عربيتى اتخبطت الحمد لله .. محتاج مساعده واستفسارات ضرورى

السلام عليكم ...
عربيتى اتخبطت (سيفيك 97) الحمد لله على كل حال ...
محتاج كبوت استيراد مبدئيا .....حد يعرف منين فى اسكندريه ....
بالمره بقي انا العفشه عندى بتشخلل...
محتاج طقم مساعدين (اجيب جديد ولا استيراد ) ...لو جديد فى ماركه معينه ؟؟؟
انا جربت قبل كده 2 استيراد امامى و معجبونيش ....
محتاج مقصين امامى سفلى ....هوا ممكن اغير للى عندى جلب جديده يبقي احسن ولا اغيرهم ب 2 استيراد زى ما عملت قبل كده ؟؟؟
تيشين اسكاترا يمين وشمال جديد طبعا ..
2 كوبلن خارجى استيراد ...
2 ديسك امامى 14 استيراد زى بتاع السيتى 2003 و تيل فرامل جديد .
انا راكب العرببيه بقالى 4 سنين كنت باجيب حاجتى كلها من بورسعيد ...بس بما ان العربيه مخبوطه مش هاعرف اسافر ...لو حد يعرف مكان ف اسكندريه عنده كبوت استيراد ....
الاسعار بقت كام دلوقت للحاجات دى عشان انا مبصتش للعفشه من سنتين :E_braces[1]: العربيه بجد حماله قسيه .....
شكرا

قدر الله وماشاء فعل والحمد لله انها جت على قد كدة

اية ياعم الاسئلة دية كلها

عموما باختصار كدة

اى جلب فى العربية هتجيبها اصلى , يعنى مش هتغير المقص عندك لو سليم طبعا بعد الحادثة , كل اللى هتغيرة الجلب فقط

وهتجيبها اصلى طبعا

المساعدين هتجيبهم استيراد عشان التكلفة الاتنين ب 400 جنية استيراد حاول تنقى اتنين نظاف

الكبالن هتجيبها جديدة يابانى ب 650 جنية

الديسكات الامامية هتعمل 650 جنية استيراد كاملين بالتيل بالكاليبرات

سعر الكابوت استيراد ب 500 جنية

ربنا يخليك يا سامح بيه ...
معلش بقي الاسئله كتير بس اصل الخبطه جت وانا نااوى اشتغل فالعربيه ...انا اخر شغل عملته فالعربيه شهر 6 2012 :)
بس انا حكايه مساعدين استعمال دى مش جايه معايا خصوصا انى عايز 4 مش 2 ....
يعنى تقريبا كده طقم 4 مساعدين جديد بكام؟؟ و ياترى فيه نوع معين تنصح بيه ؟؟؟
المقصات الحمد لله سليمه ...الجلبتين بكام تقريبا ؟؟؟
والكبالن لو استيراد اظن تمام وارخص ولا ايه ؟؟؟
معلش يا باشا الاسئله كتير بس اصل العربيه جعانه :)
الحرفيين فاتحيين يوم الجمعه ؟؟؟؟

ولا يهمك ياباشا اسأل براحتك

بالنسبة للمساعدين جديد هتجيب مونرو افضل من ال kyp بكتييييير وتمن الاتنين 900 جنية يعنى حوالى 1800 للاربعة

وبالنسبة لجلب المقصات السفلية هتجيبها الاصلى للجنبين وكل مقص فيهم 2 , هتعمل 390 جنية جديدة اصلى

لأ طبعا انا مبفضلش كبالن استيراد نهائى وعموما لو حكمت معاك ( اتنين راس كوبلن خارجى فقط استيراد ب 250 جنية


نصيحة تبقى عارفها , اى شغل فى العفشة لازم تعمل الجنبين مش جنب واحد حتى لو الشكوى من جنب واحد فقط

عشان يبقوا الاتتنين بنفس درجة التماسك

تسلم يا باشا ربنا يكرمك ...
أخر سؤال بقي :)
يوم الجمعه فى الحرفيين المحلات كلها شغاله ولا بيبقوا اجازه ؟؟

شغالين ياباشا