اقتباس المشاركة الأصلية كتبت بواسطة gogogo مشاهدة المشاركة
انا عربيتى ان شاء الله هدخلها سمكرة وبوية وهغير كل حاجة فيها مش سليمة
ميكانيكا وعفشة وكنت عايز اعرف مكان محترم مش بتاع تكاتك وشغال بالبركة
اديلو العربية يسلمهالى كالزيروووو وعايز مكان تانى بتاع سيستم ساوند وزينون
وخايف اركب فلتر وديفل ليبوظو هدوء الموتور يعنى عايز حاجة تكون هادية

شوف ياباشا انت تعمل السمكره والبويا وبعدين تركب جنط محترم على العربيه وابعد عن الصينى اشترى اى جنط ماركه معينه يكون استيراد هيكون فى حدود 2000 جنيه او اقل

وبعدين تروح عند بسام فى الحرفيين تقوله انا عايز اعمل تنفيخ بسيط فى الاكصدام الامامى والخلفى يكون هادى وميغيرش من شكل العربيه بالنسبه للسوند سيستم والزينون عندك التوفيقيه وشارع دمشق

والفلتر والديفل لو بتدور على الهدوء نوعا ما يبقى الفلتر لان الديفل بيبقى شغال على طول مع العربيه ومفيش حاجه اسمها هدوء صوت المحرك مع الديفل اضف الى ذلك انه بيخليك تسخن على خلق الله وتفضل تجرى مع اى حد وعن تجربه

انصحك بالفلتر لانه مبيشتغلش الا لما تقرص على العربيه وبيخليك تحس انك مركب موتور لمبورجينى