونش حساس تشغيل المروحه بيهيس و بيشغلها و هى بارده؟؟ ابقى سوف كده المرواح بتبقى شغاله ولا لأ لما يحصل معاك كده تانى

**ahmad_salama** · 03-06-2014 11:53 PM

المشاركة الأصلية كتبت بواسطة lutenit030

خلى بالك ممكن تكون الكوعه بتعلق على الفتحو ممكن تعلق تانى رغم انى برضو مش مستوعب ان العربيه تبقى واقفه و المراوح واقفه و درجه الحرحه بتقل ديه مبتحصلش فى عز الشتاء، يكونش حساس تشغيل المروحه بيهيس و بيشغلها و هى بارده؟؟ ابقى سوف كده المرواح بتبقى شغاله ولا لأ لما يحصل معاك كده تانى

لو حصلت تاني هبقي ابص علي المراوح ساعتها انما انهارده لقيت المراوح شغاله طبيعي والدنيا كانت كويسه

وهو في الغالب ثرموستات الكوعه كان معلق علي مفتوح لاني الصبح العربيه اخدت وقت طويل علي ما سخنت. وقصدت اجري بعدها علشان اشوف الحراره هتقل تاني ولا لاء ف مقلتش

اخر النهار العربيه رجعت طبيعيه وسحنت تاني بسرعه وده معناه ان الثرموستات قفل واشتغل طبيعي.

هي حاجه غريبه بس برضو هتابعها ونشوف هنوصل لايه بالظبط

**hon** · 04-06-2014 02:42 AM

حضرتك فى كلبس ساعة الحرارة لما بيضعف ويهوى شوية بيغش حصلت معايا فى اللانوس مرتين
فكه بالراحة وقرص علية بظردية فى دقيقة واحدة وكلة تمام

**ahmad_salama** · 05-06-2014 01:00 AM

المشكله رجعت اتكررت تاني انهارده الئهر في عز ما كانت الدنيا مولعه وكنت واقف في ميدان المؤسسة والدنيا خربانه الاقي العربيه بتبرد

بليل كنت بجري ع الدايري والحرارة كانت ثابته ومبتتحركش

انا هتجنن خلاص بجد ده مش طبيعي

المراوخ بتشتغل وبتفصل عادي. الميا خضرا والردياتير مغسول من شهر والميا ثابته مبتقلش خالص.

اظن لو الترموستات هو الي فاتح علي طوول العربيه مفروض تبرد في الجري مش في الزحمه.