الرقابة الإدارية والجمعية المصرية للتأمين التعاوني

**دموع الثلج** · 13-10-2008 02:59 AM

المشاركة الأصلية كتبت بواسطة tebeeb

واضح إن التوكيل كان عارف بالموضوع ده قبل القرار ما يصدر، وعشان كده كان بيماطل في إرسال المحضر بعد الإصلاح، بل والأدهى من كده كانوا بيتهربوا مني لما أتصل بيهم أسأل على الموضوع وصل لإيه، لدرجة إنهم كانوا ما بيردوش على اتصالاتي بيهم.
والتوكيل عايز فلوسه وبس.
طبعا هما أخروني فترة طويلة لحد ما بدؤوا في التصليح معرفش ليه، وما بدؤوش في التصليح إلا لما بعت لهم فاكس، واتصلت برئيس مجلس الإدارة،
ثم تأخروا عمدا في إرسال المندوب للحصول على خطاب تسليم السيارة، لحد ما صدر القرار.
و من امبارح باتصل بيهم ولا حد بيعبر.
والغريب إني لما راجعت قطع الغيار المستبدلة وجدت حاجات غريبة، منها مثلا حزام الأمان اليمين مع إنه محدش كان راكب جنبي يوقت الحادث، والفانوس الأمامي اليمين والشمال، مع إن الفانوس الشمال محصلوش حاجة، وحاجات غريبة تانية.
حد عنده نصيحة.

هو حضرتك سايب عربيتك فى توكيل ايه واى فرع ؟؟؟

**tebeeb** · 13-10-2008 08:37 AM

هاتناقش معاهم الأول ولو ما قتنعتش بكلامهم هاقول على اسم التوكيل، مش عايز أظلم حد يمكن تكون الحاجات دي فيها مشكلة أو إن الفانوس كان مكسور من جوة ولا حاجة، مع إن الاحتمال ده ضعيف لأن معظم الخبطة كان في الرفرف اليمين.
وحتى الفانوس اليمين كان مكسور من القاعدة بس.
الغريبة قوي موضوع الحزام اليمين، إلا لو كانت أحزمتهم متطورة جدا وبتقفش على طول أول ما العربيت تتخبط ، مش (Belt Assy - FR RH) اللي مكتوبة في الفاتورة يعني حزام أمامي يمين برضه ولا أنا مش فاهم. على فكرة سعر حزام الأمان 907 وضيف 10% ضريبة مبيعات يعني من الآخر 998 جنيه.

**د-احمد عبد اللطيف** · 13-10-2008 08:55 AM

ايوه حزام امامي يمين
المفروض ان الحزام يقفش عند الحادث لو كان مشدود يعني حد كان على الكرسي وقت الحادث ورابط الحزام اما لو كان غير مستخدم اساسا مش مفروض انه يقفش

**Yarisawy** · 13-10-2008 11:08 AM

الخبر صحيح ... انا اعرف ناس شغاله فى الشركه وكانوا حاكولى الموضوع ده انه تم اكتشاف اختلاس فلوس فوق ال 100 مليون من احد اعضاء الادارة المنتدبين

الشركة تمر بأزمة حاليا واحتمال تمشى موظفين وتقلل المرتبات

بالنسبه لعقود التأمين فذى ما هيا المفروض التعويضات شغاله .. اما للتعاقدات الجديدة فهم يحولوها الان لشركة المهندس للتأمين لفترة مؤقته الى ان يتم انتهاء هذه الازمه

**Amrrr** · 13-10-2008 11:22 AM

انا مأمن في الجمعية ورحت التوكيل اغير اكصدام قدام وفي غمزة في الكبوت ومهندس التأمين اللي عاين العربية في التوكيل مش عايز يعملها ؟؟؟؟ومش عارف ليه واتناقشت معاة لحد مازهقت من كتر الكلام وبرضة مش هيعملوا الكبوت وبصراحة الجمعية مش تمام وانا مارتحتش معاهم ومن أول حادثة والحمد لله كانت بسيطة وان شاء الله هغيرها السنة الجاية اذا كان ينفع لأن المفروض تأمين يعني مش بدفع حاجة غير مبلغ التأمين وشكراً بس الظاهر ان الشركة مش قادرة تغطي حجم أعمالها وكمان اتسرقوا - لا حول ولا قوة الا بالله

**mohameduoser** · 13-10-2008 03:12 PM

Ana kman mea2men ma3ahom we 3rbety 3amlat 7adsa we me7tga 63 alf genah we mesh 3arf aha el 7al heya el 3rbya fe el twekeel we mestena el .7beer 3rbya ocatvia model 2008

**دموع الثلج** · 13-10-2008 03:39 PM

المشاركة الأصلية كتبت بواسطة دموع الثلج

هو حضرتك سايب عربيتك فى توكيل ايه واى فرع ؟؟؟

يا سيدى الهدف من السؤال انه يمكن توكيل واحد من الاعضاء يعرف فيه حد يقدر يساعدك فى حل المشكله بس
عشان كده لازم تقول نوع عربيتك وفرع التوكيل بس

**tebeeb** · 13-10-2008 04:31 PM

إن كان على كده هو توكيل السبع بزهراء المعادي والعربية نيسان صني

**mohameduoser** · 13-10-2008 04:45 PM

ana fe artoc auto .3mra

**tebeeb** · 13-10-2008 11:59 PM

رأيكم إيه يا جماعة .. أروح أدفع وأمري لله، ولا أحاول تاني مع التوكيل وشركة التأمين؟

الموضوع: الرقابة الإدارية والجمعية المصرية للتأمين التعاوني

LinkBack

أدوات الموضوع

عرض

-

-

-

المواضيع المتشابهه

حد جرب الجمعية المصرية للتأمين التعاونى!!!!

الحقوا الجمعية المصرية للتأمين التعاونى

حد جرب التأمين مع الجمعية المصرية للتأمين التعاونى؟

لجمعية المصرية للتأمين التعاوني ... خدمة سيئة للغاية!

الجمعية المصرية للتأمين التعاوني

الكلمات الدلالية لهذا الموضوع

المفضلات

المفضلات

ضوابط المشاركة