-
العربية مافيهاش ميه
السلام عليكم يا شباب
عندي مشكلة(عربيتي نوبيرا 2002 اوتو ) : كل ما احط مية في القربة واروح مشوار ارجع اشوف المية الاقيها فاضية مش عارف المية بتروح فين (للعلم انا لسة مغير الشجرة من 3 شهور )
وزيت الموتور مش بيزيد ولا عامل طحينة ولا حاجة وبصيت علي المواسير مافيش حاجة بتسرب
هاتجنن وخايف اخرج بالعربية
يا ريت اللي عندة افكار يقولي
شكرا
-
وعليكم السلام ورحمة الله وبركاته
حضرتك زود المياه و العربيه واقفه و شوف المياه بتنزل من فين من القربه او الريدياتير
-
اتاكد ان أربة المية مقفوله كويس ومفيش فيها تهريب والأفيز بتاع المواسير يكون مقفول كويس واهم من دا كله ان الريداتير مفهوش تهريب لا قدر الله
-
ممكن يكون فيه شرخ فى القربة بس مابيسربش غير لما العرببة تكون سخنة
وممكن يكون غطا القربة بايظ وبيسرب
Sent from my samsung GT-I9152 using Forum Runner
-
غطا القربة بيحدث منه بخر
ممكن تاكد على الغطا
-
ممكن تكون طرمبة المياة اتخرمت
-
بعد مراجعه الاسباب الظاهريه اللى قال عليها الاخوه وعدم الوصول لنتيجه
يصبح احتمال تسريب من وش السلندر الى غرف الاحتراق الامر الاكثر احتمالا والتسريب درجات ومناطق مش شرط الطحينه الطحينه تحدث عندما يكون التسريب نافذ على الزيت لاكن ممكن يحصل تسريب بسيط على البساتم نفسها ولا يؤدى الى الطحينه لاكن ينقص الماء
-
اكبس دورة التبريد
MMamdouh
-
لو فيه تسريب على البساتم هاتلاقى صدى على البوجيهات
Sent from my samsung GT-I9152 using Forum Runner
-
بص تحت دواسة السائق او الراكب الامامى
Content Relevant URLs by
vBSEO 3.6.0 PL2