عرض للطباعة
انا عندى عربية لانوس 1 موديل 99 ... فيها مشكلتين
الأولى : ساعات وانا ماشى والعربية واخدة سرعتها عادى وآجى اهدى عشان مطب او اشارة بلاقى العربية هديت وكنت خالص وساعات تبطل كمان وتدور بعديها بالعافية ... غيرت فلتر بنزين وشيكت عالطرمبة ونضفت الحساسات بتاعت البنزين وبرضوا المشكلة لسة موجودة .
المشكلة التانية فالملفات او اليو ترن لو كسرت الدركسيون للآخر العربية برضو بتكن جامد ولازم ادوس بنزين عشان ماتبطلش
انا تعبت من الاشتغالات بتاعت الصنايعية .. ياريت حد يقولى الحل ايه !!!
حكايه انها تبطل و انت بهدى ممكن تخليك تشك فى سيرفو الفرامل
و بالنسبه لتطبتيلها مع الكسره ممكن تجرب تنظف الايدل( مجرد اقتراح)
طب اعمل حاجة مهمة اعمل اسكان على الحساسات الاول
وهل لمبة التشيك بتنور
غالباً هيبقي العيب ده من خابور طمبورة الكرنك خلي ميكانيكي يراجع عليها
موضوع الملفات ده ممكن يكون من مكنة الباور فيها حاجة او حاجة بتعوق حركتها لان اكبر اجهاد عليها كل ما بتلف الدركسيون اكتر اما بالنسبة لموضوع التهدية جبر تكارك فرامل وانت واقف لو الماتور هدى وهايبطل يبقى سيرفو يامعلم لو لا يبقى حساس الايدل