السلام عليكم
حملت المواصفات القياسيه المصرية من موقع هيئه التوحيد القياسى. لكن للاسف مش عارف طريقه او مفتاح قراءه المواصفه...يعنى المواصفه المطلوبه لها رقم زى كده 2008-01-0234 الرقم ده يقابل ايه ؟
عرض للطباعة
السلام عليكم
حملت المواصفات القياسيه المصرية من موقع هيئه التوحيد القياسى. لكن للاسف مش عارف طريقه او مفتاح قراءه المواصفه...يعنى المواصفه المطلوبه لها رقم زى كده 2008-01-0234 الرقم ده يقابل ايه ؟
الرفع للاهمية
متابع معاك
معقول مفيش فى المنتدى مستورد او صانع مصرى...اى شىء له مواصفه حتى الجبنه....السؤال افهم المواصفه ازااااااى ؟
الرقم اللي حضرتك بتسأل عليه ده معناه كالتالي:
المواصفة رقم ٢٣٤ الجزء ١ الصادرة في سنة ٢٠٠٨
الترقيم ما لوش أي معنى غير إنه رقم مسلسل للمواصفات
ولو بتدور على مواصفة معينة يبقى حضرتك تدخل على مقع الهيئة العامة للمواصفات والجودة الهيئة المصرية العامة للمواصفات و الجودة-الصفحة الرئيسية
وحمل دليل المواصفات.. وحتلاقي كذا دليل حسب القطاع اللي حضرتك بتدور عليهادخل على الوصلة دي علشان تحمل
الهيئة المصرية العامة للمواصفات و الجودة-أدلة المواصفات المصرية
ولما حضرتك تختار المواصفة اللي انت عايزها.. قدامك حل من اتنين...
يا تشتريها اونلاين وتنزلك .pdf. . من هنا
الهيئة المصرية العامة للمواصفات و الجودة-شراء المواصفات
.. أو حضرتك تروح تشتريها من مقر الهيئة في الأميرية
المهم تكون عارف رقمها
اشكرك جدا جدااقتباس:
المشاركة الأصلية كتبت بواسطة borio1704
تمام جدا انا عرفت رقمها...شكل البيع فى المقر فى الاميريه ايه ؟ اروح اشترى الرقم ده تحديدا ...ام بشترى القطاع كله (الهندسى مثلا) ....ام بشترى القطاعات كلها ؟
سؤال جانبى أتأكد ازاى ان الرقم اللى معايا هو المطلوب 100% لان التعريفات متشابهه لحد ما ....مين ممكن يساعدنى فى اختيار الرقم المناسب ؟
سؤال تانى حضرتك تعرف يعنى ايه المصطلحات المكتوبه امام المواصفه زى متبناه .....الخ
وشكرا جدا مره تانيه
كل مواصفة بتتباع لوحدها.. ولو عايز تشتري كل مواصفات القطاع الهندسي مثلا.. هتلاقي نفسك بتشتري كذا ألف مواصفة بمبلغ هلامي .. واللي انت عايزه منهم ممكن ما يزيدوش عن 50 واحدة بالكتير.
على فكرة.. كل مواصفة ثمنها دلوقتي على الأقل 50 جنيه
في رأيي.. نزل الدليل الأول.. وحدد ايه المواصفات اللي تهمك منه.. وبعدين روح على مقر الهيئة
المواصفات هناك بتتباع في المكتبة.. وممكن تروح تقرا المواصفة الأول قبل ما تشتريها... ولما ترسى على إيه اللي انت عايزه بالظبط... ابقى اشتريه.
بالنسبة لمعاني المصطلحات.. فهي كالتالي:
ملغاة: ألغيت وغالبا حل محلها مواصفة أخرى .. أو لم يعد لها لزوم نظرا لتقادم المنتج أو الوسيلة المستخدمة.
تعديل كلي/جزئي: تعديل على مواصفة قائمة في بعض البنود أو كل البنود.
جديدة: مواصفة مستحدثة لم تكن موجودة من قبل
تحديث: المواصفة تحت التحديث حاليا ولم تصدر بشكلها النهائي
متبناه: مواصفة لم يتم إعدادها داخل الهيئة ولكنها تتبع هيئة أخرى وتم تبنيها كأنها إحدى المواصفات المصرية.
إيقاف: لم يتم إلغاؤها ولكن تم إيقاف تطبيقها
ملزمة: مواصفة يلتزم بتنفيذها المصنعون والتجار طبقا للقانون، وخرقها يعتبر مخالفة يعاقب عليها القانون.
لو عندك أي سؤال آخر... أنا في الخدمة :welcome2:
يا فندم انت موسوعهاقتباس:
المشاركة الأصلية كتبت بواسطة borio1704
والاهم الرد الجميل
روح يا شيخ ربنا يكرمك
مساعدتك معايا مستمره فى كل مره افتح المواصفة أفتكرك
انا لفت انتباهى حاجه كذا مواصفه مكتوب أدامها انها غير الزامي ! هل معنى كده أن ممكن منتج يكون بدون مواصفه محدده ملزمه فى الاستيراد ؟
والله أنا ما عملت حاجة زيادة... كل الموضوع إني نقلتلك خبرتي بناء على اللي مريت بيه أيام ما كنت مدير توكيد الجودة في إحدى شركات إنتاج الجبن المطبوخ
بالنسبة للمواصفات غير الإلزامية.. هي فعلا زي ما حضرتك كاتب.. ممكن جدا المنتج أو المستورد ما يلتزمش بيها، هي مجرد إرشادات علشان منتجك يكون جودته عالية
الفكرة إنك ممكن وبكل بساطة تلاقي قرار نزل من وزارة الصناعة والتجارة ويقولك المواصفة دي بقت ملزمة.. بس بيديك فرصة لتوفيق الأوضاع ممكن توصل لحد 6 شهور وأحيانا أكتر.
وكمان لازم تعرف الاشتراطات المطلوبة من الدولة لو عايز تستورد... أحيانا بيبقوا مشترطين إن المنتج (لو مش مطابق للمواصفة المصرية) يكون مطابق لمواصفة عالمية أو أوروبية مثلا.
ده كمان غير الحصول على شهادات مطابقة أو شهادات سلامة أو غيره
طبعا الكلام ده مش مطلوب لكل المنتجات... بس تقدر تعرف المعلومات دي لو دورت شوية على النت .. لإن فيه قوانين مصرية نازلة مخصوص للاستيراد.
وطبعا... كل ده كوم.. واللي بيحصل فعليا من تحت التربيزة كوم تاني... وربنا يغنينا بالحلال.
...
اقتباس:
والله أنا ما عملت حاجة زيادة... كل الموضوع إني نقلتلك خبرتي بناء على اللي مريت بيه أيام ما كنت مدير توكيد الجودة في إحدى شركات إنتاج الجبن المطبوخ
ده كفايه انه نور لى الطريق...تخيل حضرتك فى هيئه الجوده نفسها مش فاهين العينه اللى معانا !!
حضرتك تقصد بالاشتراطات يعنى بلد المنشأ والكتابه على المنتج البيانات وسلامه العبوه والتغليف ؟؟اقتباس:
اقتباس:
وكمان لازم تعرف الاشتراطات المطلوبة من الدولة لو عايز تستورد... أحيانا بيبقوا مشترطين إن المنتج (لو مش مطابق للمواصفة المصرية) يكون مطابق لمواصفة عالمية أو أوروبية مثلا.
بالنسبه للمواصفه فهو اصلا المواصفه كلها على بعضها متبناه من هيئه عالميه ومكتوب ادامها غير ملزمه
اقتباس:
اقتباس:
ده كمان غير الحصول على شهادات مطابقة أو شهادات سلامة أو غيره
تقصد حضرتك شهاده الجوده من الخارج ciq
ده العادي على فكرة...
ما تنساش إن 90% من اللي شغالين في الهيئة موظفين عاديين.. واللي بيفهموا فعلا ومطلعين شوية على الدنيا فيها إيه يمكن يتعدوا على الصوابع
علشان كده اعمل حسابك على شوية بيروقراطية حلوين :)
لأ... أحيانا ممكن يكون فيه منتجات بعينها ليها شروط علشان تدخل مصر لو هي مستوردة
لازم ترجع للقانون المصري للاستيراد واللوائح المنفذة له علشان تعرف بالظبط إيه المطلوب.
شهادات الجودة كتير وأسمائها كتير جدا وتختلف على حسب المنتج
غالبا بيبقى مطلوب إن الشركة نفسها تكون حاصلة على شهادة الأيزو 9001
وأحيانا فيه منتجات لازم تكون عليها علامة الـce بتاعة السلامة في أوروبا
وكمان.. يفضل يكون فيه شهادة مطابقة من الشركة المصنعة أو من هيئة محايدة.. يعني المنتج مر بكل الاختبارات واجتازها بنجاح.
...