السلام عليكم /
حد يا جماعه يعرف كاوتش لاداد 2105 بكام جديد و هل ممكن الواحد يجيب مستعمل و تقريبا" سعره كام ؟
عرض للطباعة
السلام عليكم /
حد يا جماعه يعرف كاوتش لاداد 2105 بكام جديد و هل ممكن الواحد يجيب مستعمل و تقريبا" سعره كام ؟
فى حجات صينى كويسة بتبتدى من 230 و250 لو انت مش بتسافر انما لو سفر هات الماليزى بتعمل حوالى 350 الفردة الاستعمال بتعمل حوالى من 70 ل150 حسب الحالة بس منصحكش تجيب مستعمل
لو هتلف بيها جوة البلد بدون سفر و لا جرى شوفلك مستعمل نضيف
و يكون مش مليان إخرام و تنفخه على 40 و تشوف فيه بلالين و لا لأ و يكون طرى و تاريخ انتاجه مش اكتر من 3 سنين (صلاحية المطاط بوجه عام 5 سنين و يبدأ يفقد خواص الليونه و يتشقق و ينمّل و و و )
و سعرة زى مقال الإخ الكريم من 70-150 و حاول تركز على الكورى - الماليزى - التايلندى (لأنك صعب تلاقى يابانى) - و تحاول تبعد عن الصينى (ميبقاش مستعمل و كمان صينى يعنى)
الجديد عند غطاطى سألت عليه 310 ج نوع اسمه اكليس اندونيسى (ماركه جودتها متوسطة )
السعر شامل التركيب و نفخ نيتروجين و ترصيص
طبعاً المقاس الأستاندرد: 13-70/175 ده لو حضرتك مكنتش مغير الجنوط الحديد و مغير المقاسات
عن تجربة اهم حاجة كاوتش العربية يكون بحالة جيدة
عشان كده ابعد عن المستعمل وخليك فى الجديد
انا عربيتى موديل 93 لادا 2107 لما اشتريتها وقرفت من تغيير العجل كل شوية روحت جبت 4 فرد كوتش و4 جنوط حديد كله جديد فى جديد وريحت نفسى من وجع الدماغ
الجى تى اندونيسى ٣٢٥ والبردجستون تايلاندى ب٤٠٠ وفيه يابانى تويو حوالى ٣٨٠ ابعد عن الكومهو (السولس بالذات) والصينى لو جوه البلد بس
حقيقى متشكر ليكم جدا" يا جماعه
ربنا يبارك فيكم جميعا"
عاوز أفهم ليه؟اقتباس:
ابعد عن الكومهو (السولس بالذات)
بقى مغشوش يعنى و لا إيه؟
لو ليك في الجري والسفر
يبقي عليك والميشلان هيفرق معاك جامد والله
لو هادي وجوه البلد يبقي برجستون او اي حاجه كوري بلاش صيني
وبلاش الماكسس والالسا لانهم سيئين وبيلمو ظلط