مشكلة فى الرشاشات - رجاء المساعدة
صباح الفل
انا عربيتى افيو 2006 عاملة 74000 كم
انهاردة وانا بدور الصبح فتحت الكابوت بعد ما دورت علشان احط مية لرشاشات الازاز
ببص على جوان وش التاكيهات لقيت الرشاش الاول من الشمال حوالية حاجة زى ترطيب خفيف قلت يمكن زيت معرق
مديت ايدى لقيت ريحة بنزين على خفيف
رحت راشش مية وقلت ابص عليها تانى لما اوصل الشغب
انا مشوارى 30 كم وصلت وسط البلد وركنت وفتحت الكابوت ملقتش حاجة واعتقد ان دة طبيعى علشان حرارة العربية
المهم انا دلوق قلقان وخايف يكون فية مشكلة
ارجو المساعدة من اللى عندة معلومة مع العلم ان العربية الحمد لله بتدور من اول مرة وكمان الصيانات كل 5000 كم فى التوكيل لحد 55000 كم وبعد كدة بانتظام برة من حوالى سنة والسحب الحمد لله كويس والاستهلاك الحمد لله كويس
افيدونا برايكم ادام الله فضلكم واسف على الاطالة
