-
سؤال فى نيسان صنى مو 95
السلام عليكم أعضاء المنتدى الكرام واهل الخبرة فى اليابانى والنيسان صنى القديم خصوصا
عندى بعض الاستفسارات واتمنى اجد اجابة شافية كافية عندكم وهذه اول مشاركة واتمنى الا تكون الاخيرة
سيارتى نسيان صنى مو 95 فيها كذا مشكلة
تانك البنزين اتخرم و مبهدل من تحت والفنى قالى احسن اننه يتغير وانا مش لاقى تانك للموديل ده ومش عارف لو لقيت اجيب استيراد ولا جديد وايه الفرق و السعر يعمل كام تقريبا عشان ماحدش يضحك عليه و كمان لو الفنى لحمه و ضبطه عشان تمشى الفترة الجاية ياخد كام تقريبا
دى المشكلة الحالية وفيه مشاكل تانية لو الناس فادتنى فى مشكلتى هقول باقى المشاكل وياريت ما اكنش طولت عليكوا وشكرا ليكو
عمرو:E_braces[1]:
-
من وجهة نظري تجيب تنك استعمال افضل وتتفق مع المحل انه يكون على التجربه بس في الغالب هيكون بحاله كويسه لان مفيش حاجه بره تبهدل العربيات من تحت زي عندنا
بالنسبه للتكلفه معنديش فكره
فكرة اللحام اعتقد انها مش كويسه الا لو الخرم صغير جدا وفي حته مش هيحصل فيها اي احتكاك او خبط بعد كدا واهم حاجه يكون الصنايعي فاهم هو بيعمل ايه يعني طريقة اللحام تكون كويسه والماده المستخدمه في اللحام تكون قويه وما تتفعلش مع البنزين
لو عندك مشاكل في الجزء الخلفي من العربيه زي فوانيس او شنطه او اكصدام اشتري النص الخلفي هيوفر معاك كتير عن انك تشتري كل حاجه لوحدها
ارجو اكون افدتك
Content Relevant URLs by
vBSEO 3.6.0 PL2