سلام عليكم يا شباب انا بدور هنا على اى موضوع للمازدا فاميلى مش لاقى فقولت افتح انا موضوع جديد للمازدا فاميلى بما انى لسه شارى واحده ياريت الاعضاء تتفاعل معايا لانى مش عارف اى حاجه عن المازدا وشكرا لكم جميعا
عرض للطباعة
سلام عليكم يا شباب انا بدور هنا على اى موضوع للمازدا فاميلى مش لاقى فقولت افتح انا موضوع جديد للمازدا فاميلى بما انى لسه شارى واحده ياريت الاعضاء تتفاعل معايا لانى مش عارف اى حاجه عن المازدا وشكرا لكم جميعا
العربيه دى نادر لما بشوفها واعتقد مش هتلاقى حد يعرف عنها حاجه
الف مبروك عليك أنت اخترت عربيه من الزمن الجميل عربيه حماله اسيه وربنا يباركلك فيها و يكفيك شرها ويديك خيرها بس اهم حاجه اختار الميكانيكي اللي تتعامل معاه وثبته علشان يحفظ عربيتك وأهم حاجه يكون بيفهم فيها وطبعا اوصيك بالصيانه من كل ماهو يقع تحت بند زيت وفلتر وسير لازم يتغيرو واخص بالذكر زيت الفتيس أيا كان نوعه مانيوال أو اوتو وزيت الفرامل لأن دول الناس بتسهي عنهم وناس تانيه يقولك بيتزود
السلان عليكم اواجه مشكله فى المحرك عندى بيطلع دخنه بيضا او زرقاء مع الكبس على ار بى ام 6 بالرغم ان الموتور سحبه جيد جدا و يوجد زيت خفيف جدا على بوجيه رقم واحد و اربعه انا غيرت زيت من اسبوع ولحد دلوقتى الزيت منقصش رغم انى تحركاتى كثيره ارجو الافاده الى ما يحتاج الى تصليح ﻻنى روحت عند كذا واحد ناس تقول الاير ماس وتم تعيره و ناس تقولى ده كوتش صباب انا خايف افتح المكنه تبوظ حسب كلام بعض الخبراء فى مازد مع اعلم ان العربيه بتعرق ميه بسيطه جدا فى الدواره الصبح و بتدور على طوول وصوت المكنه واطى جدا وناعم انا محتار ومش عارف فيها ايه
غير جوان غطا التاكيهات
شكرا على الرد ولكن ارجو التوضيح علاقة جوان غطاء التيكهات بما يوجد عندى حتى استطيتع ان اصلحها دون نصب او عمل شغل عليا
حضرتك بتقول ان فية بوجية علية زيت يبقي حاجة من 2 يا كاوتش صباب زي ما قالو يا اما جوان غطا تاكيهات
واحد فيهم بايظ و هو الى بيخلى الزين الى في الموتور ينشع على البوجية
و بما انك قلت ان فية دخنة بيضا يبقي الارجح انو جوان
عامة متقلش سواء كدة او كدة بسيطة
السلام عليكم انا عندى عربيه مازدا فاميلى 97 وهى عربيه جميله ومبتعطلش يعنى اصيله كنت عايز اعرف سعر طلمبه المياه وينفع يركب عليها اى طلمبه لعربيه تانيه ولكم جزيل الشكر
السلام عليكم
أنا عندي فاميلي 2000 دلوقتي عاملة 450 الف كيلو العربية ببساطة ممتازة أداء قوي ثبات على الطريق واسعة وسوقتها ممتعة
مشكلتها الوحيدة ندرة قطع الغيار الجديدة